¹ O Paula, ai apositolo i Jisu karisito i na lewa ni Alou, me tautauvata a bula sa yalatai e tu vei Karisito jisu a oda Turaga, ² vei timoci, a oqu gone ni toko,loloma, yalololoma, ei na vacegu mai ve eya a Alou a tamada ei Karisito Jisu a oda turaga. ³ Au vavinavinaatainia a Alou, odra oqu qase i mada o oya au qaravia no, i na yalo e savasava, qau maqa ni cegu ina niu nanumi io no ina oqu masu ena siga ei na bogi. ⁴ Au sa nanumia no valevu meu igavi io, baletia a turu ni omu wai ni mata, me rawa ina niu vasinaiti ina e na marau. ⁵ Niu sa vananumi io ina vabauta dina o oya sa notu ve io, o oya ma notu vei Loi a tubumu ei Unaisi a tinamu, qau ila ni sa notu leqa ga ve io. ⁶ I ai a vuna, au vananumi io ina mo vauqetia ai solisoli ni Alou sa tu vei io o oya ma yaco ina a vi tabai ni oqu liga. ⁷ Baleta a Alou e maqa ni dau solia a yalo ni rere, ia a yalo ga ni qaqa, lololoma, ei na bula vai varau. ^{10 8} o oya mo ua ni dau madua tainia ai tuutuu ni oda turaga, maqa ni vei au, o Paula a ona ai vesu, ia, meda vosotia a vi vararawatai i na vu-u ni tuutuure, me tautauvata a kaukaua ni Alou. ⁹ O oya sa vabulai eda qa digitai ni eda ina yalo e savasava, e maqa ni vatau tai i na oda caacaa, ia e vatau tai ga i na ona i tuvatuva ei na loloma, o oya ma solia ve eda o Karisito Jisu ni bere ni ma teivu ai taba gauna, o oya ma sa varaitai ni sa igavi mai a oda i vabula o Karisito Jisu. O oya ma sa vaotia dina a mate, qa vavotuya mai a bula i na rarama ei na tawamate rawa i nai tuutu re. ¹¹ O oya mau sa lesi ina meu dau vunau, qau i apositolo, qau i vavuvuli. ¹² O oya leqa ga ana au sa vosotia ina a veiataucoo ai, ia au maqa ni madua ina, niu sa ilai oya au sa vararavi ina, ia au sa ilai oya dina sara ni sarawatia o oya me maroro a -a au solia vei oya me yacovia a siga ana. ¹³ Mo tauria matua ai varau ni vosa dina o ma rogo mai vei au, e na vabauta ei na loloma sa notu vei Karisito Jisu. ¹⁴ A are sa soli vei io,mo tauria matua sara ni sa vuei io a yalotabu sa tu vei eda. ¹⁵ O sa ila ai, ni o odra taucoo a notu mai Esia dra sa vui tani mai vei au. Sa tautauvata ei edra a ai Faijelo ei Erimojini. ¹⁶ Me yalololoma mada a turaga ina mataqali o Oniseforo,ni sa vacegui au valevu qa maqa ni madua taini au niu vesu tu. ¹⁷ Io sa notu mai Roma, sa vaigavi au vare, qa sa unei au. ¹⁸ Me solia mada vei oya a turaga me une loloma mai vei oya a turaga ena siga ana. Ia a ena levu ni ona qaravi au mai Efeso, o ila vare.