1
O kia me mutu tudei vua na turaga, o mutou o wekaqu qu dau lomania, e gu ke qu yalo, a qu marau ke qu lagilagi ke o mutou na dau lomania.
2
A qu masulaki nia o Uotia, a qai masulaki nia muni o Sainitiki muni me ru loma vata vena Turaga.
3
Io, A qu tarogiko, na lequ i tokani vou, me qu vukeia na lewa e dau kwa na i tukutuku oka, vata qai nia o Kelemedji muni, qai nidru na lequ i tokani, e volai e ru yaca ve na i vola ni Colo.
4
Me du marau vua na Turaga.
5
A qu kwa tale me du marau. Me kilai na lemutu malumalumu vo rau na tamata. E vou voleka na Turaga.
6
Me du kua na lomaocaocataki nia e kia nakwa. Ia, nakwa taucoko me vatakilakila taki vua na Kalou na ledu kere masu qai nia na dau cikecike, qai nia na vaokaoka.
7
Ia na vacegu ni Kalou, e uasivia ve na kwa taucoko e kilai rewa, e na vatudeitaki nia mu yalo qai nia mu yaloga e na vuku i Jisu Karisito.
8
Me qu jinia, na viwekani, na kwa taucoko taucoko e djina, na kwa taucoko e vaturaga, na kwa taucoko e dodonu, na kwa taucoko e savasava, na kwa taucoko e dau lomani na kwa taucoko e rogorogo oka, ia kodaki e kia na oka se kia na kwa e dau dokai, mutu numia na kwa kwe.
9
Na kwa taucoko mutu vulicia qai vabaujia qai rogocia dau dania muni vako au, mutu vavea, e na qai no voko mutou na Kalou ni vivacegui.
10
A qu qai marau valevu na Turaga ni vou qai tubu cake no ga na lequ dau numiko au. Mutu qai numia tale i mata ia vo tasi rewa.
11
A qu tasi kwa ni qu dravudravua. ni qu vou vavulici me qu vacegu no na kwa dau yaco. A qu qai kilajia na vadravudravuataki,
12
A qu qai kialjia na kwa e levu na kwa taucoko qu vulicia ke me qu bori ke me qu mata kana tale, me qu vutuniyau na va dravudravuataki muni.
13
A qu rewajia na kwa taucoko e na vuku i Karisito o kia e vakaikaitaki niko au.
14
Ia na kwa oka mutu solia e yavalu na kwa me qu na vararawataki ke.
15
O mutou muni i Filipai me mutu kilajia nai tekivu ni tukutuku ni kosiveli, ni qu vou ladai mai Masitonia, jikai ni kia na i soqosoqo lotu me vukeiko au na kwa qu solia qu ciqomia takia ga mai vuako.
16
Ia na gauna qu no mai ke i Cesalonaika, mutu vukeiko au va kia va rua e na lequ dravudravua.
17
Ia niqu tasi gadrevia na i solisoli io ni qu vou uasivi cake vuako mutou.
18
E vo notu voko au na kwa taucoko, ia a qu qai vutuniyau niqu vo rewajia o Epafirotaito na kwa taucoko mutu dau vakaujia no mai.Na kwa e garu oka, na madrali e okajia e oka vua na kalou.
19
Na ledu Kalou e na sota qea na lemu gagadre me kodaki na lai yau levu e na vuku i Jisu Karisito.
20
Me du varokoroko vua na ledu Kalou o Tamaya me tawa mudu. Emeni.
21
A qu vou loloma yaji vuako mutou na lotu e vu vou no vata qai nia na Karisito Jisu. E ru vou loloma yaji na viwekani ni vu vou no qai ni ko au.
22
E ru vou loloma yaji vuako mutou, na lotu vabibi na la vuwere o Sisa.
23
Me lemutou taucoko na leya loloma na ledu Turaga o Jisu Karisito