¹ Naih pitc noiđ, Zâu Yê-su stâuđ woa Gên-nê-sa-retv Glangh synđ, Munh đungx bengx ninyh Zâu Yê-su woa, oix Mungv nănh lănv Tênb-Hungh nyăngz woac.” ² Zâu Yê-su phătc iz saz Đangđ zapz woa Glangh synh, Six ayx byauf Munh seetb Đangđ ninyh đuv leđ. ³ Nănh nzac Si-môn nyăngz Đangđ ninyh, Zâu Yê-su songđ êu nănh toiv Đangđ ninyh gâyh wăngx synh ah tix, Nănh songđ stâyv woa Đangđ njaf nzaox songx Munh. ⁴ Nzaox pac, Nănh bux Si-môn coong, “Tah mâyh phanv tâuc Đangđ quaix Đangđ phanx womz đôz ninyh pungx leđ zoz byauf Geh! ⁵ Si-môn Tauz, “stênx-stengb lex! Buz ayx săngh munf conv tuz caux stâuv, max tuz laiv tauh byauf, Six nâyx zanyf yaz âyz mâyh nyăngz woac pungx leđ jađ!” ⁶ Nănh stiz pungx Leđ nzac ninyh, sâub seetb taih, Tuz byauf đungx nzongf! ayx tuz woax phunb leđ cayx caiđ byaif. ⁷ Si-môn pătc puf êu nănh nyăngz ayx byauf toic, Nzâyz woax saz Đangđ taih stăngc nănh zoz tuz iz saz Đangđ byauf pong nzuf, ayx tuz Đangđ cayx ta sêmh.” ⁸ Si-môn Phê-e-rơ songđ quâyc nzac Zâu Yê-su nyăngz cah đangc coong, “Zâu lex, Jođ byeenv gâyh yaz năngx côz, wâyc zuc yaz six stoif-Munh.” ⁹ Nănh cloon woax đomc ayx byauf toic, Phătc woax coongh byauf đungx nzongf, Nănh stiz seenz phătc njingc.” ¹⁰ Si-môn cloon Sê-bê-đi, nyăngz iz tauh toonz, Gia-cơ, cloon giăng, Nănh stiz songc congz ayx nyăngz munh yâuc phătc njingc. ¹¹ Nănh stiz nzâyz Đangđ staox wăngx synh ninyh, Quanyf ănz woa bix ninyh lêpc Nănh.” ¹² Naih ah hâyđ Zâu yămz nomz stengv, Naih ah lanh munh, Săngh maoh pongz gumc pong stynb nzuf, Nănh phătc Zâu Yê-u songđ puđ nzac Nib ninyh jođ, Tah lex, Six coong mâyh năngđ oix têx, Mâyh six hayh zany tuz yaz nyăngz gumc gongx.” ¹³ Zâu Yê-su stungđ puf laoz woax lanh munh yâuc coong, “Yaz oix lêđ, mâyh gongx gôh! woax tauh munh nyăngz gumc lênh dlih gongx nzuf.” ¹⁴ Nzof Zâu Yê-su Zăpx nănh, “Max cuyb lănv bux toix laiv tauh pâyz nâyx đomc dlayc, Mâyh ninyh zac stayb munh woa, Phunz nănh stiz zah mangc nzuf, Bix âyz Mô-sê nyăngz Gâyf, nzâyz stanyb lanyh ninyh stav mâyh nyăngz wâyx, ayx zanyx manyf phunz munh pâyz tuz mâyh gumc gongx.” ¹⁵ Six nănh nyăngz manyh yangh zâyf lunc năngx quăng têx, Munh đungx taih mungv nănh lănv, yâuc tuz Zany gongx nănh stiz nyăngz gumc. ¹⁶ Six Zâu Yê-su lauf hayh ninyh lanyc nyăngz tync clo-Zâu. ¹⁷ Naih ah noib Zâu Yê-su nzaox munh, yâuc naih cloon ah đomc Pha-li-si Munh, yâuc naih cloon nzaox gâyf stênzx-stengb stâyv woa, Nănh stiz yămz Ga-li-lê Stâyz-phangz nyăngz muif tyuh njăngv, yâuc yămz Yu-đê stâyz-phangz, yâuc yămz Yê-lu-sa-lem Stengv taih, Tênb-Hungh phunz quyênf nănh hayh zany tuz gumc gongx.” ¹⁸ Woax zanyf naih batz lanh munh, Nongc siu zengz ah tauh gumc quac munh taih, oix nzâyz ninyh ănz Zâu Yê-su nyăngz cah đangc. ¹⁹ Six munh đungx nzongf, Ninyh max tauv tuz Zâu Yê-su woa, Nănh stiz lêuz staox woa pyau tungx đany ninyh, ngwoai plongx ah nomz cotb, zoz gumc quac munh ănz siu Pungx nzac songx munh mungh tongx congv, Toix Zâu Yê-su nyăngz cah đangc.” ²⁰ Zâu Yê-su Phătc Nănh stiz nyăngz seenz stymz zeen tăng laiv gongx, “Nănh songđ coong, “Yâuf lex, Mâyh nyăngz stoif tuz quanyf nzuf nzof gôh.” ²¹ Woax đomc nzaox gâyf stênx-Stengb cloon Pha-li-si munh yămz nyâuđ nyâyh, lâyc tauh ya munh six mănv bix nzađ coong pamf Tênb-Hungh nâyv? seetb nzuf Tênb-Hungh max naih laiv tauh hayh quanyf tuz munh nyăngz stoif Nef.” ²² Six Zâu Yê-su pâyz tuz nănh stiz ta zux ix, nănh songđ coong, “Săngh laix nyâuh nyăngz nyâuđ bix nyâyh ayx năngđ nâyv? ²³ Nây iz Zâux woac toix zâux coong năngx hâyđ têx? Cayx coong mâyh nyăngz stoif tuz quanyf nzof gôh naz mah six coong, “nyoongz quef yăngh jau muf gôh. ²⁴ Six yaz oix Phunz nyâuh pâyz tuz bamh munh nyăngz toonz, Yămz nây gungh-đi naih quyênf quanyf munh nyăngz stoif. Zâu Yê-su songđ coong bux woax Tauh gumc quac Munh, “nyoongz quef nzâyz mâyh nyăngz Siu muf pyau gôh.” ²⁵ Woax lanh munh songđ yămz songx munh nyăngz cah đangc, nyoongz quef nzâyz nănh phâyx woax phunb Siu cun tanv Tênb-Hungh cun phunb đangz muf byau. ²⁶ Songx munh phătc njingc songđ tanv Tênb-Hungh, “Nănh stiz cumh nzav yâuc coong, “Nâyx noib buz seenz tuz phătc jix-caox njingc nyăngz dlayc gôh. ²⁷ Zâu Yê-su seetb jau ninyh songđ phătc ah lanh munh stăngc Lô-ma Hungh sâub-sôiv nyăngz munh, Bux hipđ ayx Lê-Vi stâyv woa sâub-sôiv tync.” ²⁸ Lê-vi songđ nyoongz quef quanyf nzuf muif-hungđ ănz woa bix lêpc Zâu Yê-su ninyh. ²⁹ Lê-vi songđ yămz nănh nyăngz pyau, Bênc ah tonf năngv lub hâuđ Zâu Yê-su, Nhlync woax tonf năngv nyăngz zeb munh yâuc naih cloon stăngc Lô-ma Hungh sâub Sôiv nyăngz munh, yâuc năngx naih cloon munh đungx.” ³⁰ Naih ah đomc Pha-li-si Munh cloon nănh stiz nyăngz nzaox Gâyf Stênx-stengb, Yônx Zâu Yê-su nyăngz stâyb-sây buz, Nănh stiz coong, “nyâuh wâyc săngh laix bix cloon sâub-sôiv nyăngz munh, cloon naih Stoif nyăngz munh songc hynh Nhlync hopb nâyv? ³¹ Zâu Yê-su tauz, “Munh zoongx munh max sămv zuc lov mađ stangc, Cungb săngh gumc munh nzăngđ sămv zuc lov mađ stangc lêđ đêh. ³² Yaz max zâyf taih êu munh gongx munh, Six yaz taih êu naih Stoif nyăngz munh oix nongc nănh stiz coi nyâuđ quanyf Stoif.” ³³ Nănh stiz naic Zâu Yê-su, “Giăng nyăngz stâyb-sây buz njynh leox njif Nhlync clo-Zâu, Pha-li-si Munh lauf ayx năngđ ha, Six Stênx-Stengb nyăngz stâyb-sây, Cungb Nhlync hopb.” ³⁴ Zâu Yê-su tauz, “Săngb langh năngx yămz coonx hynh woax zanyf, ayx laix hayh êu săngb langh nyăngz zeb munh njif max Nhlync? ³⁵ Six tauv noib săngb langh zuc ênz ninyh woax zanyf, Zeb munh nzăngđ zuc njif Nhlync hopb. ³⁶ Nănh năngx coong nâyx tyuh woac pây, max naih laiv tauh nongc săngb buyx Va lôx gwuyz, ayx năngđ naz six ayx buyx byaif ayx huđ, ayx ha lôx gwuyz yâuc max tăngz tuz săngb buyx. ³⁷ Yâuc max naih laiv tauh taox săngb tyu ănz lôx đupx tic, ayx ha săngb tyu zungx siv bây đupx tic zanyz tyu seetb nzuf. tic yâuc quaiz. ³⁸ Săngb tyu six zuc ănz săngb đupx tic. ³⁹ Max naih laiv tauh, hopb lôx tyu bix max naih săngb tyu hopb, Bix tanv lôx Tyu năngx cuđ têx săngb tyu nef.”