¹ Nâyx đomc dlayc quaix, yaz mangc phătc cah zâyc gungh woa Tênb-toongh Côkz naih ah tungđ jengh coib goib ănz woa, yaz numđ zetx hâyđ stingb cayx năngz blungh blex stingb nâyx bux êu yaz coong; "mâyh staox nây taih yaz nuz phunz mâyh mangc đangz noib six naih laiv hungđ seetb taih. ² Lênh dlih tuz Singx-lingh canyz tongf yaz, mangc phătc woa Tênb-toongh nyăngz tync, naih ah tauh stâyv woa. ³ Stâyv woa Hungh tync woax tauh cayx năngđ njauz pyây pec nzomz cloon pyaoc pyênz, yâuc naih năngđ côngz cangx quynb woa Hungh tync cah zâyc, woax cuyb côngz cangx six mengz ymz đăngb. ⁴ Woa Hungh tync naih nhlic săpc stâyx nomz tăngx quib woa cah synh nzêux nzuf. cloon nhlic săpc stâyx lanh munh côx zuz Gwuyz pec stâyv woa, nănh stiz pyây yâuc đongx banyh tênb sămz mouc stâyv woa eng nzac Hungh tync cah đangz ninyh. ⁵ Yămz woa Hungh tync yâuc naih bungh bitc tâuf nzăpc-nzăpc têx, yâuc naih bah congz pletz clinyb clinyb têx, woa Hungh tync cah đangc, woa nhlic zâyz toongz tăng Tênb-Hungh nyăngz nhlic nomz mengc hoonh seetb taih sac woa toongz. ⁶ Yămz woa Hungh tync cah đangc mangc phătc năngđ naih ah nomz coiđ womz cayx năngđ munh sây canyx đăngb zengh, yâuc phătc naih pyâyz tauh stengb hauđ, cah đangz cah đangc naih mâyc pong nzuf. ⁷ Tah yeetx tauh cayx năngđ njanh zongh, tah nyâyc tauh cayx năngđ ngoongh wăngh câu, tah stamz tauh mynb cayx năngđ bamh munh, tah stâyx tauh cayx năngđ pungb wăngh đayv. ⁸ Pyâyz tauh stengb hauđ, muif tauh naih joz lepz đatz, đatz cungh gwoaic, đatz cah njaf, yâuc naih mâyc pong nzuf, nănh stiz ayx Nzungz hamv quaix noib quaix munf max sec, nănh stiz hamv coong, “Đăngb zengh, đăngb zengh, lemđ quaix nyăngz Zâu Tênb-Hungh, “six lôx noib yămz, nâyx zanyf yămz, đangz phanx năngx taih woax tauh. ⁹ Laiv zanyf, pyâyz tauh stengb hauđ sâuf hâuđ yâuc tanv stâyv quâyx săngh tauv banc stâyv banc đaic woax tauh. ¹⁰ Woa nhlic săpc stâyx lanh munh côx songđ quâyc nzac paix, săngh tauv banc stâyv banc đaic woax tauh Hungh, nănh stiz mutx (banyh tênb mouc) tăpx ănz woax tauh Hungh cah đangc, yâuc ayx Nzungz tanv coong, ¹¹ “Zâu six buz nyăngz Tênb-Hungh! Mâyh jic tuz buz tanv mâyh, yâuc zanyb mâyh, mâyh payh tuz stipx lanyf zâyx muif hungđ seetb woax tauh, zuy njênf âyz mâyh nyăngz zux ix zâyx seetb taih yâuc tuz săngh yămz nây."