¹ Io vo devu na siga ni vacecegu, o rau o Meri na lewa ni Makitala, qai nia o Meri ledru nene o Jemesa, qei nia o Saimoni aru volia na waiwai vai saluwaki meru walicia ke e lala o Jisu. ² Io ni siqwata lailai enai matai ni siga ni kia na macawa,a ru la mai inai bulubulu si qai la cake no mai na matanisiga. ³ A ru kwa vai nidru, "O cei ena va qiqi nia dei na vatu vuako datou mai na gusu ni qwara ni bulubulu?" ⁴ Ia ni ru tolaviya, eru daniya ni vo vaqiqi dai tu na vatu, ia e vatu levu sara. ⁵ Maru vou unu i nai bulubulu a ru tolavia e kia na saravou a vai sulu bucobuco, tadra no i tavoi matau, a ru mataku. ⁶ E kwa vuadru okea, ''Mutu kua ni mataku mutu va tolavia o Jisu, na kwai Nasareci, o kia e a mate. A vo tucake tale' o keya vo lavele i kei. Mutu tolavia na vanua a ru vadaraniya ke. ⁷ Mutu la, mutu lai kwaya vuwadru na leya tisaiveli vua o Pita, 'Ni vou simata i Kaleli. Mutu na daniya mai keigi me kodaki na kwa e ya kwa vuwako mutou. ⁸ A ru la vawatoto yaji meru tuba dei mai i nai bulubulu, a ru saqanini aru mataku, a ru tasi kwa tale ga e kia na kwa vua na levu ni ledru mataku. ⁹ A vo tu cake tale o keya na qwata lailai gi nai matai ni siga ni wiki, a simata sara o Meri na lewa ni Makitala, o kea a rovia dei vua e vitu na nitu. ¹⁰ Qai la o keya lai kwa vuadru o rau dau no vata no i mata, a ru rarawa aru tagi. ¹¹ O rau a ru varogo ni si cola qai varaitakinia vua e ru tasi vabaujia . ¹² Qai varaitakinia e kanikia e yago vuwadru e ru ruwa ni ru la no i ledru vanua. ¹³ A ru la a ru lai kwaya vuwadru ka vo, ia a ru tasi vabaujidru. ¹⁴ Devu qai varaitakinia tale vuadru na jinikadua nimru vo kana no, qai vunauci jidru ena vuku ni ledru tasi vabaujia qai nia na ledru yalo kaikai, ena ledru tasi vadjinadjina idru o rau eru vo dania ni vo tucake tale mai na mate. ¹⁵ E kwa vuwadru, mutu layaji i vuravura taucoko, mutu kwaya nai tukutuku oka vuwadru na tamata taucoko. ¹⁶ O kia e vabaujiaya ni vavitaisotaki ena cola, e na lai ocaji ga okea e tasi vabaujiya. . ¹⁷ Io nai vatakilakila ikwe e na tekucidru e ru vabaujiya: e ru na varoviya nitu i qu yaca eru tata taki niya i vanuwa. ¹⁸ E ru na tomia na gwata, ia kodaki e ru somia na kwa e gaga, e ru tasi bura ke, na tabakidru na tauvi mate eru lima eru na vacolai" ¹⁹ Ia ni vo tata oji vuwadru na Turaga o Jisu, a qai la cake i lomalagi a vo no koto no i na lima i matau ni Kalou. ²⁰ O rau na jisaiveli a ru vo layaji e ru vo vunautaki nia i na vi vanua taucoko,a vo cakacaka vata qai nidru kalou a vo va jinajina nai vata kilakila e tekucidru.