1
poro Saulo, sigí chitiando amesana pá kitánbila a risspulo ri Ño, éle a bae pá andi sumo sacerdote
2
i á perí kata pá I bae a masiruma ri judio endi Damasco, asiná ke tó ma jende ke éle a topetá endi kaddume ombe u mujé éle poleba meté ane endi barra ri Jerusalen.
34
kuandi éle tando, secca ri Damasko, ri repente nklarirá miní renje nsulú rodeá éle; éle kaé endi suelo, a kuchá mbó ke chitiá:" Saulo, Saulo, ¿ pokké bo tá pesegi mi?"
5
Saulo a kontetá:"¿Ño, kié Bo sendá?" Ño a chitiá: "I Sendá Jesús kié bo tá pesegí;
6
poro palá, lendrá a suirá, kuandi bo lendrá sabe lo ke ten ke asé."
7
ma ombe ke tando ku Saulo a palá i chitiá ná nu, ane kuchá mbo, poro guatiá ná nu.
8
Saulo a palá ri suelo, kuandi éle ablí ma ojo si, poleba miná ná nu; asina ke ané yebá éle pó mano si a Damasco.
9
Éle kelá trilingó ría sin miná, kumé i bebe ná nu.
10
Nrisipulo ke a tá endi Damasco ke asé ñamá Ananías, Ño a chitiá Éle endi nbisió: "Ananías" Éle chitiá :"I a tá ki Ño."
11
Ño chitiá a Éle:" palá, andá ma kaya ñamá rerecha, endi posá ri Judas i prundá po u ombe ri Tarso ñamao Saulo, Éle tá orá;
12
i a guatiá u ombe ñamao Ananías endi nbisió ke miní í tentá éle ku mano si asina ke éle poleba resibí bitá si."
13
Poro Ananías a chitiá:" Ño, I a kuchá ma jende chitiá ri é ombe, ke éle a sé raño a ma sando endi Jerusalén.
14
Éle ten autorirá ri ma prisipá sasedote pá kojé i meté endi barra a tó ke mentá nomble Si.
15
"Poro Ño a chitiá: "andá pokke éle sendá arrelike mi ke I kujé pá yebá nombe mi lánde ri ma Getiles i ma takuringo, i ma moná ri Israel;
16
pokke I tan motrá éle kuanto éle ten ke suflí pó kausa ri nombe Mi."
17
Asina ke, Ananías a bae i lendrá endi posá. Éle poné mano soble Saulo, i a chtiá: "Nunano Saulo, Ño Jesús, kiene a palese a bo endi kaddumen kuandi bo a miní, a mandá mi pá bo polé tené bita ri nuebo i asé yeno ri Epíritu Sando."
18
Ri nbe a kaé ri ma ojo ri Saulo aggún kusa ke pelese ekama, i éle a resebi bita si; éle
á palá i ase bautisao;
19
a kumé ia recobrá kutú. Elé a kedá ku ma rissipulo endi Damasco pó agguno ría.
20
Ri nbe éle andá ma fecha ri Jesús endi to masiruma ri Judio, i a chitiá ke jesús sendá moná ri Rioso.
21
To ma jende ke a kuchá a kelá petplejo, i chiando:"¿nu sendá e ombe ke a kabá ku tó ane endi Jerusalén ke mentá e nombe? Í éle miní , pá maniá ane lande ri ma prinsipa sasedote.
22
Poro Saulo a ten má i má kutú i ma Judio ke a bibí endi Damasco a ta angutia pó kuppa ri Saulo kuandi éle probá ke é Jesús sendá kristo.
23
Ri pué ri chochá ría, ma Judios konpinchá pá kita mbila a Saulo.
24
Poro Saulo a kunusé ke ané konpinchá pa kita mbila éle. Í ané a bigilá ri ria i okurana pá matá a éle.
25
Poro ma risipulo si a saká éle po okurana i bajalo po muro ku kanata.
26
Kuandi Saulo a miní a Jerusalen, éle keleba andá ku ma risipulo, Poro ané a teneba miero a Saulo, ané kré ke éle sendá risipulo nú.
27
Bernabé trée éle a ma apóstales. Asina ke éle a chitiá ané kúmo Saulo a guatiá a Ño Jesús endi kaddumen i ke Ño chitía a éle, i kúmo Saulo ndá ma fecha ku bilante nombe rí Ño Jesús endi Damasco.
28
éle a topetá ku ané kuandi ane salí i lendrá ri Jerusalén. Saulo a chitia ku bilanté endi nombe ri Ño Jesús
29
i epepitaba ku ma Judios ke chitía griego; Poro ane a kele matá a Saulo.
30
Kuandi ma numano a sabe e kúsa, ané a yebalo a Cesarea, i a mandá éle a Tarso.
31
Asina antonse, ma ilesia teneba pá i séndá erificada po tó Judá, Galilea i Samaria; i jarriaban endi temó rí Ño, i ma konsuelo rié Espíritu Sando, ma ilesia a kresé endi numango.
32
Aora pasá ke miendla Pedro bae po tó región, éle tabié a bae a ma kreyente ke a morá endi siurá ri Lida.
33
endi e siurá éle topetá u ombe ke asé ñamá Eneas. kie a ta a larga endi balentiela si po olingó año. pokke éle sendá tieso.
34
Pedro a chitia a éle:"Eneas, Jesúcristo a saná bo. palá, kujé balentiela si."ri unbe éle a palá.
35
Asina ke tó ma jende ke a bibí endi Lida i Sarón a guatiá a e ombe i a konbentí a Ño.
36
Endi siurá ri Jope abia gende ke a krée ke asé ñamá Tabita, ke asé trarusipo kumo "Dorkas." É mujé tá yena ri kaiko i miserikordia obra ke ané asé pó gende pogre.
37
I a suseré endi aké ría ke ané a kaí chakosa i a lungá; kuandí ané abiá labai, i a koloká endi kuatto ke tá endi kopito.
38
Lida a ta ai sekka ri Jope, i ma risipulo a kuchá ke Pedro atá ai, ane a mandá dolingó ombe ke a rogá:"Miní ku súto ri nbe".
39
Pedro a palá i a bae ku ane. Kuandi éle a yegá ane a yebalo endi aposento atto. i tó mujé ke mailo a lungá, a tán palá jundo a éle, jipiando i á motrá tunica i ma bitilo ke Dorcas ase kuandi éle a ta ku ané.
40
Pedro a saká a tó gende ri kuatto, i a jinká, i a orá. Antonse, a bobbé pa kueppo, elé achitía: "Tabita, lebandá." Ané abrí ojo sí, i kaundí elé a güatía a Pedro a sendá.
41
Pedro antonse a ndá a elé mano sí i a lebandá; i kuandí elé a yamá a má kreyende i má buida, elé a motrá ané a elé kú mbila.
42
É kusa ndá a kunosé pó tó Jope, i un chochá a krée endi Ño.
43
Pedro a kelá endi Jope un chochá ri ría kú un ombe ñamao Simón, ke asé kuero ri pié ri animá.