1
Na cava na kwa avo oka cake ke, na Jiu? se cava na keya yaga na viniji?
2
E levu na kwa taucoko: e levu sara, ni vo lesi vuwadru meru maroroijiya na tata ni Kalou.
3
Ia vo kodaki ocei kodaki evo jikai na vabaujiya vuwadru e,yavalu? Ena vatawayagataki ke na leya djina na Kalou balejiya na ledru tasi vabaujiya.
4
E jikai sara: me djina ga na Kalou, me giri na tamata tocoko ga, me kodaki na kwa vo volai, no vadonui ni o vo tata, mo gumaikali ina viburaji.
5
Ia kodaki me voh vadjinadjinataki na valavala dodonu ni Kalou ina ledu ivalavala tawa dodonu, na cava me du kwaya? bara vou jikai ni dodonu na Kalou, nivou saumiya (aqu na tata d kodaki.)
6
E jikai sara; kodaki e vo kodaki ikwe e vou lewai o vuravura kodaki i vei na Kalou.
7
Ia, kodaki vou niya na lequ giri e vou siviya cake na leya djina na Kalou, me vakarokorokotaki o keya, ena vaveya qu lai ocaji no ke me kodaki na tamata bura.
8
Io e na jikai ni kodaki ( ni madu dau giri jidru ka vo laikwai ni madu vou tata kodaki ke.) me du va yaco niya nai valavala bura. me yaco ke na kwa oka? ia o rau ikwe eru na lai ocaji vadodonu.
9
Ia e kodaki i vei? E du bara vo uasivi cake ?
ena jikai sara i a kiya na kwa: ni madu vou vadjinadjinataki niya i mata ni ru vo cala taucoko ga o rau na Jiu, qai nidru na mata nitu tani.
10
me kodaki na kwa e vo volai, e vo jikayi ni kiya e vo i valavala dodonu, e vo jika sara ni kiya:
11
E vo jikai ni kiya e vo kilajiya, e vo jika ni kiya e vadaniya na Kalou.
12
Eru vo lesu dai taucoko, eru vo yaco vata me jika ni yaga; e vo jika ni kiya e vo valavala oka, e vo jika sara ni kiya.
13
Nai bulubulu e vo dola tu e ru godrogodro; eru dau vivakaisini eru gusu; E vo no tu na weligaga ni gwata eru teberinigusu.
14
E vo vuqa tu veru gusu na kakase bura vata na tata e gaga.
15
E vo watoto ru la meru laba.
16
E vo no tu ina ledru calevu na rusa qai niya na rarawa.
17
Ia eru vo tasi kilajiya na calevu ni vi va cegui
18
E vo jikai vuwadru na matakuciya na Kalou.
19
Ia du vo kila jiya na kwa taucoko ga e vo kwa na i vunau, vo kwa vuwadru e e vo no vuwadru nai vunau; medu sogojiya ke eru gusu taucoko ga, qai niya me bilitaki niya na mata ni Kalou na kwai vuravura taucoko ga:
20
E jikai ni vadonui vuwa e kiya na tamata i na i varau ni vunau: o keya na i vunau e kilai ke na i varau bura.
21
A qai varaitaki mai na gauna i kwe na kwa e vi va donui ke na Kalou, ni jikai ni rewa balejiya na i vunau, a vo va djinadjina ke na i vunau qei niya na parofita;
22
io, a vo vaveya na vi vadonui na Kalou e vuku ni vi vabauji vo Jisu Karisito, vuwadru taucoko ga na vabaujiya; nidu vo tautauvata taucoko ga:
23
niru jiya i varau bura taucoko ga na tamata, niru tasi cavajiya na kwa e va rokorokotaki ke na Kalou:
24
eru vi vadonutaki ga na leya loloma ni voliya na cola o Jisu Karisito:
25
O keya evo lesiya na Kalou me jiya i bulubulu vuwadru na vabaujiya, i na leya dra, me vatakeya na leya i varau dodonu ni jikai ni saumiya na leya i varau bura avo vai devu, avo vosojiya na Kalou;
26
io, me vatakeya na gauna ikwe na leya yalo dodnu o keya, me va donu jiya o keya na leya vabujiya o Jisu.
27
I vai na kwa ni vi dokadokai? avo takwali sara. I na vuku ni vunau cava? Ina vunau cakacaka? E jikai: ina vuku ga ni vunau ni vabaujiya.
28
Madu kodaki e vadonui na tamata ina vabujiya, e jikai ga ina vuku ga ni cakacaka ni vunau.
29
E ledru takiya ga na Jiu o keya na Kalou? e jikai ni ledru muni ina vimatanitu kanikiya? Io, na ledru muni na vimatanitu kanikiya:
30
Kodaki e kiya ga na Kalou, evo va donu jidru eru cili, na vuku ni vabaujiya, qeinidru na jikai ni cili, ina ledru vabaujiya.
31
O mutou na qai vatawayaga takiniya na vunau, ina vabaujiya se jikai? E jikai sara: O madou mutu vataudei takiniya ga nai vunau.