¹ O oya ai, a luvequ, mo qai vakaukaua tai io ena loloma sa tu vei Karisito Jisu. ² Na vi a taucoo o rogoca mai vei au na edra maliwa a tamata yalodina, edra na rawatia me dra vavulici e dra a tani. ³ Mo vosotia a dredre vata ei au me tautauvata a sotia re i Jisu Karisito. ⁴ E maqa ni dua a tamata sa dau velee ai valu, me vaogai oya leqa ina caacaa ni bula ai, me va masuti ina ve eya sa digitai oya. ⁵ Ia o oya sa gumatua e na dau qito, sa maqa ni vaisalatai vavo e vamuria a lawa. ⁶ Ai vatawa ni were sa caacaa me ania matai a vua ni ona were. ⁷ Mo nanumia a- a au aya vei io, a Alou na qai solia vei io a yalo e ila a atauco-o. ⁸ Mo nanumi Jisu Karisito, o oya matucae leqa mai na mate, mai na awa i tevita, me tautauvata a ena i tuutuu ina kosipeli. ⁹ O oya au sa vosotia ina a acaca a au sa ai vesu ina, ia a vosa ni Alou, e maqa ni vesu. ¹⁰ O oya ai au sa vosotia ina a vei a taucoo, ena vuudra sa digitai, medra rawatia leqa ga a bula sa yaco ina vuu i Jisu Karisito, ei na vei vaalougata tai sa maqa ni mudu. ¹¹ E a dina a vosa edra aya, e tautauvata meda mate aya, eda na bula vata leqa. ¹² O sa vosotia a caa,ca ,qada na lewa vata ina. eda sa caitai oya, e na cai tai ni eda o oya. ¹³ E da sa tamata vabauta, me da notu ga i na ona vabauta, ena maqa ni rawa ni caitai oya ga vai oya.'' ¹⁴ Mo qai vananumi edra na vei ataucooai, mo varoti edra vakaukauwa ina mata ni turaga me uwa ni vei leti tai a ona vosa, ni maqa ni dua a ena yaga, qa sa vacalai edra sa rogo. ¹⁵ Gumatua sara mo varaitai ni io mo are ina mata ni Alou, a tamata dau caacaa e maqa ni dua a- a me madua ina, qo wase vadodonu ai vavuvuli dina. ¹⁶ A dau talanoa vasisila, ena tubu cae ina ai valavala e maqa ni va Alou. ¹⁷ A odra vosa ena a-ana me tautau vata a vidioso. Me tautauvata ina o Imeneo ei Filito. ¹⁸ Edru sa sese mai nai vavuvuli dina, ni dru sa aya sa oti sa tucae leqa mai na mate, qa dru sa vuiciya ina a odra vabauta eso. ¹⁹ Ia a yavu dei ni Alou sa tuga, qa veai a vosa sa volai ina, Sa ilai edra a ona tamata a turaga, qa medra lao tani mai nai valavalaca o odra yadua edra cavutia a yaca i Karisito. ²⁰ Ina valelevu e maqa wale ga ni tu ina a bilo koula ei na bilo siliva, e so leqa ga a bilo acu ei na bilo somo, iya e so e are qa so e maqa ni are. ²¹ E dua a tamata sa vasavasava tainieya mai na vei a ai, e na yaco ina mena bilo talei, sa vasavasavatai, qa yaga sara vei oya a turaga, ni sa varautai ina a caacaa re taucoo ga. ²² Ia mo lao tani mai na gagadre ca vagone tagane, ia mo muria ga a yalododonu,a vabauta,loloma,veiaretai ei edra sa masuti eya a tuaga e na yalododonu. ²³ Ia mo lao tani mai na veileti lialia eda maqa ni vatavulici ina, ona ila ni na vavuna ga a veileti. ²⁴ Ia sa tabu ni vei leti ai talatala ni turaga, ia me yalomalumalumu vei edra taucoo a tamata, me vavuvuli va vuu, me dau vosota. ²⁵ Me dra vatavulici edra ina yalomalumalumu, edra sa dau vei vorati, sa solia vei edra a Alou a veivutuni me dra ila ina a a dina. ²⁶ Ia medra bula leqa mai na i cori ni tevoro, ni sa vabobulatai ni edra o oya me tautauvata a ona lewa.