¹ Loleni!Ubushiku bwakwa Yahweh bukoisa ilyo abakumisansa bakoakanikamo pakati kenu. ² Eco nkalonganika inko shonse pa bena Yerusalemu ku bulwi kabilio no musumba ukekatwa. Inganda shabo shikasaswa kabilim nabana mayo bakalalwa mukupatikishiwa. Citika wa musumba ukaya kuli bu nkole, lelo abantu abakashalapo tabakaputulweko ku musumba. ³ Lelo Yahweh ukuya kulwa inkondo nesho imisumba ngefyo wali kulwa inkondo pa bushiku bwa bulwi. ⁴ Pali bulya bushiku amakasa yakwe yakemanina pa lupili lwa miolife, lulya lwa lungatana na Yerusalemu ku kabanga. Ulupili lwa miolife lukakanishiwamo bmuli citika pakati ka kabanga na masamba pa mukonko uukalamba kabili na citika wa lupili ukabwelelela kunuma ukulola ku kukapinda ka ku kuso kabili nsa citika umbi ukalola ku kapinda dka kulyo. ⁵ Elyo mukafulumukila ku mbali ya mukonkopakati ka mpili shakwa eYahweh, ico umukonko uyo pakati ka mpili ukafika ku Azel. Mukafulumuka kubatiu nifilya mwafulumukile makumba mu nshita yakwa Uzziah, imfumu yaba Yuda. Elyo Yahweh Lesa wandi ukesa na bonse abakushila bakaba nao. ⁶ Pali bulya bushiku takwakabe ulubuto, ukutalala nangu icikutumina iyo. ⁷ Pali bulya bushiku, ubushiku ubwakwishibikwafye kuli Yahweh, takwakabepo akasuba nangu ubushiku, ico icungulo ikaba ni nshita ya lubuto. ⁸ Pali bulya bushiku amenshi ya mweo yakafuma mu Yerusalemu. Citika wa menshi ukaya kuli bemba wa ku masamba kabili umbi citika ukaya kuli bemba waku kabanga mu lusiuba na mu maisa. ⁹ Yahweh ukuba ni mfumu pe sonde lyonse. pali bulya bushiku ku kaba Yahweh, Lesa fye eka, kabili ne shina lyakwe fye eka. ¹⁰ Incende yonse ikaba kubati ni Arabah, ukufuma ku Geba ukushinta ku Rimmon ku kapinda ka ku kulyo ku Yerusalemu. Yerusalemu ukakonkanishiwapo ukusansama no kushala pa ncende yakwe, ukufuma ku mpongolom ya Benjamini ukuya yali, ukushinta mu mupeto wa mpongolo, no kufuma mu lupungu lwa Hananel ukuya napo balekanina imfumu umwangashi. ¹¹ Abantu bakekala mu Yerusalemu kabili tamwakabe ubonaushi ubwakupwililika ukufuma kuli Yahweh pali bo. Yerusalemu ukekala umutelelwe. ¹² Ici cikaba cikuko ico Yahweh ukasanshilako bonse abantu abalwile inkondo na Yerusalemu: Imibili yabo yabo ikabola nelyo fye baliminine na makasa yabo. Amenso yabo yakabola mu fitongo fya yako kabili ne ndimi shabo shikabola mutunwa twabo. ¹³ Pali bulya bushiku umwenso ukalamba ukufuma kuli Yahweh ukaba pali bo. Cila umo ukafutumbatapo ukuboko kwa munankwe, kabili no kuboko kwa umo kukemina pa kuboko kwa mubiye . ¹⁴ Yuda nao ukalwa na Yerusalemu. Bakakolonganika ifyuma fya nko shonse elyo ne fyakufwala fya kuwama ifyakufulisha. ¹⁵ Ici icikuko cokaba napali bakabalwe, imfalashi, ingamila, na ba mpunda, kabili ne nama shonse ishikala muli isho inkambi shikacula ku cikuko cimo cine. ¹⁶ Elo cikacitika icakuti abo bonse abakashalamo mu nko isho shalwishishe Yerusalemu bakalakuya pamulu ukufuma umwaka no mwaka mukushishimuna imfumu, Yahweh wamilalo, no kusunga ishikunkulu ya nsakwe. ¹⁷ Cikacitika ukuti umfwa umo ukufuma mu nko shonse isha pe sonde tele pamulu ku Yerusalemu mukushinshimuna imfumu, Yahweh wamilalo, ninshi Yahweh tawakalete imfula pali bo. ¹⁸ Umfwa inko ya Egypti taile pa mulu, ninshi tabakapokelele imfula. Icikuko ukufuma kuli Yahweh cikasansa inko isho ishishakaye pa mulu mu kusunga ishikunkulu ya nsakwe. ¹⁹ Uku kukaba ku kandwa kwa bena Egypti no kukandwa kwa nko shonse isho ishi shakalekuya pa mulu mukusunga inshikunkulu ya nsakwe. ²⁰ Lelo pali bulya bushiku, inyengele sha bakabalwe shikalanda ukuti, ''Cipatwileniko Yahweh,'' kabilim no tubeseni mu nganda yakwa Yahweh tukaba kubati finweno pa ntanshi ya bulambo. ²¹ Ico impoto yonse mu Yerusalemu namu Yuda ikapatwilako Yahweh wa milalo kabili na onse uuleta icelambo ukalilamo no kwipikilamo. Pali bulya bushiku bana makwebo tabakatale abasangwa mu nganda yakwa Yahweh wa milalo.