¹ O Vaula i lia na avositolo, tam nia na avositolo mai vuara na tamata se matataki ni kora na tamata, ia o koya a digitaki mai va Jisu Karisito qa o tamaya na Kalou , o koya a vakacola ni koya mai na mate. ² Qo kora na taciau ko re no qai au no i na were ni lotu i Kalatia. ³ Me vatailem na loloma qa na vakacegu ni Kalou o Tamai meda qa na Momo o Jisu Karisito. ⁴ O koya a solia na lea cola me baletia na leda i valavala cakaca qa sereki keta mai na i wati ni lea na nitu, me wetai sa lea lewa mai na leda Momo Levu na Kalou. ⁵ Me teva lavetia qa vakarokorokotaki nia i na vi gauna kece me tamcibuta. ⁶ I kusari au ni o ba yalobo dei mai vakarewarewa, i vua koya a covi iko mai na lea loloma o Karisito. I kusari au ni o sa vuki teni qa mo lai varogo i lia na i tukutuku teni. ⁷ I lala lia leqwa nai tukutuku vina i sewa ga boto na tamata i vakavunia na lem cakaca qa re mata visautaki nia na tukutuku vina lei Karisito. ⁸ Ma ga i lia va keta de i lia na agilosi mai lomalagi e i vunitakinia i lia na i vunau vou qa tamnia a ba vunautaki o vatikemam me takucia na borisi ni Kalou. ⁹ Me wetai sa lai kwai rewa, qi na kwaya leqwa,"Ma ga i lia e i kwaya na i tukutuku vina qa tam nia i dodonu mo ba rogo i na lai borisi o koya. ¹⁰ Qi vadania no na vivadonui ni tamata se na Kalou?. Qi valomavinatakinia no na tamata?. Maga qi si valomavinataki nia no na tamata, sa tam ni au na lea i vakavakatala na Karisito. ¹¹ Qi vinatia mo ba kilatia na taci au, na i tukutuku vina qi vece no i va vatikem i tam nia na i tukutuku ni tamata. ¹² Qi tam sovia mai vua a lia na tamata,: qu tam lai vakavuli muni. A vatakea ga mai o Jisu Karisito i va au. ¹³ Om sa dau varogo baletia na lequ cola vaka Jiu i mata , ina lequ dau vakacacania na lea lotu na Kalou, qa na lequ mata varusania a tau sara i yata. ¹⁴ A qu tia Jiu tenilia talia i vuara qu taba vata qai kora. So kwe na lequ dau takucia tu mai na ledra i vakarau na tuqwaqwa. ¹⁵ Na kalou vina kwe a qei kwali au dei mai e kete ni nene, qa covi au i na lea loloma. ¹⁶ A gadretakinia me vatakei luvea mai va au me qu rewa ni vunautaki nia i vuara na sa avositolo teimata i va au. ¹⁷ Aqu laka i Aravea qa lesu leqwa i Tamasiko. ¹⁸ A oti a tolu na yabaki a qu qei laka cake i Jerusalemi me ru lei vikilati qa Kifa qa qu no tu mai vua me tinikalima na siga. ¹⁹ Qa qu tam dania leqwa a lia vuara na avositolo vakavo ga o Jemesa, a tacini i va Jisu. ²⁰ I na vikwa qi vola no yati, qi bubuluitakinia i na mata ni Kalou ni qu tam cori no. ²¹ u sa qei laka i na vivanua vaka Siria qa Silisia. ²² A re tam kilati au vali na vi werewere ni lotu mai Jiutia, a re sa kilati Karisito vali. ²³ A re sa rogo vali boto ,"Na momo a dau vakacacani keta vali i mata isa vunautaki leqwa na vakabautia a mata vaqeyavutakinia. ²⁴ A re sa qei vakarokorokotakinia na kalou baleti au.