¹ Au sa varota ina mata ni Alou ei Jisu Karisito,o oya ena lewai edra a bula ei edra a mate ena ona rairai mai ei na ona matanitu. ² Mo vunau tainia a vosa va gumatua e na gauna re,e na gauna ca,mo aya a aca, mo vunauci edra a cala,mo vorata valevu ai vavuvuli, qa vosotia valevu sara. ³ Ni na yaco a gauna edra na maqa ni rogo ina a i vavuvuli dodonu, ia ena tautauvata a odra gagadre ca,e dra na va lewelevu tai edra ina a odra i vavuvuli ni sa vadudu tai a odra taliga. ⁴ Edra sa vagole tani a odra taliga i na a dina,qa lesu ina i tuutuu wale. ⁵ Ia o io mo yalomatua ina a taucoo,mo vosota a a rarawa,mo vele e a caacaa ni vavuvuli,me yaco sara ina a o lesi ina mo i talatala. ⁶ Niu sa varautu meu livirai, qa sa volea a gauna ni oqu toiwaqe. ⁷ Au sa valu oti enai valu re,au sa ovusia oti a cere,au sa qumia sara vakaukauwa a vabauta. ⁸ I muri sa maroroi me oqu ai sala vaturaga ni yalododonu,o oya ena solia mai vei au a turaga,o oya ena turaga ni lewadodonu ina siga ana,ia ena maqa ni vei au ga,vei edra taucoo edra gutia a ona rairai mai. ⁹ Gumatua mo lao vatotolo mai vei au. ¹⁰ Ni sa dainiau o timasa,ni sa lomani vuravura ai,nisa lao i cesolanaika,qo Kirisiki i kalatia,o Taito iTalimetia. ¹¹ Sa notu vei au o Luke,qa mudru laovata mai ei Marika,nisa yaga vei au ina caacaa. ¹² Au sa talai Tikiko i Efeso. ¹³ Ai tilovi au dainia tu mai Tiroa mo qai dia mai ei nai vola, qo nanumia ai vola ulinimanumanu. ¹⁴ Sa levu a aca e velee vei au o Alikisada a matai ni parasa,e na saumia vei oya a turaga me tautauvata a ona caacaa. ¹⁵ Mo qarauni io leqa ga mai vei oya,ni sa qatia valevu a oi tou vosa o oya. ¹⁶ Niu a aya,au matai i mada, ni maqa ni dua a tamata eru notu vata aya, ia edra sa biuti au taucoo ,me ua ni wili vei edra. ¹⁷ Ia sa tu vata ei au a turaga, qa sa vakaukauwa tai au,me ilai sara ina vuuqu a asa vunitai,me dra rogo leqa ga a vei matanitu taucoo,ia au na vabulai mai na gusu ni laioni. ¹⁸ E na vabulai au mai a turaga i na a tauco,ena vele e vei au leqa ga i na ona matanitu valomalagi me caa vei oya a varooroo qa maqa ni mudu Emeni. ¹⁹ Au sa loloma waqe vei Pirisila eiAkuila vei edra leqa ga a lewe ni vale i Onisivoro. ²⁰ Sa notu mai Koronica o Erasito,ia qau sa biuti Tirofima maiMilito ni sa tauvimate tu. ²¹ Gumatua sara mo matai mai ni sebere a vula i liliwa,sa looma waqe vei io o Upolo ,Putena ei Laino ei Kilotia,ei edru a tacimu tagane. ²² Me notu vata ei emudou a turaga o Jisu Karisito ,Me omudou a loloma.