¹ Ni vou devi na vinakwa I kwe, aqu qai varogo eru domo wara mai lomalagi, erukwaya, Aleluya: Na cola qai niya na va-okaoka, qai niya na varokoroko, qai niya na kaikai, me vai vuwa na ledu Kalou. ² Ni vou djina qai dodonu na leya lewa: ni vou lewaiya na yalewa dauteigwane valevu, o kiya e vadukaduka niya o vuravura i na leya dauteigwane, a vou saumiya vuwa na kedru dra na leya tamata. ³ Aru qai kwaya tale : Aleluya : a vou kulu cake na keya kulukulu me tasi mudu. ⁴ Aru cuva na qase eru ruwasagavulu ka va; qai nidru na kwa cola e va, aru varokoroko vuwa na Kalou o kiya e no i nai nono vaturaga, e kwaya: Emeni, Aleluya. ⁵ E kiya na tata e la mai nai nono vaturaga, e kwaya, va-okaoka vuwa na ledu Kalou, o mutou taucoko ga na leya tamata, qai nikomutou na matakuciya, se mutu tamata yalai, se turaga. ⁶ Aqu varogo e kiya na kwa e kodaki eru domu eru lewe levu, e kodaki na domo ni wai levu, e kodaki na domo ni wai levu, e kodaki na domo ni kurukuru levu, e kwaya, Aleluya; e vou lewaiya na Turaga kaikai levu. ⁷ Du marau du reki, du varokoroko vuwa, ni vou yaco na vamau ni lami, ni vou varautaki niya na leya yalewa. ⁸ A vou soli vuwa me vaisulu ena laineni mataiyalai e savasava qai lumilumisa, ia na laineni mataiyalai na ledru i varau oka na tamata yalosavasava. ⁹ E kwaya vuwako yau o kiya, mo volaiya, e kalougata o rau eru sureji i nai vayakavi ni vamau ni lani, e kwaya vuwako yau o kiya, i kwe na tukuluku dina ni Kalou. ¹⁰ Aqu qai cuva e ruku ni la mequ varokoroko vuwa, e kwaya vuwako yau o kiya, daniya nio kuwa ni vaveya, oi au na lemu i tokani, e kiya vuwadru o wekamu eru qulu no na kai tukutuku o Jisu; varokoroko-taki niya na Kalou; ia na kai tukutuku o Jisu na yalo ni Parofisai. ^{11 12 13} Aqu qai daniya o lomalagi ni vou dola tu, qu daniya e kiya no ose bucobuco; o kiya e vodo no ke e yaca