¹ Sa bogi tolu sa qai vala e dua vakawaji. ² A sa sureji ko Jisu, kei ratou talega a ona tisaipeli ki na soqo ni vakawati. ³ Ia ni sa oji na waini, sa kaya vei Jisu na jinana, "Sa oji vei ira na waini." ⁴ Sa kaya vei kea ko Jisu, "Yalewa, a cavai vei iko kei au? Sa cau yaco mai a qou gauna." ⁵ Sa kaya vei ira na tamata ko tinana, "A ka taucoko ga sa kaya vei. kemudou ko kea, dou valata." ⁶ Ia sa tu mai kina e ono na saqa vatu ni wai, sa dauveivasavasava taki ira kina ko ira na kai Jiutia, sa yarua se yatolu nai vakarau. ⁷ Sa kaya vei ira ko Jisu, "Vakasinaita na saqa ni wai ena wai." A ra sa vakasinaita me vuabale sara. ⁸ A sa kaya vei ira ko kea, "Dou qai takiva, ka kauta vua sa lewa na magiji." A ra sa kauta. ⁹ Ia ni sa tovolea na wai sa vuki me waini, ko kea sa lewe na magiji a sa sega ni kila se sa mai vei ( Ia ko ira na tamata era sa takiva na wai era sa kila ) ko kena sa lewa na magiji, sa kaciva na waji yalewa. ¹⁰ Ka kaya kina, "A tamata yadua sa tauca i mada na waini vinaka, ia ni ra sa unuva vakalevu na tamata, sa qai muri na waini sa vinaka vakalailai ga, ia ko iko sa maninitaka na waini vinaka, ka yacova na tiki ni siga ni kua. ¹¹ Ai vakatekevu ni cakacaka mana e kilikili, a sa vakakitaki kina a ona i tukutuku, a sa vakabauji kea ko iratou na ona tisaipeli. ¹² Ni sa oji a eratou, sa lako subu ki Kapenaumi, ko kea kei na jinana kei ratou na tacina kei ratou a ona tisaipeli, aratou sa sega ni bogi vica kina. ¹³ A sa voleka na odra kana vata ni lako sivita na kai Jiutia a sa lako cake ki Jeruisalemi ko Jisu. ¹⁴ A sa raica ira ena vale ni soro, era volitaki Pulumakau, kei na Sipi kei na Ruve, kei ira na veisau silini era sa mai jiko. ¹⁵ Ia ni sa valata oti e dua na kiuta wa qauqali, sa kutumi ira mai na vale ni soro, kei na Pulumakau sa ceburakina yani a odra silini era sa veisau silini, a sa vukica vakatobui cu a odra tepeli. ¹⁶ A sa kaya vei ira sa volitaki Ruve, "Kauta tani a meca i ei kakua ni vala, vale wei Tamaqu me vale ni veivoli. ¹⁷ A sa nanuma ko iratou na ona tisaipeli ni sa volai, "Sa kani au na loloma katakata ki na omu vale." ¹⁸ Sa qai vosa ko ira na kai Jiutia ka kaya vei kea. "A cava nai vakatakilakila ko sa vakatakila vei keitou ni ko sa valata a meca i ?" ¹⁹ Sa vosa ko Jisu, ka kaya vei ira, "Dou talaraka na vale oqo, kau na qai tara vakaoji ena bogi tolu." ²⁰ Era sa qai kaya na kai Jiutia, a vale ni soro oqo, sa vasagavulu ka mani ono na yabaki ni tara jiko. ²¹ Ia ko na tara vakaoji li ena bogi tolu. Ia vale sa vosatako ko kea a yagona. ²² Ni sa tucake tale mai na mate ko kea, sa nanuma ko ira ona tisaipeli, ni sa ky veira ko kea a meca i-a ra vakadinata nai vola tabu, kei na vosa sa kaya ko Jisu. ²³ Ia ni sa jiko ko kea mai Jeruisalemi, ni sa ia jiko na kana vata ni lako sivia. Sa lewe levu e ra vakajinata, na yacava, ni ra sa raica na vei ka mana sa valata ko kea. ²⁴ A sa sega ni vakararavi vei ira ko Jisu, ni sa kilai ira kecega. ²⁵ A sa sega ni yaga kea me dua me vakatakila ira na tamata, ni sa kila ko kea na ka sa tu ena loma ni tamata.