¹ Na gauna a vou ladei mai o Jisui were ni lotu, e kia na la Jiseveli e kwa, "Vavuvuli, tolavia nai rairai ni vatu vata qai nia na rairai ni were!" ² A qai tata o Jisu a qai kwa, Mutu vou tolavia na were yalevu igi? e na tasi kia na vatu me vitaqataqai e na talaraki taucoko. ³ Na gauna e vou nokoto no nai ke i na ulunivanua ni vi olive donia na were ni lotu, o Pita o Jemesa o Joni vata o Adriu a ru qai tarogia lo. ⁴ "Mo kwa mai vuwako madou, na gauna cava e na yaco maike? Na vatakilakila cava e na yaco e na gauna e voleka mai ke?" ⁵ A qai tata vuwadru o Jisu, "Mutu tola via oka me kua ni kia e va cala niko mutou. ⁶ "E levu e ru na lamai qu yaca e ru na kwa, o yau o kea e ru na vacala i dru e levu". ⁷ Mutu na varogo nai valu na i rorogo ni valu, me kua ni karaciko mutou; e dodonu me yaco mai ni sibere nai vata otioti. ⁸ "E ru na vibolebolei na vi vanua , qai nia na vi matanitu, e na tavuki na vanua e na vi vanua, qai nia na dausiga, Ikwe nai vatekivu ga ni vi kwa rarawa. ⁹ Me mutu qaraniko mutou oka. Mutu na soli e ru mata na dauvilewai, mutu na rubilaki e na vi vanua ni masu, mutu na tucake e ru mata na kovana qai nidru na tui, me balejiko yau, me mutu vadjinadjina. ¹⁰ E na vunautaki re i mata nai tukutuku oka, e na vi vanua taucoko. ¹¹ "Ni mutu vou vesu me mutu lai lewai, kua ni leqwa takinia na kwa me mutu kwa, mutu kua ni vanananui mata, Na kwa mutu na kwa e na soli mai vuwako mutou; e na tasi niko o tata, e na tata ga na Yalotabu. ¹² Nai tukani ena solia o tacia me mate, qai nia o Momo e na solia o luveya, e ru na tucake nai luve me balejidru na i tubutubu, me ru mate ke. ¹³ E ru na burajiko mutou na tamata me balejia qu yaca, o kia ga e vosojia me yacovia na i vataojioji, e na vacolai. ¹⁴ "Ia ni mutu vou tolavia na vi vanua e vatabui tu ni vou tu i ke na kwa vasisila e dau vei varusai, o kia vou kwa o Taniela na parovita," (me kilajia o kia e wilikia), me ru la i na ulunivanua o rau na no tu i Jiutia, ¹⁵ Me kua ni kia e labale i were o kia e nokoto i yataga ni were, se me kua ni kau dai mai e kia na kwa e no i were. ¹⁶ Me kua ni lesu tale o kea e nokoto no i na i teitei me lai kau na lai sulu ¹⁷ E na bura vuwadru na bukete qai nidru na vasucu i luve na gauna igi! ¹⁸ Me mutu masu me kua ni yaco mai na gauna ni yaliwa. ¹⁹ E na levu na vi kwa rarawa, e na tasi kodaki ke nai vatekivu, me yacovia na gauna e a buli ke, na Kalou na vuravura, me yaco mai nikua, e na tasi kodaki tale ga ke i bere. ²⁰ Ke kodaki e vou valekalekataki nia na gauna na Kalou, ena tasi kia na tamata e na colo rewa, ia me balejidru na djigitaki, e na valekalekataki ke na gauna i gi. ²¹ ke kodaki e kia e kwa vuwako, 'Tolavia, ikwe na Karisito! tolavia ikwe o kia!' kua ni vabaujia. ²² E ru na tubu mai na Karisito kei na Parovita vai lasu, e ru na vavea na cakacakamana qai nia nai vatakilakila me ru vi vacalai ke, vabibi o rau na djigitaki. ²³ Mutu qarauniko mutou oka! A qu vou kwa oji vuwako mutou nj sibere mai na keya gauna. ²⁴ Ia ni vou devu na gauna rarawa igi, e na qai va gilogilotaki na matanisiga, na vula e na tasi solia na kea kakarama, ²⁵ Na vi kalokalo e ru na lutu mai, e na qai vitosoyaki na kwa kaikai e na maliwa lala.' ²⁶ Eru na qai dania na Luve ni Tamata ni na labale mai e na vi kete ni o i na kaikai qai nia na lagilagi. ²⁷ Ena qai vatala jidru mai la agilosi ena qai soqoni jidru vata na leya djigitaki mai na mata ni cagi e va, nai yalayala kei vuravura qai nia nai yalayala ni maliwa lala. ²⁸ Me mutu kilajia na tata vatautauvata i na vuni lolo, na gauna vou tubu vou mai ke na vunikai, mutu qai kilajia ni vou voleka mai na gauna ni katakata ²⁹ Me kodaki tale ga o mutou, na gauna mutu tolavia ke na kwa vou yaco, mutu vou kilajia ni vou voleka mai i mata ni were. ³⁰ Na djina a qu vou kwa vuwako, e na tasi lavele nai taba e colo ikwe e na yaco rewa. ³¹ Na lavele o lomalagi qai nia o vuravura, ia na lequ tata e na tasi lavele rewa. ³² Ia e na vuku siga igi qai nia na la jiki ni siga, e tasi kia e kilajia o rau na Agilosi mai lomalagi, se o luvea, o leya Momo takia ga. ³³ Mutu varau! Vatawa, mutu masu, ni mutu tasi kilajia na kea jiki ni siga. ³⁴ E kodaki e kia na tamata e la i na vanua vayawa, o kia vou biujia lea were, a vou alesia na tamata me re lewaia, a qai lesia vuwadru yakia na cakacaka, a qai kwaya vua na i vatawa me vatawa no. ³⁵ O kia me mutu vatawa ni mutu tasi kilajia na jiki ni siga e na lamai ke nai taukei ni were, e rewa ni veiyavi, se lomaloma ni bogi levu, se vou tagi na to, se vei qwata lailai. ³⁶ Ke kodaki e lamai vasauri, me kua ni daniko nio moce no. ³⁷ "Na kwa qu vou kwaya vuwako mutou, qu vou kwaya talega vuwadru: mutu vatawa!"