¹ A sevakinia a tolu na siga a sa tara na vakamau mai Kena i Kaleli, a no muni ka o mnai Jisu. ² A ru lei sureti muni ka o Jisu qa o koru na lea Tisaiveli i na vakamau. ³ Ni sa lai drole na waini a sa kwaya i va Jisu o mnaya,"Sa lala i vuaru na waini". ⁴ Sa qei kwaya i vua o Jisu "Vibulou na yava o laka mai ka i va au? e i si tam vura mai na lequ gauna". ⁵ A sa qei kwaya o Mnaya i vuara na viqwaravi "Na kwa coko i kwaya i va vatikem, ba tara" ⁶ Sa naki no muni so keni a ono na tuvu vatu ni wai dre sa dau va savasavataki ni kora ka na Jiu, sa tau yarua se yatolu nai vakarau. ⁷ Sa qei kwaya i va koru o Jisu" Ba tawania na wai i na tuvu" A re sa qai vatawania me tase sara i e gusu. ⁸ A sa qei kwaya i vuara na dauvi qwaravi" Ba qei takevia vica qo ba kau i vua ko i lewa na magiti" A re sa tara. ⁹ Ni sa tovele na wai sa vuki me waini ia a tam kilatia na vanua a laka mai ka[Ni o koru na vatawania na wai a ru kilatia na kwa a yaco]. A sa qei covia na tagwane sa qei vakawati. ¹⁰ Sa kwaya i vua " Na tamata yalia sa dau vagani kora sila na waini vina se qei taravia na waini vina Vakasewasewa ni ra sa mateni, ia o iko e vaganira ga no na waini vina me yacovia mai na gauna kwe. ¹¹ Ko kwe nai tautaula ni cakacaka mana a tara o Jisu mai Kena e Kaleli, sa vatakea ka na kaikai i vua, a re sa vakabauti koya na lea Tisaiveli ¹² Ni sa oti so kwe a ru sa qei laka civo i Kapenaumi o Jisu, oMnaya, o kora na tacia, qa o koru na tacia, qa o koru nalea Tisaiveli a ru lai no doki vali ka me sewa na siga. ¹³ Ko kwe s valeke sara na ledra kani vata ni Lakosivia na Jiu, a sa qei laka cake i Jerusalemi o jisu. ¹⁴ A sa danira ka na volitaki bulumakau qa na sivi, qa na ruve , qa ni kora na visau i lavo a re via no tu ka ¹⁵ A sa qei tobe na wawa me tia i rubi a sa qei karavi kora i tevai mai were ni soqo wili muni ka o mora na sivi qa na bulumakau, a qei ceburakinia nai lavo mai vuara na dauvisau i lavo qa kilicia na ledra teveli. ¹⁶ A se vecei kora na dau volitaki ruve" Ba kau dei na kwa coko kwe," Ba kua ni tara na lea were o Tamai au me tia vanua ni volivolitaki. ¹⁷ A ru sa qei numia na lea Tisaiveli ni sa volai" Sa solumti au na loma karasa i na lem were". ¹⁸ A re sa cacania o kora na teiteimata ni koi Jutia a re kwaya i vua" I na vatakilakila yava e na vatakea i vakemam, i na vikwa o sa tara kwe. ¹⁹ Sa qei kwaya i vuara o Jisu " ba talarakinia na wre ni Lotu kwe, qi na vadurenia leqwa i na i katolu ni siga". ²⁰ A re sa kwaya na ledra teiteimata na Jiu " Na were ni Lotu kwe a tara i na vasagavulu ka ono na yabaki, qo qei kwaya mo na va durenia i na tolu na siga?" ²¹ Ia so kwe , i kwaya ni ni e yago na were ni Lotu. ²² Ni oti na lea dure mai na mate, o kora lea Tisaiveli a re sa qei numia na kwa a sa kwaya rewa qa re sa vadudutakinia nai Vola Tabu qa na ni vi tukutuku ko a sa kwaya rewa vali o Jisu. ²³ Ia ni sa no vali i Jerusalemi i na soqo ni kani vata ni Lakosivia, levua re sa vakadududtakinia e yaca ni ra sa dania na vi kwa a tara o koya. ²⁴ Ia a tam vabauti kora o Jisu baletia ni kilati kora vina. ²⁵ Baletia ni lala e bete me lia ei vatakei kora na tamata i vua, baletia ni kilatia vina du na yava ei tau ti i na cola ni tamata.