7 ¹ Nejjata ira evetsinü Aman yajaba ponaria pe jjaejaba nejja bajara ira evetsiwa jaba beria . ² Pe kotokae mata kabi,abajju pa kujinae vino ra to ntsana,bajara ponü ira evetsinü jumeitsi Ester jaba beria:´´¿Dejjua ne bajuka tsiename,ira evetsiwa Ester?karajutsientsi.¿itsa jua nebajukame?taja ira katsi kobe tsatsienatsi jjamü nejja. ³ Nejjata ira evetsuva Ester jumepita ´´Pejjania kuene yajaba pitajju,ira evetsinü itsa jitsipame beitsi ba,abajju itsa ponaponajû,bajara pe pitsikuene taja tomara to jitsipame. ⁴ Tsipaji taja monae,ne to kanajetatsi,ta ne to beyejebinejatsi.Saya itsa pane kanajetsipa pa to kanakuenabinejja,pakuenia pitiriebi ata penakuenebi nejja nane konetsi ejjana.Itsa moya nu tsipae,nejjata apo pane bejiobitsipae janepanejaipae nejjata bajja jamatabü itontsijaba nakua ira evetsinü.´´Nejjata ira evetsinü Asuero jumeitsi Ester jaba beria,ira evetsiwa.´´¿jipatsa?¿itsa jota ponapona bajara pa jiviyo pejamatabü ütjutota bajara jjua pe ejjanae nejja?´´ ⁵ Nejjata Asuero ira evetsunü jumeitsi Ester jaba beria,ira evetsiwa:´´¿Jipatsa pa jiviyo?¿De jota jinovanapa bajara pajiviyo pebisia kuene ejjana?´´. ⁶ Ester jumeitsi:i Aman ra kajena pe kurujibejenü!´´Nejjata Aman junaba ira nakua evetsinü baja pa pakuenia ira nakua evetsiwa pitabuta. ⁷ Nejjata ira nakua evetsinüanaepana,pe apaebiebi jabata nuka,nejjata pitsaparia pija bo itapayaberia juya Aman na kopatanukaria najjua evetsiwa Ester bijiobi taejitsietsi.Nejjata bajara ponü tane penanekonitsi kuene. ⁸ Nejjata ira evetsinü nabiata pona betsina pe matononaejji pija bo berena nejjata penakuenabinü.Aman jopaneka pe ekae jabata jota Ester nukeka.Ira evetsinü jumeitsi:´´¿tsimajju otopja pematabuta ira evetsiwa,taja bo ?´´Detsa pakuenia be pijayo pitsapa ira evetsinü pekueibojoto betsina pija pianivi. ⁹ Bajara Harbona,kae jabitsaunü pianibi ira evetsinü,jumeitsi ´´kae pe busikutsijaba cincuenta(50)pemajju solito beje bo nojuneneta na mata kota Aman.Ponü yotaba Mardoqueo,ponükue kue jai pe nayakaranja nejja ira evetsinü´´jjamü busi kütasi.´´ ¹⁰ Nejjata bajara pa monae busi kütasi Aman pena busi kutsinejja ponü sibaju janavaitatsi pebuta kutsi jaba Mardoqueo.Bajara ira evetsinü anaepana.