5 ¹ Akueyabi pa matakabibeje kujinae,Ester naitabuta pija panabota nuka nanaejabata,pija bo itapata nakuira evetsinü.Nakuira evetsinü pija tajjunaeta eka,nakuira pija bota,pitabara berena pija bo. ² Pakujinae ira evetsinü tane Ester pe nukaeba corte jabata,nejjata yeyetanetsi.Ponü yotaba oro nanito naebo bajara pova itarapitsiaya.Ester imojjoyolia oro nanito jayata. ³ Barajjua evetsinü jumeitsi bajara powa jaba beria:´´Dejua jitsipame evetsiwa Ester´´ ´´dejua je nija bajukaejaba´´taja evetsi nakua namatajupaya ka rajutsienatsi . ⁴ Ester jumeitsi:´´bajara jitsipa ira evetsinü Aman yajaba rena akonojjae pejjaejaba petsetsijaba janiavaetanjü jainanjü ira evetsinü nejja.´´ ⁵ Bajara kujinae ira evetsinü jumeitsi,´´kujinaya carenare Aman,pakuenia,jumeitsi Ester.´Nejjata ira evetsinü Aman yajaba pona beje belia Ester pejjaejaba tsibu junatatsi. ⁶ .Pakujinae vinoranu pianitanivi epaka pejjae jabata,ira evetsinü jumeitsi Ester jaba beria:´´¿Dejjua jitsipame? Barajjua ka to ejjanaejitsia.¿Dejjua bajukame? namata jupaya ta evetsijaba ka to rajutsientsi.´´ ⁷ Ester jume kanabieta:taja jitsipanjü taja bajukae yajaba bajara jua je: ⁸ Itsa pejjania kuene kajjinanjü ira nakua evetsinü pitabarata itsa tsita jjaneponatsi ira evetsinü tanerajutsinejja pejjania kuene ,pa renamütsane ira evetsinü Aman yajaba pejjaejaba nejja merabia pa ta ejjanaenejja pajjamü nejja,nejjata jumekanabietsienanjü ira evetsinüpija liveisi.´´ ⁹ Aman jamatabu utju baruyaya.Pakujinae Aman Mardoqueo tane ira nakua evetsinü pija baüpata,ma nejjata ponüje apo nonotapunae,nejjata Aman ayai kuenia anaepana Mardoqueo jaba beria. ¹⁰ Itsieta baitsi jane,nejjata Aman anaya kaeba pona pija boya beria.Nejjata pija banabi junatsi ejjana na kaetuatsi ejjana pija wa,Zeres jivi yajuaaba. ¹¹ Aman tsipaeba pe to yajjaniawaitsi pe kobe kowü,pejji bitsauto pejjainaejaba,dajjita pija pejjania kuene ira evetsinü yeiyaitaejabatsi;dejuatsia jane ponü bitso namata kota dajjita wajabitsaübi pianibi yajaba pija ira evetsinü. ¹² Aman jumeitsi:´´ira evetsiwa apo junatatsi itsamonae,tsaya jjanü,ira evetsinü pepüta pajjaejeba penaa tsibü ponae nejja bajara powa pe tsibajünae setsi jaba.Merabia ata,ikatsia najunata nejjata powa ira evetsinüpemujjunenetaa na enaejitsi. ¹³ Beitsi jane itsieta dajjita amatamo jibi jjanü nejja abajju itsa tayetame pe ekaejaba judio nü Mardoqueo ira evetsinü pija bo baupata. ¹⁴ Jumeitsitsi Zeres pija wa dajjita pija banavi yaajaba:panakuebare cincuenta codo (50) jjainto jaba pekuaibosi keretsi tajjanae nejja.Bajayakunua ira nakua evetsinü barakuekuejai Mardoqueo pe büsi kütsineejjatsi bajaraa jota.Bajaraa jjua kujjinae barüyayaponaename ne naba ni nejja ira nakua evetsinüta.´´Bajara pa jume mujjunaa baraya Aman ejjana nejjata panakuenabare pekuaibosi keretsi.Pe büsikutsi jaba ejjana.