¹ Mai vei koya a qase ki vei koya a yalewa kei ira a luvena, Oira au sa lomana vakaijina, ka sega ni koi au ga, ko ira talega era sa kila a jina ena vuku ni jina ka jiko i na lomada , ² ena jiko ga vei keta ka tawa mudu: ³ Me omudou a loloma, a yalo loloma, a Vakacegu mai vua a Kalou ko Tamada,ena jina kei na loloma. ⁴ A a reki vakalevu niu raici ira a luveni eso era sa dau muria ai vakavuvuli ni jina me vaka eta sa vakaroji mai vua a tamada. ⁵ I ei au sa vakamasuji iko a marama, I a ka sega ni vaka niu sa vola vei iko a vunau vou, oqori ga sa tu vei keta mai na vakatekivu meta veilomani. ⁶ Ia ka I ei a loloma, meta muria a ona I vunau. A vunau I ei me vaka a meca dou a rogoca mai na vakatekivu me dou muria jiko. ⁷ Ni ra sa lewe levu a dou veivakacalai sa lako voli e vuravura, ko ira era sa sega ni vakatusa ni a lia tamata mai ko Jisu Karisito. Ka I ei a dau veivakacalai kei na Karisito vakailasu. ⁸ Dou vakaraici kemudou me kakua ni yali vei kemudou a ka keitou a valata mo dou rawata kecega a kena I sau. ⁹ Ko koya yadua sa talai dredre ka sa sega ni tudei ena vakavuvuli kei Karisito, Sa sega ni tu vei koya a Kalou. Okoya sa tudei ena vakavuvuli kei Karisito, sa jiko vua a Tamada kei na Luvena talega. ¹⁰ Kevaka dua sa lako mai vei kemudou a sa sega ni kauta mai ai vakavuvuli ka I ei, kakua ni kauji koya kina omu se kidavakini koya. ¹¹ Ko koya sa kidavakini koya sa tautauvata kaya ena ona I valavala ca. ¹² Sa levu a ka au sa via vola vei kemudou, Ia kau sa sega kina ni vinakata meu vola ena pepa kei na wai ni volavola, Ia kau sa nakita meu lako vei kemudou ka veivosaki ka matana votu, me levu sara kina au eta marau. ¹³ Sa loloma yani vei iko ko ira a luvena, a wekamu yalewa sa jinitaki tu.