¹ Avo tekivu o Jisu me tata ena tata vatautauvata, A qai kwaya a kia na ecolo, e kia la naga ni vaini, viribaijia oka, kelia nai keli i ni vaveya na ledaru were nai vatawa, lisi takinia vuadru e yavalu nai vatawa, qai la i na kia na vanua vayawa. ² Ni vo yaco na gauna ni makuga qai vatalajia e kia na leya ecolo vu wadru nai vatawa ni teitei, me kau mai vuwadru e valu na vua ni vaini. ³ Aru vesu kia, kuitajiya aru qai rovia dei. ⁴ A qai valajia tale e kia vuadru, aru vamavowataki nia e ulu, aru va burabura taki niya sara valevu. ⁵ A si vatalajia tale e kia na lea tamata cakacaka, aru qai vamatenia. Aru vavea muni vuadru e levu tale, eru kuita laki nidru e yavalu, qai va mate nidru kavo. ⁶ A vouvo liga e kia igi na leya i luve e kia ga, a vo vatalajia i bere vuadru qai kwaya '' O rau eru na rokovia o luvequ teigawane. ⁷ Io, o rau nai vatawa ni teitei, eru kwaya vainidru, o kia ikwe ena qai i nia nai taukei ni teitei bere, medu vamate niya nai teitei ena qai ledatou''. ⁸ Aru qulumia, vamatenia, aru qai biujia i taudaku ni teitei. ⁹ Na cava e na qai vavea na taukei ni naga ni vaini? ena la ga mai ena vamate nidru nai vatawa ni teitei qai solia na naga ni vaini vuadru na ecola mai na vivanua. ¹⁰ Mutu siber ni bau wilikia na tata ni Kalou kwe? Na vatu eru biujia o rau na matai ni were Vo yaco me keya i vadei e yasa ni were. ¹¹ Ikwe na cakacaka ni turaga, e vo kia ma kwa e vakurabuitaki vuwako datou? ¹² Aru vo mata vesu kia o Jisu, ia aru qai matakucidru ga na ecola wara aru kilajia, ni vo cavujidru devu i na tata va tautauvata, aru biujia, aru la. ¹³ Aru qai vatalajidru mai e yavalu na Farisi vata e valu lai tokani o Eroti, meru tobokia rewa ke ena valu na tata e cavujia. ¹⁴ Ia, niru vo yaco mai, eru kwaya vua, ''Vavuvuli, madu kilajia ni o djina no o qai tasi matakucia e kia, o tasi dokaiya ga re e kia na mata ni ecola, o qai vavuvuli taki niya no nai varau e oka vuwa na Kalou; E vatarai medu soli kwa i na matanitu vo Sisa, se kuwa. ¹⁵ Medu solia se medu kuwa ni soliya, ni vo kilajia o Jisu na ledru ilawaki, a qai kwaya vuadru, balejia na cva mutu mata vatovoliko au ke?; Mutu solia mai vuwako yau nai lavo mequ tolavia. ¹⁶ Aru qai kau mai e kia vo Jisu, a qai kwa vuadru o kea, o cei e mata i kwe? aru kwaya vuwa, na kwa e lea o Sisa. ¹⁷ A qai kwaya o Jisu,''solia vo Sisa na kwa e lea o Sisa, solia vua na Kalou na kwa e lea na Kalou, ''A ru vo kurabui takinia. ¹⁸ Aru qai lamai vua e yavalu na lai tokani o Setoki, o rau eru dau kwaya ni jikai na tucake tale mai na mate; Aru vatarogia qai kwaya. ¹⁹ ''Vavuvuli, o mosese e volaiya vuwakomadou, '' kodaki e kiya na teigwane e mate, o tukaya se o tacia, e tasi va luveni qai deiniya tu mai la yalewa, meru viwajitini me vai va kawa ke. ²⁰ E ru nokoto e ru vitu na vitacini teigwane, qai va yalewa o keya e qase, qai mate e jikai o luveya. ²¹ Aru qai viwajini vata nai ka rua qai mate, e jikai o luveya, e koadaki ke nai ka tolu. ²² Aru qai viwajini qai nidru na vitu na vitacini, qai yalewa tale ga aru qai mate, jikai o luvedru, qai mate muni na lewa. ²³ Ia ena gauna ni tucake tale mai na mate, o cei vuwadru na vitu ikwe ena leya yalewa na kwai gi, balejia niru vo vawaji taki nia taucoko. ²⁴ A qai kwaya o Jisu, ''E tasi niya ikwe na lemutu sese ni mutu tasi kilajia nai Vola Tabu, se na kaikai ni Kalou''. ²⁵ E na gauna ni tucake tale mai na mate, ena jikai na vayalewa se na vimusumusuki, eru na kodaki ga na Agilosi mai Lomalagi. ²⁶ Io ni ru na tucake tale mai na mate, mutu tasi wilikia i na lai vola o Mosese ni a tata na Kalou vua mai na kai, qai kwaya.'' O au na lea Kalou o Eparama na leya Kalou o Aisake vata na leya Kalou o Jekope. ²⁷ O keya e tasi ledru Kalou na mate, io na ledru Kalou ga na tamata cola ikwe na kwa mutu leqwa valevu ke. ²⁸ A qai kiya na vu-ni-vola e varogo no na ledru vitalanoa,e dania ni kia na kwa na leya tatava vuku vuadru, e lamai qai mai tarogia o Jisu, nai varo cava nai matai i nai varo taucoko. ²⁹ Qai saumia o Jisu,'' Na i matai ni varo taucoko, mo varogo na Isireli, o jiova na ledu Kalou o Jiova e kia ga. ³⁰ Mo lomania o Jiova na lemu Kalou i mu yalo taucoko i na lemu numia taucoko, i na lemu kaikai taucoko. ³¹ Na i ka rua, mo lomanidru o wekamu me kodaki lemu lomaniko. E tasi kiya nai varo e uasivi e nai varo ruwaruwa ikwe. ³² A qai kwaya na vu-ni-vola vuwa vou oka vavuvuli o iko vo kwaya djina ni kia ga na Kalou, e tasi kiya tale meru tautauvata qai niya. ³³ Mo lomania mai du vu ni yalo, vata mai na ledu vakasama taucoko, vata mai mu vuni yaloga taucoko, mana ledu kaikai taucoko, medu lomanidru o wekadatou me kodaki ledu lomaniko datou, ikwe na kwa levu na kwa lailai nai soro taucoko. ³⁴ Ia ni vo daniya o Jisu ni vo tata va vuku vua, o iko o tasi yawa mai na matanitu ni Kalou; Oji igi tasi bau kia e mata tarogia tale. ³⁵ Ni vo vavulici no o Jisu i were ni lotu a qai kwaya, i vei e kodaki niru kwaya no na vu-ni-vola, ni o Karisto o tamaya o Tevita. ³⁶ Ni vavuniya na Yalo Tabu, na leya kwaya o Tevita ''E kwaya o Jiova vua na lequ turaga. ''Mo no i qu lima i matau Mequ vamalumalumutaki nidru na kemu meca meru nidru na lemu i tutu ni la. ³⁷ Ni vo kwaya o Tevita me leya turaga, me qai niya vacava o luveya: Eru levu eru mate varogo na kwa e kwaya. ³⁸ Qai kwaya vuadru i na lai vavuvuli, mutu qarauni niko mutou qarauni niko mutou mai vuwadru na vu-ni-vola, niru la tu i nai sulu balavu qai niya na vikidavaki ena vanuwa ni vivoli. ³⁹ Nai tadratadra ni qase i na vi were ni lotu, qai niya nai tadratadra ni turaga ena vi gauna ni kana magiji. ⁴⁰ Aru qulumia na ledru yau na yada, aru qai masu balavu meru dauvivakwaisini, meru na dau laidani ke, ikwe na kwa eru na lai ocaji ke. ⁴¹ E tucake doniya o Jisu na vanuwa e no ke na kato ni lavo, e tolavidru na lewe levu ni ru vo biujia na i lavo i na kato ni lavo vutuniyau, eru biujia valevu. ⁴² E qai la mai e kiya na yada dravudravuwa, qai biujiya e ruwa nai lavo lailai sara e raujiya e kiya na veni. ⁴³ A qai covidru na leya Jisaiveli, qai kwaya vuadru, qu kwaya vuwako mutou na yada dravudravua i kwe e biujia e levu mai vuwadru taucoko na mai soli. ⁴⁴ Niru biujia e valu mai na ledru jiki ni yau, ia na yada dravudravuwa e biujia na kwa taucoko, io na kwa taucoko e cola ke.