¹ Ndi khwengweledza vhahulwane vhukati hanu, nne, muṅwe wa vhahulwane na ṱhanzi ya u tambula ha Khristu, na hone ndi muṅwe wa vhano no kovhelwa vhugala vhuno ḓo bveledzwa: ² Ivhani vhalisa vhasambi la Mudzimu li ri nga fhasi hanu, ni tshi shuma sa vha ṱhogomeli - husi uri no tea, fhedzi ngauri ni afuna, ngauri Mudzimu vha toḓa ni tshi shumela - hu singa ha u ṱoḓa tshelede fhedzi nga lufuno. ³ Ni songo ita sa vho murena nṱha ha avho vho iswa fhasi hanu. Fhedzi, ivhani tsumbo kha sambi. ⁴ Huno musi Mulisa Muhulu a tshi dzumbululwa, ni ḓo fhiwa khare isafheli ya vhugala. ⁵ Nga nḓila nthihi, inwi vhatshitukuni, ḓi nekedzeni kha vhahulwane. Noṱhe, ḓi ṱukufhadzeni ni shumelane. Ngauri Mudzimu a vha tendelani na vha ḓi hudzaho, fhedzi u hulisa vha ḓi ṱukufhadzaho. ⁶ Ngauralo ḓi ṱukufhadzeni nga fhasi ha tshanḓa tsha mannḓa tsha Mudzimu u itela uri ani hudze nga tshifhinga tsho fanelaho. ⁷ Latelani dzi mbilaelo dzanu kha ene ngauri u ni vhilaelela. ⁸ Dzivhuluwani, ni fhaṱuwe. Swina lanu diabolo u khou mona mona sa ndau i vhombaho, u khou ṱoḓa wa u midza. ⁹ Pikisanani naye. Khwaṱhani lutendoni lwanu. Ni a ḓivha uri vhushaka vhanu shangoni ndi u konḓelela u tambula hu fananaho. ¹⁰ Na thoma na tambula zwa tshifhinganyana, Mudzimu wa tshilidzi tshoṱhe, o nivhidzelaho kha vhugala hawe kha Khristu, u ḓo ni ṱanzwa, a ni tenda, a nu khwaṱhisa, a ni thomisa. ¹¹ Uvhusa hoṱhe kha huvhe khae na lini na lini.Ameni. ¹² Ndi dzhiya Silivanasi sa mukomana a fulufhedzeyaho, na hone ndoni nwalela nga haye zwi sigati. Ndi khou ni hudza ndi tshi nea vhuṱanzi vha uri zwoṱhe zwe nda nwala ndi ngoho ya tshilidzi tsha Mudzimu.Imani khatsho. ¹³ Mufumakadzi are Babiloni, o nangiwaho khathihi na inwi, u kho ni lumedza. ¹⁴ Ni lumelisane noṱhe nga khisi ya lufuno. Mulalo kha u vhe na vhoinwi noṱhe ni re kha Khristu.