¹ A-ripv-ba Hungh bux Phao-lô, Nâyx zanyf mâyh tuz phepb lănv mâyh zay Stynđ nyăngz woac.” ² A-ripv-ba Hungh lex! Nâyx noib yaz nongc ayx mengc gongx tuz Stâuđ yămz mâyh nyăngz cah đangc lănv Yiu-thai Munh cooux yaz nâyx đomc dlayc.” ³ Wâyc zuc mâyh lauf pâyz tuz yox Yiu-thai Munh nyăngz gâyf zez, Yâuc pâyz tuz buz tinyh nzengz nyăngz jau, Six nâyx zanyf yaz jođ mâyh nongc noic mungv yaz lănv gôh.” ⁴ Muif lanh Yiu-thai Munh yâuc pâyz tuz yox yaz săngh yămz nây stâyv sangc, tăng quef coonz six săngh laix, Yaz stengb stâyv taih cănh yămz yaz nyăngz stâyz-phangz. blătc woa yămz Yê-lu-sa-lem Stengv năngđ laix.” ⁵ Nănh stiz pâyz yaz lauh nzof gôh, Six coong nănh stiz năngđ oix stăngc yaz ayx zanyx manyf coong yaz six ah tauh Pha-li-si Munh, Pha-li-si Munh six lif Mô-sê nyăngz Đoouc-lif gâyf, Cloon Yiu-thai Munh zeen nyăngz Jau. Năngx wăn têx pitc nyomx” ⁶ Nâyx noib yaz zuc yămz nây Stămđ Stoif six wâyc yaz, Naih ah nomz njih mungc tync Yămz woa Zâu Tênb-Hungh, oix ayx âyz pănh claof jex buz nyunc nyăngz woac.” ⁷ Buz săpc nyâyc stingx Yiu-thai Munh tinyh Songc ah nomz njinh mungc tync, đomz munf canyx bongc Tênb-Hungh, Hungh Pha lex! Yaz zuc Yiu-thai Munh cooux yaz six wâyc yaz coouv nâyx hungđ njih mungc năngđ nănh stiz nâyx.” ⁸ Wâyc săngh laix nyâuh Yiu-thai Munh bix max zeen coong munh Tayc, six Tênb-Hungh năngx săngh phunb stengb taih? ⁹ Lôx noib yaz songđ nyâyh oix lov jau ayx peo ănz Na-sa-letv Muôngf nyăngz Zâu Yê-su.” ¹⁰ Yaz yămz Yê-lu-sa-lem Stengv năngđ nâyx ayx, Stayb munh pyây phunz yaz naih lanyf ninyh zoz zeen Zâu nyăngz Munh nzâyz ninyh ănz nzauh, Nănh stiz zuc tayx yaz yâuc numđ nyađ Đôngh ix.” ¹¹ Yaz songđ ninyh tauv đungx nomz Huyb-toongh, ayx peo nănh coong Zâu Yê-su nyăngz bux, Yaz năngx ninyh tauv stâyz-zâuv côkz Sangc ayx peo ănz nănh stiz.” ¹² Naih ah hâyđ, Stayb Munh phunz yaz naih lanyf, Ninyh Đa-mekv Stengv.” ¹³ Buz jămc jau ninyh cox đămx noib nâyx, “Yaz phătc Gwăngz-eng tăng Gungh Syux nzac buz taih, Năngx Gwăngz têx bah noib, Syux nzêux yaz cloon lêpc yaz ninyh woax đomc Munh.” ¹⁴ Buz tinyh đoih glinyf nzac nib ninyh nzuf, “Nzof yaz yâuc numđ naih woac stingx coong pênx Hipc-lu woac bux yaz. “Sau-lơ lex! Sau-lơ! Săngh laix mâyh bix ayx peo yaz? Zengv yaz six hoiđ cănh zuc munz.’ ¹⁵ Yaz songđ naic nănh coong, “Zâu lex mâyh six toix laiv tauh? “Zâu tauz, Yaz six Yê-su, Mâyh ayx peo woax tauh.” ¹⁶ Nyoongz quef gôh! Yaz hynđ phunz mâyh phătc, Yaz paiđ mâyh ayx yaz nyăngz cumh pâuz Munh, “lêpc yaz ayx zanyx manyf, Lănv mâyh phătc nyăngz dlayc Bux munh, wâyc nâyx đomc dlayc, Nâyx noib yaz nzăngđ tuz taih pongh nyâuh yămz nây nâyx gôh.” ¹⁷ Yaz paiđ mâyh ninyh yaz six leđ Njâuv mâyh gâyh đutb Yiu-thai Munh, cloon max zâyf Yiu-thai Munh nyăngz puf đi.” ¹⁸ Yaz paiđ mâyh ninyh wâyc coib phunz nănh stiz nyăngz mâyc hayh mangc tuz phătc, Yeenv phunz nănh stiz yămz nzămc nyăngz munh seetb taih yămz Gwăngz nyăngz tync, Yămz Sax-tanx nyăngz puf đi woax đomc munh tuz seetb taih cloon Tênb-Hungh Songc yămz, nzof nănh stiz nyăngz stoif yâuc tuz quanyf, Yâuc tuz cloon Tênb-Hungh sên taih nyăngz munh yămz.” ¹⁹ A-ripv-ba Hungh lex! Yaz yâuc max aox tuz yaz phătc yămz Gungh hynđ yangh nyăngz dlayc.” ²⁰ Yaz songđ quef coonz tăng Đa-mekv Stengv lănv cuđ-jeenx đangc, Quaix đangz nzăngđ tauv Yê-lu-sa-lem Stengv, Yâuc năngx ninyh nzêux I-sa-la-ên Munh nyăngz Stâyz-phangz. Yâuc năngx ninyh lănv phunz max zâyf Yiu-thai Munh mungv, Phunz nănh stiz pâyz tuz six zuc coi nyâuđ quanyf Stoif, Phunb đangz lauf lov Zâu Tênb-Hungh.” ²¹ Wâyc năngđ nâyx, Yiu-thai Munh songđ cayx zoz yaz tayx ănz woa layf paix toongh.” ²² Six naih Tênb-Hungh Stăngc comx yaz, Yaz nâyx noib nzăngđ tuz Stâuđ yămz songx munh ayx jeenz ayx lub nyăngz Munh cah đangc, Yaz tuz lănv yaz mâyc phătc nyăngz dlayc, Mô-sê nyăngz Tâuc woac munh coong quaix đangc nyăngz dlayc oix zuc năngđ laix seetb taih.” ²³ Nănh coong, “Njâuv Zâu six tah yeetx Tauh, Nănh zuc tanyđ zâuđ yâuc zuc tayc, Six nănh năngx săngh phunb stengf taih, Nănh nzâyz Gwăngz-eng taih, Phunz Yiu-thai Munh cloon max zâyf Yiu-thai Munh.” ²⁴ Phao-lô năngđ nâyx coong zay Stynb nyăngz woac, “Phêtv-tu nyoongz quef hamv coong, “Phao-lô lex! Mâyh hođ gâyf njăngb yongb caox mâyh vutx nzof gôh.” ²⁵ Phao-lô tauz coong, “Phêtv-tu lex! Yaz max zâyf vutx đêh, Toix laiv hungđ yaz coong Six seenz nyăngz đev.” ²⁶ Hungh pâyz nzuf nâyx đomc muif hungđ dlayc, Yaz nzăngđ tuz pungx Stymz lănv nzuf phunz mâyh mungv, Yaz zeen coong max naih laiv hungđ mâyh max pâyz, wâyc zuc max zâyf pinyx ayx nyăngz dlayc.” ²⁷ A-ritv-ba Hungh lex! Mâyh zeen songx tâuc woac munh nyăngz woac max? Yaz pâyz mâyh Zeen.” ²⁸ A-ritv-ba bux Phao-lô coong, “Săngx huđ tăng laiv niny, Mâyh laic Stăngz six hayh quynb tuz yaz pênx zeen Zâu nyăngz munh naz? ²⁹ Phao-lô tauz, “Max cunv njâu mah six zayh, Yaz jođ Tênb-Hungh phunz Hungh pâu, Max zâyf cungb Hungh, Njynh cloon yămz nâyx nyăngz songx munh nâyx noib tuz Mungv yaz nyăngz munh, tinyh đoih six tuz Njâuv năngđ yaz Nâyx, nyâuh cungb njingc max naih njab langb Stayb.” ³⁰ Coong nzuf, “A-dipv-ba, Cloon Tôngz-đôkv Phêtv-tu, cloon muif tauh nyoongz quef.” ³¹ Lanh cloon lanh seetb phongh cungh ngwoaic sangv gwoangh yâuc đôngh ix coong, “Max phătc nâyx tauh munh longđ đêh, Nănh max jic tuz tayx, Mah six zuc ănz nzauh đêh.” ³² A-ripv-ba Hungh bux Phêtv-tu coong, “Nâyx tauh Munh, Năngđ max zengx cooux tauv Sê-sa Hungh têx, Six pungx nănh tuz lêđ đêh.”