1
O kem na driadria om` makutu i vuara na lem `tubutubu i na Momo Levu, baletia ei dodonu.
2
"Doka lem vava qa lem nene"(ko nai vunau tete i mata ei lia na ka na tata ni yalayala).
3
" Baletia mo vina ka qo cola balavu leqwa muni ka i vuravura"
4
Na, vava kua ni vaborisi ni ra na driadria. Ia mere lai vavulici ina vakarau qa na vi vaka sala ni Momo Levu.
5
O kem na tamata voli, om kua ni duakara i vuara lem i liuliu vakayago ina vidokai nubu qa na saqakutukutu ni yalo du sara mai buto.
6
Kua ni makutu baletia ni re tolaviko no lem Momo, mo lei marautaki ka. Ia, mo makutu ni o lea tamata voli na Karisito, koya ei tara e loma na Kalou mai na lem cola i buto.
7
Viqwaravi i na yalo i cokoti, me wetai lem viqwaravi iva Jisu qa tam ni ra na tamata.
8
Baletia te kilatia na kwa vina yava ga ei tara ei lia na tamata ei na lia kea i sau mai vua na MomoLevu, ei tamata voli se tamata gwalala.
9
O kem na Momo, om lewa i kora vina lem tamata voli ina ca levu vina. Kua o koya ei ledra Momo qa vatilem muni ei no mai lomalagi, qa lala i vua na vitovaki.
10
Me kea i otioti, mo qwaqwa i vua na Momo qa kaikai i na lea kaikai tetelagi .
11
Vataqa niko nai yaragi coko ni Kalou, me rewa i va iko mo tu saqa tia na i lawaki minimini ni ya nitu.
12
Na ledra visaqasaqa tam tia yago qa na dra, ia te saqati kora na tete mai mata, na kaikai, na lewa tu na gigilo ivuravura, na ilala gigilo i na vitiki i lomalagi.
13
Ko maga so kwe mo taqa coko ka nai yaragi ni Kalou, mo rewa ni tu vakaikai i na buto ni gauna gigilo kwe, qa ni o sa tara oti coko mo tu dei.
14
Tu kata , so kwe, ni o sa taqa me beleti ni du, qa na lem` mamaroi nim` saro nai valavala dodonu.
15
Me tia i vava nim` la na bolebole ni kea lai gisataki na kosiveli ni vilomalagi.
16
Ia na vi draki ava ga qotia cake qo taqa nai sasabai ni vakabauta, mo bole rewa kwa qa mo lovia rewa lea mata ni sa mamaudre, o koya i cola ina gigilo.
17
Qa na vi kwa cola me tia i vakamalu ni ulu qa na lea sele ni vivala na Yalo Tabu so kwe na tata ni Kalou.
18
I na masumasu coko qo dau cacau muni i na vigauna coko ina Yalo Tabu.I na nunui kwe, yadra i na vigauna coko,yalo gu sara i na sere ni oba vacabo na masu baletira na tamata vakabautia.
19
Qo ba masutiau muni me rewa ni qu lai vaganiru nai tukutuku ina gauna qi dogaga kwa.Ba masu mequ rewa ni vatekea ina dodou na du ni kosiveli koi lei tam ovaki tu.
20
Me baletia na kosiveli ko qi kea mata qi watliaki tu ina senidodo,mequ rewa ni covakinia ina doudou me wetai i dodonu mequ kwaya.
21
Daulomani qa na dau ni viqwaravi ,yalo du i vua na Momo Levu i na kwaya iva vatikem na kwa coko,me rewa ni kilatia na yava sa yaco no i va au.
22
Qu vatalai koya yati iva vatikem` baletia na kwa kwe,me rewa ni vamatakwa i vavatikem` baletiru kemam`qa me vivauqeti ina vatimem` yalo.
23
Me lem na viwqekani na vakacegu,qa na loloma i na vabautia mai vua na Kalou o Tamai keta qa na Momo Levu o Jisu Karisito.
24
Na loloma tetelagi me ledra o kora coko ere lomania leda Momo Levu o Jisu Karisito i na loloma tam` coricori.