¹ Ena I matai ni siga macawa e ratou sa lako ki na I bulubulu I Jisu a marama ka ratou kauta yani a saluwaki kei na veimeca boi vinaka e ratou sa vakaurautakina. ² E ratou raica ni sa vaqiqici laivi tu a vatu levu ka sogo tu kina ai bulabula. ³ E ratou curu yani ki na i bu lubulu ka sa yali na yagoi Jisu. ¹¹ Ia ai tukutuku matanidavui ka i ei e vaka e dua ai tukutuku mamada walega vei iratou ai apositolo baleta e ratou tawa vakabauji iratou a marama. ¹² Ko Pita e tucake ka kada ki na i bulubulu, curu yani ka raica ai sulu lineni ni sa lobi no. Sa mani lesu tale ki na ona vale ka vakasamatakina tu se cava e yaco. ²¹ Keimami a nuitakina ni ko Jisu ena vakabulai ira a kai Isireli. Ia ni kua ai katolu ni siga mai na siga ka vakoji kina ki na kauveilatai. ²⁵ A sa kaya vei rau ko Jisu, " Kemudou a lialia ka berabera ni vakabauta a odra i tukutuku a Parofita ! ²⁶ Ni ra kaya, " E yaga me vakararawataki a Karisito ena vuku ni veika taucoko i ei me rawa kina me curu ki na odra lagilagi?" ²⁷ Me tekivu mai vei Mosese ka lako mai vei ira toucoko a parofita ka vakadewatakina vei ira ko Jisu a meca taucoko baleji koya ena i Vola Tabu. ⁵² Era sa qaravi Jisu ena reki kei na yalo marau ka lesu tale ki Jerusalemi , ⁵³ era sa jiko ga ena Valenisoro ka vakaraica jiko a lagilagi i Jiova.