¹ Ena guana mai ei ni ra sa soqoni vata mai e udolu vaka udolu e lewe levu ka ra sa veidrigidrigi ka sa kaya vei ira a ona tisaipeli ko Jisu. "Dou qarauna a odra isi a Farisi a veivakaisini". ¹¹ Ni ko sa kau yani ki na Valenisoro, ko ira ai Liuliu kei na Daunilewa kakua ni ko leqatakina a meca ko na kaya me ko bula kina, ¹² baleta a Yalo Tabu ena vakavulci iko a meca me ko kaya. ¹³ E dua vei ira a vakarorogo mai vei ira a lewe levu e kaya vei Jisu, "Vakavuvuli kaya vei taciqu me keirau wasea ai yau i tamai keirau." ¹⁴ Sa sauma ko Jisu ka kaya kina, " Era jigitakini au me'u Daunilewa se Daumiveivakameyautaki vei kemudou. ¹⁵ "Dou qarauna me dou kakua ni kocokoco baleta a omudou bula e sega ni vakarautaki ena meca dou taukena" ²⁴ Raica a reveni era sega ni kakaburaki se tatamusuki. E segabau a odra lololo ia a Kalou e vakani ira. Ia kemudou dou vakamareqeji sara mai na manumanu vuka. ²⁵ Ko vei vei kemudou ena ona kauwai ena rawa ni tomana a ona bula ? ²⁶ Kevaka dou sa sega ni rawa ni valata e dua a meca lailai vaka mai ei, ia a cava dou qai lomaocaoca kina baleta a veika eso ? ²⁷ Vakasamatakina a lili kei na osra bula. Era sega mi cakacaka se culacula. ²⁸ Au sa kaya vei kemudou ko Solomoni ena ona i ukuuku e a sega ni vakaisulutaki vakatakina e dua vei ira i ei. ³³ Dou volitakina a omudou i yau ka solia ki vei ira a dravudravua.Dou bulia a pausi ka na sega ni ca rawa........ai yau mai lomalagi e sega ni oti rawa, ka na sega ni rawa ni tara e dua a daudrivadriva ka na sega ni rawa ni kania na manumanu somidi. " ³⁴ A vanua e jiko kina a omu i yau e jiko talega kina a utomu ⁴¹ Sa tarogi Jisu ko Pita ka kaya, "Turaga kemunu sa kaya a Vosavakatautauvata i ei vei keitou ga se vei keimami taucoko?" ⁴² Sa kaya vei Pita ko Jisu," Ko cei a Manidia vuku ka rai yawa ka na tosoi koya me lewai ira a vo ni tamata cakacaka ⁴³ me solia talega vei ira a kedra i wasewase ni kakana ena ona gauna?' ⁴⁴ Au sa kaya vakaijina vei kemudou ni na lesi koya me lewa a veika e taukena. ⁵¹ Dou nanuma ni'u lako mai me'u kauta mai ki vuravura a sautu? Sega au kauta mai a tawase. ⁵² Ena gauna i ei era na lewe lima ena dua a vale e ratou na tatawase ---- lewe tolu ratou saata e lewe rua, lewe rua saqata e lewe tolu. ⁵³ E ratou na tawase tama ena saqaji luvena tagane, luvena tagane saqaji tamana, luvena yalewa saqaji jinana, kei na luvena goneyalewa saqaji jinana, ona Nei saqaji vugona yalewa , Vugona yalewa saqaji ona Ne.i ⁵⁴ Sa vakavuvuli vei ira a lewe levu ko Jisu ka kaya, "Ni ko sa raica e dua a o loaloa ena mua i ra, ko kaya, sa vakarau tau a lagi, e mani yaco jina sara. ⁵⁵ Ni sa liwa mai na cagi mai na ceva kemunu kaya ni na cila kaukauwa a siga ena siga ka tarava ia e yaco vakakina. ⁵⁶ Dou dau veivakaisini dou kila ai rairai ni vuravura kei na lomalagi, ia a cava dou tawa kila kina a veika e yaco ena gauna i ei ?"