¹ Ko au ko Paula, ai Apositolo i Karisito Jisu vata kei na tacida ko Timoci, keirau sa kacivi vei kemunu ² a taci keirau ena vakabauji Karisito Jisu vei kemunu a jiko e Kolosa. Me omunu a loloma kei na vakacegu sa mai vua a Kalou a Tamada. ³ Keitou sa vakavinavinaka kina Kalou a tamada kei Jisu Karisito, sa vakavulici keirau me keirau dau masulaki kemudou. ⁴ Keitou sa rogoca ai talanoa ni omudou vakabauta kei na loloma vei ira era sa tawasei me ona digitaki a Kalou. ⁵ Me omudou a loloma baleta ai nuinui sa maroroi me omudou mai lomalagi. Kai ei ai nuinui ena vakabauta a vosa ni Kalou ka ⁶ sa lako yani vei kemudou. Ai tukutuku vinaka i ei sa yaco me vakalevutaki mai na siga dou a rogoca kina ai tukutuku ni loloma ni Kalou. ⁷ Kai ei a i tukutuku vinaka dou a rogoca mai vei Epafira a wekai keitou ena vakabauta. ⁸ Ko Epafira sa vakatakila vei keitou a omudou loloma ena Yalo Tabu. ⁹ Baleta a loloma ni Kalou, keitou sa sega ni cegu kina a masulaki kemudou. Keitou sa kerea jiko me dou vakasinaiti ena vuku kei na Yalo Tabu ka me dou vakaukauwa taki ena kaukauwa ni Kalou me omudou kina ai nuinui, ¹⁰ keitou sa masulakina talega mo dou tubu cake mo dou vua, ka mo dou kalougata. ¹¹ Keitou masulakina me dou votai ena reki me rawa ni dou wasei enai wasewase ni kaukauwa kei nai serau me dou rawata kina a dau vosota. ¹² Keitou sa masu me omudou a reki kei na vakavinavinaka vei Tamada, o koya sa vakadonuya me dou wasei ena ona rarama. ¹³ A Kalou sa vakabulai keta mai na butobuto kei na matanitu ni rarama, ¹⁴ ka da sa vakadonui kina me bokoci a weta i valavalaca. ¹⁵ Ko koya a ulumatua ni dau ni vei buli, a weta Kalou. ¹⁶ Ko koya ka bulia a lomalagi kei na vuravura ka rairai mai. Ena vei matanitu e vuravura kei na meca taucoko ga e bulia a Kalou, ¹⁷ sa mada kina ko koya ena meca taucoko ga. ¹⁸ Sa ulu ni lotu ko Karisito. Ai matai ka ulumatua ena ka taucoko ga. ¹⁹ A Kalou e kauta mai a veisaututaki kei na veivosoji ena dra i Karisito mai na kauveilatai. ²⁰ Ena dra i Jisu ena kauveilatai e a kauta mai kina a veivasaututaki, a Kalou ki vuravura kei lomalagi talega. ²¹ Ena dua a gauna kemudou a yawa mai vua a Kalou, ²² ka dou a ona meca ena omudou i valavala tawa kilikili. ²³ Kevaka dou tudei ena vakabauta dou na sega ni yavalaji rawa ni dou tudei ena nuitakina a Kosipeli. Oqori a Kosipeli kau sa dau veiqaravi kina ko au ko Paula. ²⁴ Au marautakina a qou sotava a dredre ena vukumudou. Au sa vakasinaiji ena vuku ni soqosoqo lotu i Karisito. ²⁵ Ai soqosoqo lotu i ei kau sa bolea meu bobula kina me vakayacori a vosa ni Kalou vei ira era sa vakabauji koya. Kai ei a ka vuni ka vunitaki ena vei taba tamata me varaitakina a kaukauwa ni Kalou. ²⁶ Ko ira ka vinakata a Kalou me ra kila a kena i vakaidina kena ona talei ni ka vuni i ei, ena kedra maliwa a vei matanitu: ²⁷ oqori na Karisito ena lomamu dou, a vuni kena nuitaki a kalougata. ²⁸ Keitou sa cakacaka ena yalo jina me weitou kina a kaukauwa i Karisito. ²⁹ Keitou sa cakacaka va kaukauwa ina serau sa bula e yalo i keitou.