¹ ''Ni songo litsha mbilu dzanu dzi tshi dinalea. Fulufhelani kha Mudzimu, ni fulufhele na kha nne. ² Nndunni ya khotsi yanga huna makara manzhi. Arali zwo vha zwi songo ralo, ndo vha ndi tshi ḓo vha ndo ni vhudza, zwino ndi khou ya u yo lugisa bulege yanu. ³ Arali nda ṱuwa nda yo lugusa bulege yanu, ndi ḓo ḓa ambe nda ni ṱanganedza nne mune, u itela uri hune nda vha hone na inwi ni vhe hone. ⁴ Ni a i ḓivha nḓila ya hune nda kho ya. ⁵ ''Thomasi a ri kha Yeso,'' Murena a ri ḓivhi hune vha kho uya; ndila ri nga i ḓivha hani?'' ⁶ Yeso a ri khae, '' Ndi nne nḓila, ngoho, na vhutshilo; a huna a nga ḓa ha khotsi arali a songo dzhena nga nne. ⁷ Arali no vha ni tshi nnḓivha, no vha ni tshi ḓo ḓivha na khotsi yanga. Hone u bva zwino ni vho mu ḓivha na hone no no mu vhona.'' ⁸ Filipi a ri kha Yeso, ''Murena, kha vha ri sumbedze khotsi, ndi hone zwi tshi do vha zwo eḓana kha rine. ⁹ Yeso a ri khae,''Ndo vha ndi na inwi zwa tshifhinga tshilapfu, na zwino a ni athu u nnḓivha, Filipi? O vhonaho nne o vhona na vhone khotsi. Ndi ngani u tshi ri, 'Ri sumbedze khotsi'? ¹⁰ Kani inwi a ni tendi uri nne ndi kha khotsina khotsi vha kha nne? Ma ipfi ane nda ni vhudza a thi a ambi a tshi kha nne mune, fhedzi khotsi vha dzula kha nne vha tshi ita mishumo yavho. ¹¹ Tendani uri nne ndi kha khotsi, na khotsi vha kha nne, kana uri tendani nga u vhona yone mishumo. ¹² Ngoho, ngoho, ndi ri kha inwi, ane a tenda kha nne u ḓo ita mishumo ine nda ita , na hone u ḓo ita mishumo ifhiraho iyi nga uri nne ndi khou ya ha khotsi. ¹³ Tshinwe na tshinwe tshine na humbela nga dzina langa, ndi ḓo ita uri khotsi vha hudzwe kha Murwa. ¹⁴ Arali na humbela tshinwe na tshinwe nga dzina langa, ndi ḓo ita. ¹⁵ Arali ni tshi mpfuna, ni ḓo ḽondota milayo yanga, ¹⁶ na hone ndi ḓo rabela kha khotsi, vha ḓo ni nea Mutiki munwe ane a ḓo vha na inwi u swikela lini na lini- ¹⁷ Muya wa ngoho. Shango a li koni u mu tanganedza nag uri a li mu vhoni na u mu ḓivha. Fhedzi inwi ni a mu divha, ngauri u dzula na inwi na uri u ḓo vha a kha inwi. ¹⁸ Ndi nga si ni tutsheli nda ni sia ni dzitsiwana; ndi ḓo ḓa kha inwi. ¹⁹ Zwa tshifhinganyana shango a li tsha ḓo mmbona, fhedzi inwi ni ḓo mmbona. Ngauri ndi tshi tshila, na inwi ni ḓo tshilavho. ²⁰ Nga ḓuvha lenele ni ḓo ḓivha uri nne ndi kha khotsi yanga, na uri inwi ni kha nne, na nne ndi kha inwi. ²¹ Ane a vha na milayo yanga a i ḽondota ndi ene ane a mpfuna, na nne a mpfuna u ḓo funiwavho nga khotsi yanga, na nne ndi ḓo mufuna nda ḓi sumbedza kha ene.'' ²² Yudasi( e si Iskarioti) a ri kha Yeso, ''Murena, ndi ngani ni tshi ḓo ḓi sumbedza kha rine ni sa ḓi sumbedzi kha shango?'' ²³ Yeso a fhindula a ri khae, ''Arali munwe a tshi mpfuna, u ḓo ḽondota ipfi langa. Khotsi yanga vha ḓo mufuna, na hone ri ḓo ḓa kha ene ra ita na mudi washu kha ene. ²⁴ Ane a sa mpfune ha londoti ma ipfianga. Ipfi li ne na li pfa a li bvi kha ene fhedzi li khou bva kha khotsi vho nrumaho. ²⁵ Ndo amba izwi zwithu kha inwi, ndi tshi khou dzula na inwi. ²⁶ Zwino, uyo Mutiki- ene Muya Mukhethwa ane Khotsi vha ḓo mu ruma nga dzina langa- u ḓo ni dededza zwothe a ni humbudza zwothe zwe nne nda ni vhudza. ²⁷ Ndi khou sia mulalo, ndi khou ni nea mulalo wanga. A thi ni nei wone vhunga shango li tshi nea. Ni songo li tsha mbilu dzanu dzi tshi dinalea, na hone ni songo ofha. ²⁸ No zwi pfa uri ndo ri kha inwi, 'Ndi khou ṱuwa hone ndi ḓo vhuya kha inwi.' Arali no vha ni tshi mpfuna, no vha ni tshi ḓo takala uri ndi khou ya ha Khotsi, ngauri vhone Khotsi vha fhira nne. ²⁹ Zwino ndo ni vhudza zwi sa athu itea uri, musi zwi tshi itea, ni ḓo kona u mpfulufhela. ³⁰ Ndi nga si tsha kona u amba zwinzhi na inwi, ngauri muvhusi wa lino shango u khou ḓa. Ene ha na maanḓa kha nne, ³¹ fhedzi hone shango li tea u ḓivha uri nne ndi funa Khotsi, ndi ita zwenezwo zwe Khotsi vha nndaya. A ri takuweni ri ṱuwe fhano.''