¹ Juta ai talatala i jisu karisito a taci jemesa mai ve edra sa digitai mai na loloma i Jisu karisito. ² Me va levu tai vei emudou a marau ,a vacegu ei na loloma. ³ i emudou sa lomani au sa gumatua meu vola vei emudou a oda vabulai,au gutia meu volavola vei emudou meu laveti emu mo dou gumatua ena vua ni vabauta sa soli oti ve edra sa lotu. ⁴ Ni so a tamata e dra sa curu lo mai i na emudou maliwa .O odra ai edra dia mai a vei vacalai .Edra maqa ni roovia a Alou qa dra mai vuicia a loloma ni Alou me ia ina a a vasisila qa dra caitainia ao dra turaga a odra i vabula o Jisu Karisito. ⁵ u gutia meu va nanumi e mudou ina dina ga ni mudou ma sa ila va re ni turaga ma vabula a tamata mai Ijipita ia sa qai vamatei edra ma maqa ni vabauta , ⁶ vata ei edra a Agilosi dra maqa ni kaukauwa i na o dra i tutu qa dra biutia a vanua e dodonu me dra notu ina . A ALou sa biuti edra tu i na sinucodo yawamudu i na iloilo me yacovia a siga ni lewa . ⁷ na tautauvata ga ei Sotoma ei Komora ei edra vi oro lelevu wa voiti edra ,qa wili leqa ga ina o odra dau soli edra medra dau yalewa qa dra muria a lewe tani . Dra sa varaitaitu me e na i varaitai me dra na vararawa tai na bua waqa tawa mudu me e dra i totogi ⁸ . E mataqali vata leqa ga ina o odra dau tadra e i edra dau va dukania a o dra gau ,Dra maqa ni dua vata ei edra viliutai qa dra aya a vei vacacani ve e dra ya lo dodonu . ⁹ Ia o Maikeli a Agilosi e cecere ni dru sa vileti no vata ea tevoro qadru vibatainia a gau i Mosese qa maqa ni doudou me vosa vacacatai ni ea .Qa aya ga me civoti io a Alou. ¹⁰ Ia o odra ai e dra vosa va cacatainia ga a a edra ila qa a leqaga e dra maqa ni ila ,me tautauvata ga ei edra a manumanu e dra maqa ni vayalo a a ai ena vacacani edra. ¹¹ Ia ve edra ,ni dra muria salevu iKeni qa dra muria a a ma vacalai ina o Pelami me dra vai votavota ina .Dra sa qai rusa i na vei vorati i Kora . ¹² O o dra ai a motumotu dromu ina o mudou ana vata va vei lomani ,nidra sa maqa ni madua ni dra ana vata ei emudou qa dra dui vaani edra ga .E dra tautauvata ga a o e maqa a ena uca ,tosoyu vata ei na cagi,a acu maqa a ena vua,mate va rua sa cavu sara a ena wa a. ¹³ E dau civocivo a ua mai waidui ,e dau umunia a odra dui ani vei vamaduatai,e dra va nanumia no a aloalo me na va raramatainia a vanua sa iloilo. ¹⁴ O Inoki e enai a vitu,e taravi Atama , ma parofisaitai ni edru qa aya,''igavia,a Turaga e na lao vata mai ei edra a udolu va udolu a yalo savasava. ¹⁵ E na lao mai me vei lewaitai ni edra tau coo,qa lao mai me civoti edra ,qa vunauci edra taucoo a maqa ni lotu qa dra maqa ni rerevainia a Alou ei erda a dau vosa vacacatai ni ea. ¹⁶ Odra dau vosa minimini ,veileti,o dra dau muriatuga a gagadre ca ni lomadra ,o odra a viavialevu qa dra dau doadoai edra a tamata eso medra vai au ina . ¹⁷ Io o mudou a dau lomani ,dou nanumia a vosa ma ai vei emudou i mada ,mai vei edra a i apositolo i Jisu Karisito. ¹⁸ Ma dra aya ve io,na gauna i muri,o odra dau vei vasewasewani ei edra na va muria ga a gagadre ni odra lovaga. ¹⁹ Odra ai edra dau vuna a vi tawasei o odra ai etu ve edra a yalo ma awa qa maqa ve edra a yalo Tabu. ²¹ Mearoroi io a loloma ni Alou qa loloma ni gone Turaga o Jisu Karisito ,ni na solia ve io a bula vou. ²² Dau lomani edra sa lomalomarua. ²³ Vabulai edra mai na lovo bua waqa,lomani edra leqa ga a dau rere,dau catia ai sulu tauvi duka. ²⁴ Ve edra yadua edra rawa ni maroroi emudou mai na ani vei vacalai qa va tucae tai ni emudou i na ona i nono va turaga.e na marau dina sara ni dou sa maqa ni cala. ²⁵ O oya a oda Alou duadua ga a oda i vabula ei na vu u i Jisu Karisito,a oda Turaga vai uu uu e i na kaukauwa lagilagi mai na va teivu qa yacova ai va ta otioti.