1
A si vo no e rua na siga me vai ke na kana vata ni lakosivia.A ru vo vitalanoa takinia o rau na vu ni vola qai nidru na bete me na vo vesu soko mai o Jisu balejia me vamate.
2
A ru qai kwa me kua,"Me ru kua ni la na gauna ni kana vata ni lako sivia, balejia ni ru si no muni na tamata i yaloga.
3
Na gauna e a nokoto no ke o Jisu i Pecani i na lea were o Saimoni, na gauna e a tadra no ke i na teveli, e kia na lewa e kau mai e kia na tavaya waiwai, e kia na waiwai garu oka. A qai vakwarania na tavaya a qai sovajia ve ulu.
4
E yavalu e ru yalo bura takinia. A ru qai vi kwa yaki nia vai nidru e vatawayagataki tu boto na waiwai ikwe e na vuku ni cava?
5
Na waiwai kwe, ke volitaki a tolu na drau vacaca na veni kai sau me ke soli vuadru na dravudravua.
6
A qai kwa o Jisu, "Mutu deinia na cava mutu vasagaiya ke e vavea vuwako yau e kia na kwa oka.
7
E ru na no qainiko o mutou na dravudravua, ni mutu na vavea e kia na kwa yaga vawadru e rewarewa, ia o yau qu na tasi no qainiko mutou vakia.
8
E vavea o kiya na kwa e rewa jia, e lamai o kiya me waliya qu yago me bulu.
9
A qu kwa vuwako mutou, ina vi vanua taucoko i vuravura me na vunau taki ke nai tukutuku oka na bau tukuni tale tuga na kwa e vavea na lewa ikwe me kea i djivi.
10
O Jiutasa Isikarioti e kia vuadru na lewe jini karua e la vuadru na bete levu me solia vuwadru o Jisu.
11
Na gauna e ru varogo ke na bete levu e ru marau a ru yalayala me ru soli lavo vuwa,a qai vadaniya i kiya na gauna e rewarewa me solia ke
12
E na matai ni siga ni kana madrai, e tasi valeveni aru qai va mate nia e kia na sivi kana vata, aru qai kwa vua na lea jisaiveli. ivei na vanua o kajia me madu lai varau taki nia me vai ke na kana vata.
13
A qai vatala jidru okea e rua na lea jisaiveli a qai kwa vuwadru,'' meru la i rara, muru na sotavia e kia na taigane e dagia no e kia na saqa ni wai. muru tekuci.
14
Na gauna ena unu ke i were muru tekucia kwa vua nai taukei were,''e tarogia nomai o nai vavuvuli i vei na vanua me vai ke na kana vata ni lako sivia, qai nidru na lequ jisaiveli.
15
E na qai vata kia vua ko muru e kia na vanua e levu e na taba ni were i yata e vo varau taki tu na keya i yaya,muru varau takinia ke na keda tou.
16
A ru vo la na jisaiveli a ru yaco i rara,aru dania na kwa me kodaki na kwa me kwaya,a ru varau taki niya sara na cawa ni kana vata ni lako sivia.
17
Ia ni vo yavi mai,a ru qai lama i o jisu qai nidru la jisaiveli.
18
Ia ni ru vo no meru kana o jisu a qai kwaya,''aqu vo kwaya oji mutou e kia du kana vata no e na soliko au yaji.
19
E qai rarawa e ru yalo a ru qai kwa yakia vuwa, "Ba ra niko au e kia tale se ba ra niko au?"
20
qai saumia vuadru o Jisu a kwa, "E kia ga vuako mutou na lewe djina rua o kiya ma ru na musu kia vata na madrai i na bilo.
21
E na la na luve ni tamata me kodaki na kwa e volai me balejia, i ya e na bura vuwa e cola i gi, o kia e solia yaji na luve ni tamata ke ba ra si kua ga ni sucu mai ke oka cake."
22
Na gauna a ru kana no ke qai qulumia na madrai o Jisu, qai lotu taki niya qai musukia. E solia vuadru qai kwa mutu qulu ikwe mutu kania,ikwe qu yago.
23
A qai qulumia na bilo va okaoka, qai solia vuwadru, a ru qai somu taucoko.
24
A qai kwa, "Ikwe qu dra na dra ni vi yalayalaji vou liviraki me balejidru e cola wara.
25
"Qu vo kwa oji vuwako mutou qu tasi saumia tale na vu wa ni vaini me yacovia na gauna qu na somiya vou tale ke i na matanitu ni Kalou."
26
Ni ru vou lagasere oji, a ru qai la i na ulu ni vanua ni vi Olive.
27
A qai kwa vuadru o Jisu, "Mutu na tarabe taucoko me balejiko au na bogi nikua, ni vo volai, A qu na yavijia na i vatawa ni sivi.
28
Io ni qu na vou tucake tale mai na mate, A qu na simata taki niko mutou i Kaleli.
29
A qai kwa o Pita, "Kodaki e ru mani lutu tucoko o au ga e na jikai.
30
A qai kwa o Jisu vuwa,"A qu vou kwa vuwako na bogi no ga nikua ni sibere ni tagi varuwa na to o na cakitaki niko au va tolu."
31
A qai kwa mai ni yalo kaikai o Pita, "Kodaki daru mate vata, qu na jikai ni cakitaki niko e ru kwa kodaki muni ke ka vo.
32
A ru qai la i na kia na vanua e yaca o Kecisemani, a qai kwa vuwadru la jisaiveli,"Mutu nokoto i kei me qu la i masu.
33
A qai meidru o Pita, Jemesa, vata qai nia o Joni a vo vatekivu me vakilajiya na kwa e varau yaco.
34
E qai kwa vuadru, e vo rarawa valevu qu yalo me kodaki ni qu na mate mutu nokoto no ga ikei mutu vatawa no.
35
A vo la valelai i mata o kiya e cuva bale i na qwele, qai masu "Kodaki e rewarewa me ladei na gauna i gi vuwa.
36
A qai kwa "Apa, Tamaqu, vou rewarewa vuwako na kwa taucoko, kaudei vuwako au na bilo ikwe, io,me kua ni kodaki na lequ lewa me kodaki ga na lemu.
37
E lesu mai a tolavidru ni ru moce no qai kwa vo Pita, "Saimoni o moce no?e tasi rewa ni o bau vatawa me kiya na yauwa.
38
Mutu yadra mutu masu me kua ni rewa jiko mutou na meca e djina ni gu na yalo e malumalumu.
39
Qai la dei tale o kia me la i masu kwa tale na masu igi.
40
Io vo lesu tale mai, a tolavidru ni ru si moce tuni vo bibi e ru mata, a ru tasi kilajia e kiya na kwa meru kwa vuwa.
41
E lesu va tolu mai e kwa vuwadru mutu si moce ga? mutu vacegu, vo yaco na gauna daniya vo soli yaji na i luve ni tamata, e ru lima na e cola bura.
42
Mutu tucake me du layaji, daniya vo voleka mai e kiya e na soliko yau yaji.
43
Ni tata no ga vo la sara mai o Jiutasa e kia vuwadru na jini karua, qai nidru e levu na tamata e ru vai sele i wau, e ru vai wau mai vuwadru na bete levu qai nidru na vu ni vola, qai nidru na qase.
44
Ia o kiya e na solia yaji a vo kwa devu vuwadru e kiya na i vatakilakila o kiya ga qu na si via mudu mutu qulumia mutu meiya vamalua no yaji.
45
Ni la ga mai o Julasa e la sara vuwa e kwa vavuvuli, e kisiviya sara.
46
A ru qulumia a ru meiya sara yaji.
47
E kiya e no voleka e qulu na i sele qai takavia ke e bebe na leya e cola na bete levu.
48
Qai tarogidru o Jisu mu tu ba ra la mai daniya e kiya na dau driva mutu va i sele mutu va kai me mutu la mai meiko yau?
49
A qu dau no vata qai niko mutou i na vi siga i na were ni masu, qu vai vuli mu tu tasi qulumiko yau, ia na i Vola Tabu e na vayacori ga.
50
A ru qai deiniya tu a ru qai tuba.
51
E tekucia no e kia na suravou, e taboi no i na i sulu lineni, a ru qai qulumia.
52
A vou biujia na la i taboi lineni, qai tuba luvaiwale.
53
A ru meiya o Jisu vuwa na bete levu a ru soqoni vata na qase, na bete levu, qai nidru na vu ni vola.
54
O Pita a tekuciya vayawa me yaco sara la were na bete levu e la i vakatakata qai nidru tu na ovisa.
55
Ia o rau na bete levu na mata veilewai a ru vadaniya me kiya me beitakinia o Jisu me mate ke a ru tasi tolavia e kia.
56
E ru levu e ru tasi djina i na ledru vi beitaki e tasi la vata na ledru i tukutuku.
57
A ru no e valu e ru qai giri i na ledru vibeitaki, a ru qai kwa, O madou ma du varogo e kwa,
58
"A qu na basukiya na were ni lotu ikwe e lima ni e cola, qu na vaveya tale e kiya e tasi vai e na lima, e na tolu na bogi.
59
A vo tasi la vata na ledru i tukutuku.
60
A vo qai tucake na bete levu na kedru vi mama qai tarogia o Jisu, "E kwa e vo jikai na kwa mo kwa? na cava e ru bilitaki niko ke o rau ikwe?
61
E galu tu ga o kiya e tasi kwa e kia na kwa qai tarogia tale na bete levu e kwa o iko na Karisito e luveya o kiya e leya na varokoroko se jikai?".
62
Qai kwa o Jisu, "O yau i qoi, mutu na tolavia na luve ni tamata ni nokoto e lima matau o kiya e kaikai e na la tale ga mai e na vi o ni lomalagi."
63
Na bete levu qai dresulaki niya na la i sulu e kwa vua,"E yaga va cava me ru yavalu tale na vadjinadjina?
64
Mutu vo varogo ni tata vaburatakiniya na Kalou, na cava mutu lewaia?" A ru vo lewaia taucoko me va mate.
65
A ru qai katasivi jiya, taboiniya e mata ru qou laki niya ru kwa vuwa kwa mai o cei, a ru qai sabiciya na ovisa.
66
E nokoto o Pita i na rara ni were igi qai la mai e kiya na yada ni bete levu.
67
Na gauna e tolavia ke o Pita ni taliku no e va tolavia e kwa, "O iko muni muru no vata no o Jisu na kwai Nasareci.
68
E vasesejiya qai kwa a qu tasi kilajiya, a qu tasi vakasamatakiniya rewa," e biubiu me la i rara mta ga ni were qai tagi na to.
69
E tolavia tale na yada qai kwa vuwadru na no voleka, "E kia vuwadru i kwe."
70
A vo vasesejiya tale o kia, va lailai ga a ru kwaya vo Pita orau na no voleka,''E djina o i ko e kia vuyadru, mo kwai kaleleli.''
71
A vo tekivu me tata ocaoca e bubuli me kwaya ,''Aqu tasi kila jia na e cola i qoi mutu kwaya no.
72
A vo qai tagi varua na to,o Pita a qai numia na kwa e kwaya vuwa na kalou ,''E si bereni tagi varua na to, ona tasi vadjinadjina taki niko yau va tolu,''ia ni vakasama taki niya e tagi.