¹ Okhẹ lẹ tẹzina zọ, ole kaze owale ọvie, ibo eni ibu lkwa gazẹ ọni sọ ochi ochi ọholẹ egua obele no ri ki izi ihhama ọvie, oyiyo zẹ egua ni. Agbo a zapa lkwa zina ọwalẹ ovie. ² O yi ugbọ kaze ja amia ni bu, ẹgbẹ emia nọ kazẹ inọki emia no whẹ hẹ ja. ³ Halezọ! onyio no yiọ umẹ, umẹ ọyiọ olẹ kẹ kọ ito ẹwẹ ọni. ⁴ lyi ọla lẹ kọ, ẹjọ zọ elepopo, ẹnẹ ẹmafe izii ẹha dọ. ⁵ Ujọ uje zọ ogbo egba, aja kẹ ẹkẹ lbue zọ we Eshẹ ne shẹnẹ ẹjẹ wuazi, kike aja irimi wẹ. ⁶ Eshe uvọ wuazi, uwuȯmọ uvọ ugbe ito, ama uboki ite ibue zọ, ẹfumunọ wa. ⁷ Ito ujọ, uze zọ ẹbẹ igba, lgba, Ẹbẹ ẹnẹ ẹjẹ wuali zii ili rumi, ene ki ẹmọ ito ke gu. ⁸ Enebo ujọ uje zọ eke ni yiemi, ene mito ẹshẹ wuazi, lkilibuelezọ, emito oiouọlọ, ọwuọlọ ẹsa ke ni jẹ owuolo iyie. ⁹ Ene ọwhẹ, " onyio nyio nọ yanẹ usọ ha ya ọruẹ o yo" ¹⁰ Eshi ni, ljesu pa oziza, ibo ni shie pẹzẹ ọni ke ni ẹnẹ ogbava ẹwẹ lwinahi oni ugu ugbe ẹnẹ. ¹¹ Owhẹ eja, wuwa na hẹ imamazi ewi oyokese na. Ama ibo ni zi opolo, kemi kemi iyi ugbẹ nọ, ¹² Uneyọ ẹkẹ wẹẹ, iyiọ nọ iya, ama ọ muẹ hẹ wẹ, eaiki, lki li ya, iyo, nọ iya ama u họlẹ oni, kaki lyọ no iye kiemia, oyokose ọha vie ẹja." ¹³ Owhẹ he eja, " ugbe uno uhọlẹ waa? kha iyi ugbe urapa wa họlẹ wa?" ¹⁴ Onyio no kiọ, ọkọ akọle. ¹⁵ Ẹnẹ khi eni esho elepopo, aja na kọ akolẹ sọ Ẹshẹ ni yo, lsatani ozi eshene shene oza akọle na kọ sọ ejaọ ¹⁶ Eno ki ito na kọ sọ ogaba, no rihi, eshe ni yo akọlẹ, eshene eshene, ẹhẹ utana ye. ¹⁷ Ama ẹẹyanẹ ite sọ egbe, ama ẹha egbe ye tẹ. Eshe nerivo, uzu ke ubiamina uwuazi upa hi akọlẹ, eshene shene, izekua. ¹⁸ Kune kune, ejo ki ẹnẹ akọ sọ egua igba, Eno ki lbo ni yio akole. ¹⁹ Ama uguda ewe ugbọ alẹzẹ awi uluwana ke utanazẹ ẹwẹ eguẹ uka iwuazi irumu akole, eni ki ẹha ma ito. ²⁰ Ene aha kọ sọ ẹkẹ eni yo akole, iyieyo ẹkẹlẹ ma ito, ọwọlọ ete gbe, ọwọlọ iyie o asa owolo iyie. ²¹ Ijeu ọwhẹ eja "wa ja ọpa zọ egua ukpo wa za zọ utuzu ọka na ke utuvu lbẹdi? u za hole zi, u ha zo usha ọpa. ²² Onyio mie emi na wẹtẹ ni ko onyio anẹsẹ, ke wmia ne ziubi ni kie fizi ogbolo. ²³ "Ako onyio yane ẹsọ no ha e ya, oyo." ²⁴ O whẹ hẹ ja, "wa hu ulo sọ emia we ya, emia uki ha mamazẹ ene na ha mamaze na wu, kẹ ẹnẹ vẹnẹ naha ba u ba u ọ. ²⁵ Ubohi une, onyio no yane, ọnẹ naha baniyọ sọ onyio nyio ni kọ yane, kani oyane e yie oni." ²⁶ Ọ ke lẹ whẹ, "ilapayẹ awe oyokọsẹ lwuni iyi ọhọsẹ nọ kọ ito ẹwẹ oni so ẹkẹ. ²⁷ Omuzẹ yẹ ọwazu, owuazi ọhanakọ, ito nẹ igbi ilo ẹlẹ shẹ, ama onẹzẹ emi na hami shẹ. ²⁸ Ẹkẹ ema ito na egbe oni osukusu oza ẹbẹ fizi, ola bia ẹfẹ ola yane ito zọ ẹfẹ no bia. ²⁹ Eshe ukọse ugu vọ, ẹnẹ oha akọrọ vie uyo ubo hi eshe na ja ukọsẹ lzii vo. ³⁰ Ene okẹ lẹ whẹ, "Ene ma ha mamazẹ llaapaye ewe oyokọsẹ, na ke ugbẹ iyi gu mia whẹ, ẹhọlẹ wu? ³¹ Iyune ito lmustadi, no ri ki eshe na ke kọ, onẹ ke ito ni gbe eke ugbo tẹrẹ va. ³² Kune kune, eshe na ke kọ, iya shẹ ẹkẹ gẹdẹ vẹnẹ ẹnẹ rapa ni zi ugue, eve egbane gẹdẹ, no riki emafe afe oyokose enabo rihe eku sọ egu a woni. ³³ Ugbe eni bu ewi inọ owhẹ akọlẹ ana nẹ ja, iyi la yemi enabo họlẹ ẹja. ³⁴ Okole nẹ ja, ene ki oyu ugbẹ. ama eshe no ri ene pa, eha kemi kemi họlẹ lbia iyi awoni ³⁵ Ohana ko ade ane, eshe ne ọmọsẹ ozi zẹ, o whe ja, ane, "acha ma ta zọ efe ẹwẹva" ³⁶ Ene igbe ruẹ lbo ni bua; ẹza ljesu iyi ọla shọ obele, Aklẹlẹ yane oble ni sozani li waha. ³⁷ Eshe ne suene, ifiozi lwuazi, ame egba lẹ họle egua obele no ri ki ila mọ. ³⁸ Ama, Ijeu onugboni ozieyi egua obole, omuse ya zo eta nelọ. Ewuẹlẹzẹ oni o, ẹlẹ whẹ, "okaze, u yane uguda kaki mele gua"? ³⁹ O wuazi, oma ifizi uza. owhe ame ana gẹdẹ "ovia ri keri". Eshe ne, lfiozi ẹlowa, asha rapa eki ri kerikeri. ⁴⁰ Ene o whẹneja "Ene na va was uzua? was zẹ yani uyieyo we? ⁴¹ Uzuvauna geden umu eja, ẹ whẹ egbe eja, "ọgu ko ọnọ, nori ki evelevele ki ame e yie oni ya.