¹ Ti-bê-rơ, Sê-sa ayx Hungh cun săpc ngâuf nyăngv woax nyăngv, Bôn-sơ-Phi-latv ayx tôngz đôkv quanz cun Yu-đê Stâyz-Phangz, Hê-lôtv Hungh cun Ga-li-lê Stâyz-phangz, Hê-lôtv nyăngz yâuf Phi-lipv, ayx Hungh Cun I-tu-li, stâyz-phangz, Cloon Za-cô-ni; stâyz-Phangz Ly-sa-ni cun A-bi-len stâyz-Phangz. ² An-na-nê, cloon Cai-pha, ayx stayb munh woax zanyf, Sê-ca-li-ya nyăngz toonz. Giăng yămz stâyz-phangz blănf stipx Tênb-Hungh bux nyăngz woac. ³ Nănh ninyh nzêux Jo-đen-wăngx stâyz Zâuv lănv gâyf bux munh, êu munh six zuc coi nyâuđ nhlimc stoif ayx quaix womz nyăngz gâyf nzăngđ tuz quanyf stoif. ⁴ Nây six năngđ Ê-sai Stênz-stengb ja coong, “naih ah lanh munh yămz woa stâyx-phangz blănf hamv coong, “six zuc bênc Zâu nyăngz jau, Nănh nyăngz jau six zuc tynh năngx yeenh.” ⁵ Muif nomz nib lox six zuc tynh năngx pong, zoongz njăngb zoongz hav, six zuc ayx năngx pengh. jau ngokx jau ngau, six zuc coib năngx zac, jau max yeenh six zuc tynh năngx yeenv. ⁶ Muif tauh munh six tuz pâyz Tênb-Hungh nyăngz Njâuv Pôz.” ( Ê-Sai 40:3-5 ) ⁷ Munh đungx săngh peob, săngh peob têx taih lov Giăng, oix nongc nănh stăngc nănh stiz ayx quaix womz nyăngz Gâyf. Giăng coong ănz woax đomc munh, nyâuh lâyb đomc nangz đokc nyăngz phănc lex! Toix laiv tauh bux nyâuh tyuv tuz đutb Tênb-Hungh tingc Stoif nyăngz noib? ⁸ Nyâuh ayx nyăngz dlayc, six zuc phunz nyâuh coi nyâuđ nhlimc stoif. yâuc max cuyb nzeetx blangc coong, “Buz naih Apv-ra-ham ayx buz nyăngz stongz zez tâuh nzof gôh, Six yaz bux nyâuh, Tênb-Hungh songđ hayh zoz njauz pyây pyênv pênx Apv-ra-ham nyăngz sây stunz. ⁹ Nâyx zanyf bênc săngh pâu ănz nây njăngx coonz zu, Toix laiv zâyz njăngx max săngh pyâu, Six zuc coix quanyf ănz tâuf pu.” ¹⁰ Songx munh naic Giăng, “Ha buz six cayx ayx laix? ¹¹ Giăng Tauz, “Toix laiv tauh naih iz byenđ Gwuyz, Six zuc njengx ah byenđ phunz woax đomc max naih, Toix tauh naih năngv caux Nhlync, six zuc tanđ phunz woax đomc max naih năngv nhlync nyăngz Munh. ¹² Naih đomc stăngc Lô-ma Hungh Sâub sôiv nyăngz munh lauf taih lov Giăng, oix ayx quaix womz nyăngz Gâyf, Nănh stiz naic, ha buz wec, cayx ayx laix?” ¹³ Giăng Tauz, Nyâuh năngx Gâyf sâub blătc woa gâyf quy đinyf, Sâub sôiv zax buc laiv six zuc sâub buc woa. ¹⁴ Woax đomc pengz lauf naic, ha buz six ayx laix? ha buz six cayx ayx lungđ? Giăng tauz, Nongx gâyf jaf munh nyăngz nyanh nongc, yâuc năngx gâyf ayx za zanyx jênx hoiđ Munh, Nyâuh nyăngz nyanh lav tuz buc laiv six zuc pong nyâuđ. ¹⁵ Songb munh laiv zanyf yâuc zu woax tauh Njâuv Zâu, Nănh stiz naic max pâyz Giăng Six zâyf Njâuv-Zâu max zâyf Gôh. ¹⁶ Giăng songđ lănv bux songx Munh, Yaz nongc womz stăngc nyâuh quaix Gâyf, six năngx naih ah tauh taih đangz yaz, Nănh naih quyênh naih lanyf Năngx lub têx yaz, Yaz njynh max payh tuz cumf nzac zay nănh nyăngz stub langb phunz nănh nef, Nănh nongc Singx-Llingh yâuc nongc tâuf stăngc nyâuh ayx quaix Gâyf. ¹⁷ Nănh nyăngz puf nzauf mung, oix vănc dlăngc nzuf bopc blauh tync, Sâuđ nănh nyăngz blauh ănz njămf, Zub blaof cloon njămc nyav, Nănh nongc stâyv quâyx max hayh tayc nyăngz tâuf pu. Stâyv quâyx max jac.” ¹⁸ Giăng năngx nongc đungx tyuh jau bux nănh stiz, yâuc lănv Cuđ jeenx phunz nănh stiz mungv.” ¹⁹ Six Giăng, cangđ Hê-lôtv, Six wâyc Hê-lôtv cănh nongc nănh yâuf nyăngz au, Hê-lô-đetc, Nănh ayx pamf đungx hungđ huđ dlayc. ²⁰ Taux woa Hê-lôtv zâyf ayx năngx huđ têx tymb! Songđ zoz Giăng nzâyz ninyh wănx ănz nzauh.” ²¹ Songx munh quaix womz nyăngz Gâyf nyăngz săngx huđ, Zâu Yê-su yâuc ninyh cloon nănh stiz ayx quaix womz nyăngz gâyf, Toix nănh clo-Zâu nyăngz săngx huđ yâuc Phătc Tênb-Toongh coib goib. ²² Singx-lingh nzac taih năngđ noc-bah côz nâyx yămz nănh nyăngz Stynb, Yâuc naih stingb yămz woa Gungh coong, “Mâyh six yaz stăngz nyăngz Sây, Yaz seenz numđ nyađ mâyh.” ²³ Zâu Yê-su quef coonz ayx cumh pâuz woax zanyf, Nănh nyăngz nyăngv tauh stamx săpc nyăngv, Munh yâuc zeen coong nănh six ayx Yô-sepv nyăngz toonz. Yô-sepv six Hê-li nyăngz sây. ²⁴ Hê-Li six Matv-tatv nyăngz sây. Matv-tatv six Lê-vi nyăngz sây. Li-vi six Mên-zi nyăngz sây. Mên-zi, six Gia-nê nyăngz sây. Gia-nê six Yô-sepv nyăngz sây. ²⁵ Yô-sepv six Ma-ta-thia nyăngz sây. Ma-ta-tia six A-môtv nyăngz sây. A-môtv six Na-hum nyăngz sây. Na-hum six Êkv-li nyăngz sây. Êkv-li six Na-gê nyăngz sây. ²⁶ Na-gê six ma-natv nyăngz sây. Ma-natv six Ma-ta-thia nyăngz sây. Ma-ta-thia six Sê-mê-in nyăngz sây. Sê-mê-in six Yô-sêkv nyăngz sây. Yô-sêkv six Yô-đa nyăngz sây. ²⁷ Yô-đa six Yô-a-nan nyăngz sây. Yô-a-nan six Sê-sa nyăngz sây. Sê-sa six Sô-lô-ba-bên nyăngz sây. Sô-lô-ba-bên six Sa-la-thi-ên nyăngz sây. Sa-la-thi-ên six Nê-li nyăngz sây. ²⁸ Nê-li six Mên-zi nyăngz sây. Mên-zi six A-đi nyăngz sây. A-đi six Cô-sam nyăngz sây. Cô-sam six Ên-ma-đan nyăngz sây. Ên-ma-đan six Ê-rơ nyăngz sây. ²⁹ Ê-rơ six Giô-sê nyăngz sây. Giô-sê six Ê-li-ê-sê nyăngz sây. Ê-li-ê-sê six Yô-rim nyăngz sây. Yô-rim six Ma-tatv nyăngz sây. Ma-tatv six Li-vi nyăngz sây. ³⁰ Li-vi six Si-mê-ôn nyăngz sây. Sê-mê-ôn six Yu-đa nyăngz sây. Yu-đa six Yô-sepv nyăngz sây. Yô-sepv six Yô-nam nyăngz sây. Yô-nam six Ê-li-ya-cim nyăngz sây. ³¹ Ê-li-ya-cim six Mê-lia nyăngz sây. Mê-lê six Mê-na nyăngz sây. Mê-na six Ma-ta-tha nyăngz sây. Ma-ta-tha Six Na-than nyăngz sây. Na-than six Đa-vitv nyăngz sây. ³² Đa-vitv six Rê-sê nyăngz sây. Rê-sê six ô-bêtc nyăngz sây. Ô-bêtc six Bô-ô nyăngz sây. Bô-ô six Sany-môn nyăngz sây. Sany-môn six Na-akv-son nyăngz sây. ³³ Na-akv-Son six A-mi-na-đapv nyăngz sây. A-mi-na-đapv six Atv-min nyăngz sây. Atv-min six A-rơ-ni nyăngz sây. A-rơ-ni six Phê-lê nyăngz sây. Phê-lê six Yu-đa nyăngz sây ³⁴ Yu-đa six Ya-côpv nyăngz sây. Ya-côpv six I-sakv nyăngz sây. I-sakv six Apv-ra-ham nyăngz sây. Apv-ra-ham six Thê-la nyăngz sây. Thê-la six Na-cô nyăngz sây. ³⁵ Na-cô six Sê-rukv nyăngz sây. Sê-rukv six Yê-hu nyăngz sây. Yê-hu six Bê-lekv nyăngz sây. Bê-lekv six Hê-be nyăngz sây. Hê-be six Sa-la nyăngz sây. ³⁶ Sa-la six Cai-Nam nyăngz sây. Cai-Nam six A-bakv-satv nyăngz sây. A-bakv-satv six Sêm nyăngz sây. Sêm six Nô-ya nyăngz sây. Nô-ya six La-mekv nyăngz sây. ³⁷ La-mekv six Mê-tu-sê-la nyăngz sây. Mê-tu-sê-la six Ê-nokv nyăngz sây. Ê-nokv six Ya-phêtv nyăngz Sây. Ya-phêtv six Ma-ha-la-lên nyăngz sây. Ma-ha-la-lên six Cê-nam nyăngz sây. ³⁸ Cê-nam six Ê-nokv nyăngz sây. Ê-nokv six Sêtv-nyăngz sây. Sêtv Six A-đam Nyăngz toonz. A-đam six Tênb-Hungh nyăngz toonz.