1
Vaula,Silivenusi qa Timoci i na soqosoqo Lotu mai Cesalonaika vua na Kalou na Tamai Keta . Qa na Momo o Jisu Karisito, na loloma qa na vakacegu me vatilem.
2
Mam dau vagania no maga na vavinavina vua na Kalou me baleti kem, qa dau togai vati kem i na lemam masu.
3
Mam tam cegu ni vanumia ga no na leda Kalou na Tamai Keta. Na vatilem cakacaka ni vabautia , qa vati lem oga ni loloma qa na vatilem tu kata i na vanuinui no vua na Momo o Jisu Karisito.
4
Vitacini qa, o ba lei lomani vua na Kalou i ba kilatia na Kalou a digitaki ni vatikem.
5
Baletia na Kosiveli a tam lakayati i na tata boto , ia i na qwaqwa, i na Yalo Tabu qa na lea vivadeitaki i na calevu vata sokwe, o ba sa kilatia na tamata vakayava a solai ti vatikem vali.
6
O ba sa vakatokotokoci vatikemam qa na Momo , ina vatilem sovia na tata i na vosotia qa na gadre i na Yalo Tabu.
7
Na kea i soqoni , o vatikem o ba kea i vakaraitaki i vuara na tamata vabautia i Masitonia qai Aakaia.
8
O vatikem du a laka yati na lea tata na Momo, tam nia boto i Masitoni qai Akaia. I vuara coko na tamata vakabautia i Masitonia qa Akaia qa i na vivanua sa rivaki ka na vatilem vakabautia na Kalou. Me baletia so kwe i ba tam mata kwaya ka e i lia na kwa.
9
O kora vatakinira e re vikwayayaki se na yava a ba mai tara iva vatikem , a re kwaya na vatilem sa tamoi vua na Kalou qa deilaki vele na Kalou matakau mo ba qwaravia na Kalou cola qa du.
10
Re kwaya ni o ba waraki ni luvea mai lomalagi, o koya sa dure mai na mate. Ko kwe o Jisu , o koya i na vagwalalataki nia mai na borisi e i na teitaku mai.