1
v 3 Na gauna a ru vo cava ke i Jerusalemi, e volekajia i Pecisefaki qai nia i Pecani i na Ulunivanua ni Violive, O Jisu qai vatalajidru vua na lea jisaipeli.
2
Qai kwaya vuadru, 'Muru la i na rara e doniko muru, muru dania e kia nai luve ni yasa e vesu no ke, muru meya mai voko au.
3
Kodaki e kia e tarogiko muru qai kwa ni yaga vua na Turaga, ena qai solia mai.''
4
A ru la a ru tolavia ni vesu tu, a ru serekia mai.
5
Eru va lu na tamata, e ru tucake tu a ru kwaya, ''Na cava muru vaveya, muru serekia na luve ni yasa?"
6
A ru qai kwa vuwadru me kodaki na kwa e kwaya o Jisu.
7
O rau na jisaiveli e ru meya mai na luve yasa vo Jisu, a ru tevukia na ledrui sulu i yataga ni yasa me vodo ke o Jisu.
8
Levu na tamata a ru tevukia na ledru i sulu i calevu e ru musukia mai na katula ni kai.
9
O rau na simata qai nidru na bere, eru kula vakinia''Osana! Kalougata o kia e lamai ena yaca ni Turaga.
10
E kalougata evo kalougata leya matanitu o Tevita! na ledu qase o keya e vo lamai Osana i yata sara!"
11
Unu o Jisu i Jeruisalemi e la sara i were ni lotu, va tolavia sara na vi kwa taucoko avo lai yavi mai, E qai la yaji o kea i Pecani qai nidru na leya jisaiveli.
12
Siga tale e taravia niru vo lesu mai i Pecani, avo matakana o kea.
13
E tu me tola vayawa, a qai tolavia e kia na vuni lolo e notu e rau e qai la mela i dania qai jikai e vua, ni si tasi kea gauna me vua ke.
14
Qai vunaucijia, ''O na tasi vua tale." A ru vo varorogo tu na lea jisaiveli.
15
A ru yaco i Jerusalemi, unu i were ni lotu vatekivu me rovidru na volivolitaki qai nidru na vivoli. Qai vukicia na teveli ni volivolitaki qai nia na ledru i tadratadra na volitaki ruve.
16
E tasi vadonia vuwadru me ru kau e kia na kwa i were ni lotu kodaki e lai volitaki.
17
E vavulicidru e kwaya, "E a tasi volai, 'Na lequ were na were ni masu ni vimatanitu taucoko ia mutu qai vavea me ledru i nono na dau driva?
18
O rau na bete levu qai nidru na vunivola ni ru va rorogo na kwa e kwaya, a ru vo vadania e kia na calevu meru vamate nia ke ni ru vo matakucia, balejidru na e cola wara e ru kurabuitaki nia na lai vavuvuli.
19
Ia ni vo yavi, a ru vo denia na vanua igi.
20
Ni ru vo lesu tale mai i na qwata e taravia, a ru tolavia na vunilolo ni vo malai bale.
21
O Pita qai numia lesu qai kwaya ''Vavuvuli, tolavia! na vunilolo vo malai bale,''
22
O Jisu qai kwaya, ''Mutu vabaujia ga na Kalou.''
23
E djina Qu vo kwaya vuwako mutou, o keya e kwaya i na ulunivanua, mo toki i na wasa liwa, ia me kua ni vatitiqa e yalo me vabaujia ena yaco na kwa taucoko e kwaya.
24
O keya igi qu kwaya ke vuako: Na kwa taucoko o kerevia se masulakinia, vabaujia o na rewajia ena lemu ga.
25
Ni ovo tucake mo masu, vosojidru o rau o burajidru, me rewa ni vosojiko muni ke o tamamu mai lomalagi.
26
Ia kodaki o tasi vivosoji, e na tasi vosojiko tale ga o tamamu mai lomalagi.
27
Ni ru la mai i Jeruisalemi, e a la o Jisu i were ni lotu, na bete levu, na vunivola qai nidru na qase a ru la vua.
28
A ru kwaya vua, ''Na kaikai cava o vavea rewa ke na cakacaka ikwe, o cei e solia vuwako na kaikai mo vaveya ke?"
29
Qai kwaya o jisu, "Qu na tarogiko mutou ena kia na taro, Mutu kwaya mai, a qu na qai kwaya yaji vuwako mutou na kaikai cava.
30
Na leya vi vavitaisotaki o Joni e mai lomalagi se mai vua na tamata? mutu saumia mai."
31
A ru vi kwaya yaki nia vai nidru,a ru kwaya, ''Kodaki du kwaya, Mai lomalagi,' ena kwa, 'Na cava mutu tasi vabaujia ke?'
32
Kodaki du kwaya, 'Mai vua na tamata' ,....'' O rau e ru mataku cidru na tamata ni ru kilajia o Joni na parofita.
33
A ru qai saumia vua o Jisu, ''Madu tasi kilajia,'' qai kwa o Jisu, ''O au talega qu na tasi kwaya vuwako mutou o cei na leya kaikai qu vaveya rewa ke.''