1
Ete sendá trilingó be ke I baé a enú. "PO KA AKUSASIÓ TEN KE TENÉ DOLINGÓ O TRILINGÓ PERITO".
2
I chitá a kiene lo ke peka i ma uto kuandi baé po dolingó bé, I chitiá ané uto bé: Kuandi I bobbé, nú tán sota ané.
3
I tán chitiá eto pokke enú tán buka fecha ri ke Kristo ta kombesá ku yo. Po kondla, Elé sendá lo ke ten ma kutú ri to enú.
4
Pokke Elé Krusifikao, poro elé ta bibí po merio kutú Rioso. Pokke suto tén rebilirá endi Elé, poro suto tá bibí ku Elé po merio ri Kutú Rioso lendro enú.
5
Guatieno enú memo pa polé be si ané tén fe. Probá enú memo.
¿Enú nú tán da kuenda ke Rioso atá ku enú? numá ke enú frakasa prueba. Elé tá, numá ke enú pasá prueba nú.
6
I tá konfiá ke to enú rekonosé ke suto nú frakasa.
7
Aora suto tá orá pa enú polé ase kusa mala. Suto nú orá pá pesé ke ané pasá prueba.
Po kondla, I tá orá pá enú asé kusa guena, aun ke suto pesé ke nú pasá prueba.
8
Pokke suto polé asé na kondla ri belá, numá ri lao ri belá.
9
Pokke suto gosa kuandi suto sendá rebil i enú ku kutú. Tambié suto tá orá pa enú pefesioná.
10
I tá kribí ete ma kusa miendla i tá lejo ri enú, pá kuandi I bobbé enú poleba obrá nú ku autorirá, lo ke Rioso andá mí, pa erifika a to enú i pá kuilá a to enú.
11
Finalmende, numano, ¡regosijá! Makanea pá retaurasió, alendá, pone ri akuedo enú memo, bibí endi pa. Y Rioso ri gongorokó i ri pa tén ke tá ku enú.
12
Saluda enú memo ku beso sando.
1314
To lo ke kreé tá salurá enú. Ke nglasia ri Ño Jesukristo, gongorokó ri Rioso, ma komunikasió ri Epiritu Sando kelá ku to enú.