¹ Sa lesu mai kho Jisu mei Kapenaumi ni devu na vica na siga . Sa varogocia kho khora na tamata na lea sa tokhoto i na lea sue. ² Sa ra osotia yati na tamata ne lea sue, tikhai leqwa na vanua khei lala. Sa tekhivu sara no na lea vunau kho Jisu vuara na tamata. ³ Kharu lewe va na tamata kharu mea no muni mai kha khia na tamata paralase. ⁴ Kharu sa tamu yaco rewa munni i va Jisu, kharu qei cakhevia na bewa ni suwe qaru bhasukhia na bewa ni suwe eru vakharusunia kha na paralase. ⁵ Sa tolavia kho Jisu na levu ni vakhabautia qa kwaya sara yati vua na tamata paralase,"Luvei au sa bokhoci na lemu i valavala ca. ⁶ Vakhatataro dra yalo i na vuku ni kwa kha kwaya kho Jisu. ⁷ "I rewa vakhacava me tata vakhacacania na Kalou na tamata kwe? ¹⁰ Ia mo mukhilatia ni sa rewatia na luveni tamata e vuravura me bhokocia nai valavala ca. ¹¹ "Qu sa kwaya veke iko, mo dure , qulu lemui daradara, qo la yati lemu suwe". ¹² Kha sa dure kho khoya, qulu lea daradara qa layati i lea suwe dramata khece na tamata kha vivakhusari na kwa sa yaco qara sa vakhavinavina ga vua na Khalou qara kwaya kece," Mamu sa qei tolavia vakhakhia na kwa sa yaco kwe" ¹³ A sa qei lesu leqwa kho Jisu khi na matacawa, qa ra qei osoti khoya yati na lewelevu qai vakhavulici khora kho khoya. ¹⁴ Na gauna kha sa takhoso khe qai tolavi Levi na luvei Alifio kha gatule tu i na lea suwe laca na dauniyau qa nasaumi vakhacavacava, a qai kwaya vua kho Jisu, "Dure qo takhuci au mai, qa dure ko Livai me takhuci khoya. ¹⁵ A khana no kho Jisu i na butonisuwe lei Livai, qai khora na dau vakhasoqoni vacavacava, khora muni na tamata i valavala ca, khoru na tisaiveli qeni khora muni na le wara ra takhuci khoya tu yati. ¹⁶ A ra sa tolavi Jisu,khora na Daunilawa se Farisi na lea kana vata tu qani khora na tamata i valavala ca, qani khora muni na dau soqoni vacavacava, a ra qai tetei koru lea tisaiveli, Na cava na vuni lea lai kana vata khe qani khora na tamata i valavala ca se qani khora na dau vakhumuni cavacava kho khoya. ¹⁷ Na gauna kha varogocia khe kho Jisu, a qai kwaya vuara, "Na vuniwai khei tam yaga vuara na tamata cola vina, io khei yaga vuara na tauvimate, qu tam la mai mequ mei khora na tamata Yalododonu io, mequ mai vakhacolai khora na tamata valavala ca. ¹⁸ Na gauna kha ru lolo no khe na lea tisaiveli i Joni qai khoru na Farisi qa ra la sara mai kheiso na tamata qa ra kwaya, Kheri ma lolo na lea tisaiveli i Joni qai koru na Farisi qa ru tamu lolo na lemu tisaiveli. ¹⁹ A sa qei kwaya vuara ko Jisu ma khei rewa ni ra lolo na weka ni tagwane vou baletia ni ra si tokoto no ga qai khora na tagwane vou. ²⁰ Khei na yaco mai na gauna me na la khe kho khoya na tagwane vakamau na gauna gi e ri qei rewa ni lolo khe kho khoru na lewe ni vakhamau. ²¹ Khia leqwa na tata vakatautauvata kha kwaya tamu khia na tamata e rewa ni culatia vata na gauna kei na cebara khe nai suluvou mai nasulu makawa e na qei khia sara na cebara levu. ²² Kia leqwa na tata vakatautauvata a qei kwaya kei tamu rewa ni khia na tamata me tawania na waini makawa khina tavaya ni waini vou khei lala qa qei cibote qa qei vakhacacania na waini qa na kea tavaya kei dodonu ga me tawa na waini vou khina khea tavaya vou ²³ I na siga ni vakhacecegu a ru la rauni no i na buto ni visila kho Jisu qei khoru na tisaiveli ru tomi sila no mai na tisaiveli. ²⁴ A ru qei kwaya yati na Farisi ni cala na kwa kha ru tara no na tisaiveli ni ru sa basukhia no na lewa ni vakhatatabu i na siga ni vakhacecegu. ²⁵ Sa qei kwaya yati kho Jisu mutu sa bau wilia na i vola khei Tevita ni a rusuvia na sue ni soro qai ni khora na lea i lala. ²⁶ A ru khania na madrai tabu kha dodonu ga i va Ipeteia na Bete me dere ni odakhi ni a Bete no i na gauna gi. ²⁷ Kwaya muni kho Jisu ni siga ni vakhacegu a buli me baletia na tamata qa tamu buli na tamata me baletia na siga ni vakacecegu. ²⁸ Sa odakhi muni ni se te Turaga na siga ni vakacecegu na luve ni Khalou