1
E deinia o Jisu na vanua e nokoto ke, qai la i na vanua va Jutia voleka i na uciwai na Joritani, a ru qai la tale mai vua na tamata;Ia me kodaki ga na la i varau, e vavulicidru no ga
2
A ru qai lamai na Farisi a ru vatarogidru, e dodonu na teigwane me deinia na yalewa?
3
A qai saumia;''Na cava e kwa vuako mutou o Mosese?''
4
A ru qai kwaya, ''o Mosese e vataraia na teigwane me volaia e kia na i vola ni visere me solia vua, qai kwa me la.
5
''Iqoi e balejia ga na kaikai mutu yalo e volaia ke na lawa iqoi''e kwa o Jisu.
6
Mai na i vatekivu ni vibuli,' Na Kalou a bulidru vata na yalewa qai nia na tegwane.''
7
E na vuku ni kwa i kwe na teigwane e na biujia na la momo vata na lea nene e na kabijia na lea yalewa,
8
mai na rua e na vo kia ga na tamata.
9
O kia igi na vo vaucia vata na Kalou e na tasi kia na tamata e na serekia.
10
Na gauna eru vo no ke i were na jisaiveli a ru tarogia tale balejia na kwa ikwe.
11
A qai kwa vuadru, ''O kia e deinia na lea yalewa me la i no qai nia tale e kia na yalewa, e na vo dau yalewa
12
Kodaki e ru vo sere na lea teigwane me la i vamau takinia e kia, igi e na vo dau tagane o kia,
13
Gauna a ru meidru mai ke na i luve ni yalivua balejia me dereidru o rau na jisaiveli a ru vunauci jidru.
14
Ia na gauna e kilajia o Jisu, e oca qai kwa vuadru,''Mutu biu jidru na i luve me ru lamai vuako au, mutu kua ni taro vidru ni matanitu ni Kalou e na ledru o rau na i luve yalai.''
15
Qu kwa djina vuako mutou.''O keya e na tasi ciqomia na matanitu ni Kalou, me kodaki na i luve lailai ikwe e na tasi unu i na matanitu ni Kalou.
16
"E qai dereidru na i luve e lima qai vakalougatataki nidru.
17
Ni vo tekivu tale na leya taubale i calevu e kia na tagwane e wavu yaji qai jikituru e mata qai kerevia''Vavuvuli oka na cava mequ na vavea mequ na rewajia ke na cola tawa mudu?''
18
O Jisu qai saumia ''Okwa mequ oka e na vuku ni cava?e tasi kia e oka, ia na Kalou takia ga
19
''O vo kilajia na i vunau ;kua ni laba, mo kua ni vidriva, mo kua ni driva, mo kua ni beitakinia na kwai lemu, mo kua ni dau dereia vailoa na kwa, mo kua ni kocokoco, mo varokorokotakinidru na lemu momo vata na lemu nene.''
20
Na teigwane e kwa vua ''Qasenivuli, na kwa taucoko iqoi qu vo vavea mai ni qu si luve.
21
O Jisu e tolavia qai lomania. Qai kwa vua, ''E kia na kwa e si jikai vuako. Mo volitakinia taucoko na kwa e no tu vuako mo solia vuadru na dravudravua, o na qai vaiyau mai lomalagi. Ia, mo qai la mai mo tekuciko au.
22
E mata rarawa e na vuku ni tukutuku i gi, e gole rarawa dei balejia ni levu na kwa e taukei jia.
23
E vitolayaki o Jisu qai kwa vuadru na lea jisaiveli''E dreidrei sara ga vuadru na vutuniyau me ru unu i na matanitu va lomalagi;
24
Na jisaiveli e karacidru i na leya i tukutuku. Qai kwa o Jisu vuadru, ''Railuve, e dredrei soko va cava na kea lai unuvi na matanitu va lomalagi.
25
E rewarewa vua na Kameli me unuvia na qwara ni cula, ia e dreidrei vua na e cola vutuniyau me rewajia na matanitu ni Kalou.''
26
E ru kurabui valevu e ru kwa vai nidru,''O cei e na vacolai rewa?''
27
O Jisu a tolavidru a qai kwa, ''Na kwa i kwe e dredrei vua na tamata, ia e rewarewa takia ga vua na Kalou.''
28
O Pita qai kwa vua, ''Tolavia, ma du vo dania na kwa tucoko ma du vo tekuciko.''
29
me denia ledru were o tukaya o gwanea lea nene o tamaya na lea vanua me balejiko au vata qai nia na lequ tata,
30
me na tasi saumi e na rewajia e yadrau i na e cola i kwe na vi were se na vitacini se la nene se nidru na i luve se na lemu vanua, qai nia na vi vaburaburataki, ia mai bere, na cola tawamudu.
31
Ia e levu o rau na simata e ru na bere, o rau na bere e ru na vo simata.''
32
E ru la no i calevu me ru lacake i Jerusalemi, o Jisu e simata taki nidru no, e karacidru e ru mataku o Jisu e medru vatutu na lewe jinarua a qai kwa o Jisu vuadru na kwa e na varau yaco vua.
33
E kwa o Jisu ''Tola, du vo lacake no i Jerusalemi, e na soli yaji na luve ni tamata vuwadru na bete levu vata na vu ni vola. A ru na lewai jia me mate a ru na qai solia vuwadru na kwai matanitu tani.
34
A ru varivarivacia, katasivijia,kuitatakinia, a ru vamateniya, ia ni oji e tolu na siga e na qai tucake tale mai na mate.''
35
A ru qai la mai vua o Jemesa, o Joni o tamadru o Sepete a ru kwa vua, maru kerekere mo vavea vuako maru na kwa maru kerevia.
36
A qai kwa vuadru ''Na cava muru oka jia me qu na vavea vuako muru?''
37
A ru kwa vua, ''Mo solia vuako maru me maru no i na lemu i uku uku, e kia mu lima i matau e kia tale mu lima i mawi.''
38
Qai saumia o Jisu vuwadru, ''Muru tasi kilajia na kwa muru kerevia, muru na rewajia me muru somu i na bilo qu somu ke, me muru vavitaiso talega i na vavitaiso qu na vavitaiso ke.''
39
A ru qai kwa vua, ''Maru rewajia.''O Jisu qai kwa vuadru muru na somu djina i na bilo qu somu ke, muru na vavitaiso talega i na vavitaiso ke.
40
Me kia me no i qu lima i matau se qu lima i mawi e tasi lequ me qu solia va vitalia.
41
Ni ru vo varogo na lewe jini e ru oca jidru o Jemesa qai nia o Joni.
42
E qai covidru mai o Jisu, a qai kwa vuadru, ''Me mutu kilajia ni ru na lewaidru na vi matanitu tani o rau e na la i kwai me ledru Turaga vitalia na ledru qwaqwa.
43
Ia e tasi kodaki vuako mutou, e na lemutu tamata o kia e viavia levu,
44
e na lemutu tamata e viavia Turaga.
45
E tasi la mai na i luve ni tamata me qwaravi, me dau vi qwaravi ga, me solia la colo me kedru i voli na e cola wara.
46
A ru vo yaco i Jeriko. Ia ni ru vo lesu tale o Jisu qai nidru ia jisaiveli i baji ni calevu e wawa tu ke o Patimeo na mataboko me kerekere.
47
Ia na gauna e qai varogo ke ni o Jisu na kwai Nasareci a vo tekivu me kula qai kwa, ''I Jisu o luvea o Tevita, mo lomaniko au;"
48
A ru levu a ru vunauci jia nolo.A qai coco tagitagi valevu ga o kia,"Jisu o luvea o Tevita, lomaniko au re."
49
Qai tu vakia o Jisu qai kwa e la i covi mai.A ru qai covia na e cola mataboko, "a ru kwa vua mo vacegu,mo tu cake e vo coviko mai o kea".
50
A qai tucake denia la i taboi, a qai la vo Jisu.
51
Qai kwa o Jisu vua,"Na cava o okajia me qu vavea vuako?" A qai kwa na e cola mataboko,"Isa Turaga me qu tola rewa."
52
A qai kwa o Jisu vua, "Mo la ga.E vo vacola niko na lemu vabaujia."A vo tola oka sara o kia, a vo tekucia tale ga o Jisu.