1
Ke kodaki e kia na vi va yalo qwaqwa taki mai vua na Turaga, ke kia na vivacegui mai na loloma, se na vitokani ni Yalo Tabu, se na loloma djina.
2
Me mutu vaveya sara na lequ marau, me mutu lomavata, Ia me tautauvata na lemu tu loloma, me mutu lomavata, mutu dau yalovata.
3
Me kuwa ni vai no na vilesi se na vidokadokai boto; me mutu yalo malumalumu ga me mutu numiya ni du vou tautauvata ga:
4
Me mutu kuwa ni vakasamatakinia na lemutu kwa ga, ia me mutu numiya talega na ledru eru valu tale.
5
Me no mutu yaloga na yalo ikwe e no tale ga vo Karisito Jisu:
6
O kia, e vo tovo vata qai nia Kalou, e lasi vakasama ni vo driva ni votautauvata taki qai nia na Kalou:
7
E vo vadravudravua taki niya, e vaitovo laki niya e nai tovo ni tamata dau viqwaravi, avo vai me tautauvata qai nia na tamata:
8
Ia ni vo lai dani ni tovo vata qai nia vata na tamata, a vo vamalumalumu taki niya qai talai rewarewa me mate, io me mate ina kauveilatai.
9
O keya ikwe e va levulevuya cake ke na Kalou, a vo soliya vuwa e kia na yaca e uasivi cake vuwadru na vi yaca taucoko:
10
Me jikituru ke i na yaca i Jisu, na vi turu taucoko mai lomalagi, vata o vuravura kodaki talega ke e ruku o vuravura;
11
Me va tusania tale ga ke na yame taucoko ni vo turaga o Jisu Karisito, me varokoroko taki ke na Kalou o tamaya.
12
Ia voko mutou, qu dau lomani ko mutou, me kodaki na lemutu dau talairewarewa ena vigauna vo oji, mutu tasi vaveya boto ga ni qu no qai niko mutou, e na qai oka cake sara niqu no na cakacaka, mutu cola ke e na mataku qai niya na sautaninini.
13
Ni vou niya na Kalou e cakacaka i mutuyaloga me kodaki na leya lewa oka me mutu nakijiya mutu vaveya.
14
Me kuwa sara na dau leva vata na vivala ina lemutu cakacaka:
15
Me mutu kua ni vunauci rewa, kuwa ni cala me mutu luve ni Kalou, kuwa ni mutu bilitaki i na kwa bura. ena kedru maliwa naitaba e cola veve vata na tamata yalo bura, ia mo jia sina ina kedru maliwa me kodaki na vi sina i vuravura.
16
Ni mutu vo qulumia no na tata ni cola, me qu marau ke ena siga i Karisito ni qu tasi wavu boto se qu tasi vaveya e kiya na kwa.
17
Ia kodaki qu vo sovaraki yaji ena lemutu vabaujiya ni qu vo vacabori mequ i madrali, qu vou marau valevu vata qai niko mutou taucoko.
18
E na vuku ni kwa ikwe me mutu marau muni o mutou taucoko, me mutu marau qainiko yau.
19
Ia qu vo va nuinui vua na Turaga o Jisu, ni vo voleka na lequ vatalajia yaji o Jimoci i vuwako mutou mequ vacegui tale ga ni qu vo kilajia na lemutu no.
20
Ni vo tasi kia e no vokoyau, me yalovata qai niya me daununumia na lemu kwa e yaloga djina.
21
Ni ru vo vadaniya ga na ledru kwa e rau taucoko e tasi kiya na kwa e leya o Jisu Karisito.
22
Ia mutu vo kilajia ni vo vatovolei ni vou kodaki na i luve vo tamaya, e dau cakacaka qa neko au i na i tukutuku oka.
23
O kia qu vou nakijiya ke me valailai boto re qu na qai vatala jia yaji me qu na daniya re se qu na vacava o yau.
24
Ia qu vo va raravi na turaga, ni vo voleka tale ga mequ na la yaji.
25
Ia qu vo vakasama ni vo dodonu mequ vatalajia yaji o Epafirotaito,re vokomutou, lequ vitacini lequ i caba, lequ tokani va cakacaka kei na lequi tokani ena i valu i ikwe, vata lemutu i talatala qai niya okia e vuke iko yau ena lequ dravudravua.
26
Ni vo gu yaji i vokomutou taucoko, avo rarawa e yaloga ni mutu vou varogo ni tauvimate o kia.
27
E djina ga ni tauvimate, e vo voleka sara ni mate. Ia e yalo oka vuwa na Kalou tasi nia qa vua vuwako yau muni, ke qai vai kuritaki na lequ rarawa ina kia tale kwa rarawa.
28
O kia ikwe qu vo gumatwa, mequ vatala jia me mutu marau ke ni mutu vo tolavia tale me lailai bale ke na lequ rarawa.
29
O kiya me mutu vacegui niya ena turaga ena marau valevu sara, me mutu dokaidru muni o rau eru kodaki ke.
30
Ni vo voleka ni mate o kiya ena cakacaka i Karisito, e tasi taleitaki niya leya cola: Me vaikuritaki vuwako yau na lemudru cakacaka vou vo tu.