¹ Oki ri akava ala ri taza zẹ-pass over-kẹ eho lburedi ni konyio sọ ububu. ² Epwaye oruvie khe lbo lsikiribi ẹlẹ zẹ iroro iyi ni ila wẹte ljesu ila gbo niya. Ẹlẹ whẹ" akhe ẹshẹ esho, ubo lke agbo akhe zu lgbena wuazi. ³ Ijesu ori zi lbetani ukpo lsimioni ọwẹ ẹrọmọ lyi ola howa ọla rẹ emi, ọsa mọ jọ owulu alabasita jia nẹ ame ani awu ichi zii, no riki naad enegbọ nọ ochia alabasita jia ne ya oku naad ẹnẹ sọ ni lkhama. ⁴ Ama ayane lbo nẹ le wuẹ ja wọ, lsosi egbe lẹ kọlẹ ẹwhẹ "Ene amie ne memeze? ⁵ Ase hi ituari ẹnọ kẹnẹ apọ sẹ tutu ldanari a hani lbo ni ke yanẹ, ehani li ri ahaẹ. ⁶ Ama, ljesu ọwhẹ "wa ru oni sọ" Ene amie ku wa ru oni so ohoyi? ⁷ Ori emia na yame na mu. Ẹẹnẹ kẹ ẹẹyana izi wu aja. ⁸ Ẹshẹ ukhe da, unabọ ri uguu nu yemi nẹ ja, ama aki ẹshẹ kẹshe u wa yanẹ mu. Ori emia nohi ria, oha ewi chame egbe na e wozi nu. ⁹ Ata mẹ whe hẹ wu, aja haaja neki gbe whe ugu uyomunu yemi ugbọ nọ urapa, oosa mọ nọ ori ahalẹ kahẹ. ¹⁰ Ẹnẹ Ijudasi lsikarioti, ọgu egbe ẹnọ gba va, ọla lẹ ichi opwaye oriuve ubo he ọnabọ hani nẹja. ¹¹ Eshe opwaye oriuve ọyọ, ẹlẹtana, ẹwhẹ zẹkẹ ke anani ikiya. Oteni sọ olẹ da opopo iyi nọ la ha ni leja ubọ ¹² Ada usukusu ewi lburedi ni ke yane ububu, ẹnẹ gbe ruvie ewe Ataso utakolo-passover lamb-evuyo ewoni, ewe oni, "Aha uda ku me ria na mu, enu gbarẹ emiaria Atasọ-passover. ¹³ Over eva egbe evuyo ewoni, owhe ja, "Hole eyala, ohose nọ wulu abe ẹwa me oesa wahe wu, sosa ni. ¹⁴ Aja oki gbo ukpo, sosani u whẹ onyio no yane ukpo, okase whẹ, "Aha mi ha eri ukpo efa aja me mai evuyo eme egbe rẹ amia Atasọ-passover?"' ¹⁵ Ọha ua kase oja he egu ukpo na gẹdẹ, ojahe ne yane eluka, ori aja sọ ẹkẹ na ma. ¹⁶ Evuyo ewoni, elale eyala na ewahe kemi kemi iyi no, la whẹ he, ela rie emiara Ataso-Passover. ¹⁷ Eshe omọse oje, ozi ene ogbava. ¹⁸ Iyi ni la wua sọ ltebu ele rẹ emi, Ijesu ewhe, Ata me whẹ wu, ogu egbe wa, me kwa re emi, ohamu a khaze. ¹⁹ Ẹlẹ vie wọn, onyio gu gu ele whẹ ọni, meme nọ? ²⁰ Ijesu opahe, owhe ja, "Ọgun egbe eno ogbava, ọnẹ me wele ti lburedi sọ egua ibolu. ²¹ Kikẹ omo ogbe o e waa iyi ala chẹ so na ni, ama, o wu ọhọse ọnẹ no ha ọmọ ọgbe kase, izi yemi ta ikoyo bia ni wẹ. ²² Iyi ila lẹ re emi, Ijesu oja lburedi, ohi lyemi sọ, oyia, oha ne ja owhe, "ye mu, ogbe me kẹ no" ²³ Ọza uchẹ, owhe mogbo, ọha nẹja, ene rapa lgbe uche wọ. ²⁴ Owhe hẹ ja, eno ke ajẹ ame mia ri elezu, aje neku fizi ni lbo ni bu. ²⁵ Ata me whe he wu, "kumi kha wọ uche awu eno je eshe mie gbe ilapwaye oyokọse wọ efafa. ²⁶ Eshe ne su uvie vo, ela lmout ewe olivisi. ²⁷ Ijesu owhe he ja, "wawa esapa, we je ya, ubo kha che so, mia fiẹ oku esamie upẹ, esamie etainaa. ²⁸ Ama, ẹshẹ ahe hamu wuazi, mia shẹ aru ewa lali lgalili. ²⁹ Ipita owhe, "Aki konyio konyio ozeya, Aku mie zeja. ³⁰ Ijesu owhe he oni "ata me whe wu, ina,-iyoo, owazu ina, oko ọpa ola wẹẹ lya va, wee cheze mu lya sa. ³¹ Ama lpita owhe "lki mie sosa wu iya sa. ³² Ije aja na gue lgetsemani, ene ljesu owhẹ evuyo ewoni "yiyo ana mi winahi" ³³ Oja lpita, ljemisi ke ljonu, egbe ẹlẹ wani, oli gbe egbe. ³⁴ Owhe he ja, olo ome, uwa mu je eleju, shẹ ana ulẹ kee. ³⁵ O sheina sọ aru ljesu oje waa sọ eke oli winahi. Ike bọsọọ ẹshẹ no ena bọ ta ni sọ. ³⁶ Owhe, "Abba, lya, kemi kemi uhi ria, zẹ uche uno gbe maru shee. Ama, aki amia me da ama emia uda. ³⁷ O chie mia zu owai ke emuseja, owhe hi lpita "Isimioni, umuseya? unaba kẹẹ lya gu ọhanakọ. ³⁸ Kẹẹ uwinahi ubo ku ke họlẹ ẹvẹlẹzẹ. Ehọ eda ama egbe eweleye ya" ³⁹ Okil, chie mia waa, oli winahi, ose whẹ iyi olo winahi. ⁴⁰ Eshe oki li chie mia, o waheja emuzeya, ubo ke ilo eja iri ku ma. Eneze emia nia whe he oni. ⁴¹ Ozii iyaa ẹsa ọwhẹ ja. "Wazẹ museya ni we howa? Ibu; Eshe, ije vo, wẹhẹ. Aha omo ogbo le ubo azia. ⁴² Wua zi, cha eli waa, wẹhẹ onyio no hamu kasẹ o shie pẹsẹ" ⁴³ Iyi ozi la le kọlẹ ljudasi, ogu, egbe ene ogbava ozii, ẹni lbo ni opwaye oruvie, lsikiribi ke lbo ẹrio ive lwulu ewele ejava ke lsha wulu mia. ⁴⁴ Anana, onyio no hani kase, oyi unẹsẹ, owhe, onyio me ke hunu yamahe one ke ọhọse ọnẹ, mu oni we shoni ga gase li waa. ⁴⁵ Eshe ljudasi ozii, esheneshene, oje lchi ljesu owhe, "Rabbi" Ohe unu yamahe oni unu. ⁴⁶ Ene igbe ejaku abo so nio e mu oni. ⁴⁷ Ama, ogu eja no siza pẹsẹ, oshi ewele awe eja va ochi evuyo owi oruvie no ha, ochi usọ ni ya. ⁴⁸ Ijesu owhe ja "We zii iyi lbo ni ha, ewele ejava, kẹ isha mu mu iyi oji. ⁴⁹ Eshe ohanako mi sosi wa leshe, mẹlẹ kase ugua ltempili, wa onyio mu mu ama eno me uyomuniyemi inabo fiya. ⁵⁰ Ẹnẹ pẹsẹ ljesu, eru oniya, iyi la waa. ⁵¹ Ọmọ ofala, nọ sọ aguọ evilivi no wala, olizozi Ijesu eshe ni ehose ne imu oni, ⁵² Ofeze aguo ewilivi ya ọhẹ egbe pa yila waa. ⁵³ Ipi Ijesu sọ aru late ichi ovie no ha. Ibo opwaue oruvie, eriọ, ke lbo lsikiribi egagese oni sọ. ⁵⁴ Anana, lpita ososi eyimeyi ljesu je ukpo ovie no ha. Oyiyo pese lbo ne kẹẹ asha, nẹ hẹ gbẹ wọ mọsẹ ẹya. ⁵⁵ Anana, opwaye oguve ke ibo ljewise council ẹlẹda lbo nie ri ozali neja enabo lbe ljesu a. Ama, emie konyio kọ gu. ⁵⁶ Ibo ni bu ejo, ejẹ ozali ẹwẹrẹ, lyomeva gbe ljesu eni ki ri iyi gu. ⁵⁷ Ibo jọ lwuazi esọ iyo meneva ẹrẹ ewhe. ⁵⁸ Ime yo nọ whe, , miye gbeze ltempili na haba ma, ọnọ ne o a ma uka akasa ni konyio habọ ma" ⁵⁹ Kun kune ozali eja iri iyi gu. ⁶⁰ Ovie nọ ha o wu azi egbe ja owina hi ljesu, "uyane ugu wa whe? Iyo mẹ ẹvvi yi gu nẹ ẹhọse nọ ẹsọ gbe wu. ⁶¹ Ama, odilizi ya, ọpahe ugu kuggu. Ovie onoha okili winahi oni, owhe, "Wẹwẹ khe lkiristi, ọmọ ọgu lyemi" ⁶² Ijesu owhe "Meme no, ki ke u wa mẹẹ omo ogbo eshe no khe yiyo ubọ ọrulọ ẹwẹ pupa, eni gbe odudu aferi zii. ⁶³ Ovie no ha o chee aguọ ni ya owhe, "ma zẹẹ da lbo nia zẹ ọzali gbe oni. ⁶⁴ We yo iyi ola kunu oyokọse, ene wa ha ri lkhama. Ẹnẹ rapa ewhe ugu no whẹ iyemi kẹ o hẹ elegu rie. ⁶⁵ Ejo, etezina, itu ẹsẹ gbe oni, ẹ gagase oni ilo esu oni emi, ẹwhẹ họ ni "milo sọ aru" Ibo ofisa eja ni lgbe oni. ⁶⁶ Lpita osi ufo egua ukpo, ogu ọmọsa omo ukpo owi vie no no ha ozii lchi oni. ⁶⁷ Omie lpita, ole wẹzẹ eya, oshee pẹsẹ ọni "owhe, ku wẹwẹ uri ogu ibo lnazareni ljesu. ⁶⁸ Ama ọ sha le ẹkẹ ọwhẹ mẹ nẹ ula hole mu emia ni whe. Ene ofizii o lale elepopo na cha họlẹ ukpo ẹnẹ oko ọpa ọwhẹ. ⁶⁹ Ama, omosa omo upo ne ekele mie ọni otezina owhe lbo ni ziza so aja, "Ohose ọnọ egbe ja no. ⁷⁰ Ama, ọkẹlẹ sha lẹ ẹkẹ, eshe lshẹ ma sọ aru, lbo ni ziza sọ aja wlw whẹ lpita, "Ogu eja uri ukili ri owi lgalelian" ⁷¹ Ama, oteina oli kuma olẹ buẹ iwuẹ "Me neze ọhọse wawhẹ ugu oni. ⁷² Ẹshẹnẹshẹnẹ, oko ọpa owhẹ iya wẹza" Ipita ọrana ẹshẹnẹshẹnẹ, akole awi ljesu nọ whẹ sọ ni wọ "Oko opa ola we iya va, we chezẹ mu lyasa" Egbe oniqwa oviee.