1
Ni kida na qwata e ru soqoni vata mai na bete levu, o rau na qase, na vunivola, qai nidru taucoko na matavilewai, ru vesu kia o Jisu, ru meya dai, me ru lai solia vua o Pita.
2
A qai tarogia o Pailato "Tasiniko na ledru tui na kwai Jiutia"? a qai saumia o Jisu, "O vou kwa djina mai".
3
Ia o rau na bete levu e levu na kwa e ru baitakiniya vuwa o Jisu.
4
A qai tarogia tale o Pailato, "O na tasi mata kwa e kia na kwa? tolavia re kea levu nakwa ru beitaki niko ke".
5
E tasi kiya na kwa o Jisu, e kuralt bui ke o Eroji
6
E na vi gauna ni solevu, o kia e dau serekia e kia na kwai vesu, me kodaki na ledru jigijigi.
7
E nokoto e kia e cola e yaca o Parapa e a vesu vata qanidru e valu na ecola e na laba.
8
A ru vo coco na ecola wara aru vamamasu jia me vavea vuadru me kodaki ga na lai varau.
9
E saumia yaji o Pailato qai kwa, "mutu okajia mequ serekia yaji na ledru tui na kwai Jiutia?"
10
Ni kilajia o kia ni ru a beitakinia ga na bete levu e na vuku ga ni ledru vuvu.
11
E ru vauqejidru na ecola wara na bete levu meru serekia o Parapa.
12
Saumia o Pailato e qai kwa,"Na cava ga mequ vavea vuwa o kiya e lai kwai me ledru tui na kwai Jiutia."
13
E ru qai kula vakiniya mai,"vakojia I na kauvelatai!"
14
Qai kwa o Pailato vuwadru, " na cala cava e vavea?" a ru qai kula vakiniya mai yata. vakojia i na kauvelatai."
15
Ia o Pailato ni vou okajia me va Loma oka taki nidru e cola wara, e a serekia o Parapa. qai solia o Jisu meru vakuitajia ni sibere me lai rube I na kauvelatai.
16
E ru meia dei na sojia i na yasa ni were ni turaga, e ru soqonijidru vata na sojia taucoko.
17
A ru va sulutaki nia i nai sulu lokaloka, a ru talia e kia na i sala wa vavotona a ru vaisala taki niya ke.
18
A ru va tekivu meru valiyaliya ciya, "o dau loloma na ledru tui na kwai Jiutia."
19
A ru warolaki nia e ulu ena kiya na sina a ru katasivijia, a ru jikituru e ru varokoroko vuwa.
20
Ni ru vou varivariva ciya, oji a ru qai luvajia dei vua nai sulu lokaloka, e qai vaisulu takinia i na lea i sulu djina ru meya yaji meru qai lai vakojia i na kauvelatai.
21
A qai kia na kwai Kirini e yaca o saimoni, (o tamadru o Alekisada qai niya o Rufo),a ru qai vakaikaitaki niya vua me dagiya na kauvelatai.
22
A ru qai meiya i na kia na vanuwa Kolikoca, kai balebale na vanuwa ni qwavokavoka.
23
A ru qai solia vua na waini e ru wakia vata na mura me somiya,e a tasi somiya.
24
Ni ru vo vakojia oji ina kauvelatai, a ru qai wasekia na lai sulu, a ru qai va wiri majigi meru kala kilajia ke na ledru i votavota.
25
Ia e nai katolu ni yauwa a ru qai vakojia ina kauvelatai.
26
A ru qai volaiya i yata vua, na kwa eya beitaki ke, " Ikwe na ledru tui na kwai Jiutia,"
27
E ru qai vakojidru vata i na kauvelatai e ru rua na dau driva, e kia i na matau e kia i na mawi.
28
E vou vayacori ke nai vola Tabu,niya kwaya, e ru vou wili vata nae cola i valavala ca.
29
Ia o rau na vi layaki tu, e ru tata vaburaburataki niya, e ru kurutakiniya e ru ulu a ru kwaya, " Iye o iko o basu kia na were ni lotu, o vavea tale ena lotu ga ni bogi.
30
Mo vacola niko re labale mai na kauvelatai!
31
Na calevu vata ga igi ru tata vaburaburajia ke o rau na bete levu qainidru na vunivola," E dau va colo nidru na ecola. ia e tasi rewa ga ni va colo niya vainiya."
32
Me labale mai na kauvelatai ni karisito, na ledru tui na Isirel, me madu daniya me madu qai vabaujia, o rau talega a ru a vakojia vata na kauvelatai e ru varivariva
cia muni.
33
Ia ni vo yaco nai ka ono ni yauwa, e gilogilo na vanuwa taucoko me yacovia nai ka ciwa ni yauwa.
34
Ia e nai ka ciwa ni yauwa e qai coco o Jisu e na domo levu, qai kwa Iai! Ilai! lama sapakicani? na kea i balebale, "Turaga na lequ Turaga" o biujiko yau e na vuku ni cava?
35
Ni ru varogo na lea coco e valu e na tucake tu e ru kwa ni covia o Ilaijia.
36
E qai wavu mai e kia, e tonia na sivaji i na wai winiwini, vivia i na kia na i sina, a ru va somiya e qai kwaya." Dei niya re, medu daniya nikuwa e lamai o Ilaijia meya bale mai i na kauvelatai se jikai.
37
Ia o Jisu, ni coco e na domo levu qai vacegu.
38
Qai tawase taki rua nai laji ni were ni soro tekivu sara ga mai yata me yaco sara i ra.
39
Ia ni vou tolavia na Turaga ni valu e a tucake volekajia no, ni o coco kodaki i gi e qai kwa " E vou djina ni jia luve ni kalou o kiya.
40
E ru valu muni na lewa e ru tola tu ga vayawa.E kia vuwadru o Meri na lewa ni makitala, o Meri ledru nene o Jemesa e tacia o Josese qai nia o Solomoni.
41
O rau a ru dau qwaravia, a ru dau tekucia ni dau no mai Kaleli, qai nidru e levu na lewa a ru lavata qai nia i Jerusalemi.
42
Ni vou yavi ni siga varau, na siga e taraviya na siga ni vacecegu.
43
E qai lamai o Joseva na kwai Aramacea, na matanivanuwa, e kiya vuwadru na matavilewai, e waciya no na keya yaco nia matanitu ni Kalou, e la vadodonu vo Palato, qai kerevia e yago o Jisu.
44
A karaciya o Pailato ni vou mate o kiya, e coviya na turaga ni valu qai tarogiya, bara vou mate makawa se qai mate boto?
45
Ia ni vou kilajia mai vuwa na turaga ni valu, qai soliya e yago vo Joseva.
46
E voliya e kiya nai sole la nene, e biujia bale mai e qai va viviya ke, qai vadaronia I na kiya nai bulubulu e vai i na vatu, qai vaqiqicia e kia na vatu i na gusu ni bulubulu.
47
A ru daniya na vanuwa e maroroi ke e yago, o Meri na lewa ni makitala qai nia o Meri la nene o Josese.