¹ Anana ugua ni mẹ nu ma wẹ kunọ, Maya ni lọ viẹ ọnọkọi ọnọ shushọ subọ rulọ uvọ ọkpashi nọ shẹ ẹri. ² Evushọ nọ ri sa shana fuẹma Itabanaku ẹvẹ shi, ẹnọ Oshọkọzẹh nọ ha sakẹ ọkọgbikhama. ³ Oviẹ ọnọkọhi ọsapa na jẹ kọli ru viẹ kẹni ki shẹmi, ubọaviọ, uvọ ku ma yanẹ mi mẹ mẹ ru viẹ. ⁴ Anana iki Kirisiti ọshakẹ nọ ọkọ siri ọviẹ, ubọẹnẹ ibọni ru viẹ uvu wuọ iziọ. ⁵ Ihakasi kẹni kọ dudu ọvẹ guẹ vẹ ri. Aviọ gọn nọ, ẹlẹ nẹ la samasi ni Mọsisi chaubọ vo Oshọkọzẹh ẹshẹ nọ lia ma itabanaclẹ ẹvọ Oshọkọzẹh "Miẹ ki iri lẹguẹ sapa na hakasi wi ikamẹ vọ yani. ⁶ Ama kirisiti ọ yiẹ li akọya vọ Oshọkọzẹh nẹ shẹmi fẹnẹ, ẹlẹgun nọ lani ọnyọ nẹ fọsishọ mẹ vi lẹzu la nẹ shẹmi fẹnẹ, ẹna hasikhama vẹ vẹna ẹni shẹmi fẹnẹ. ⁷ Ikiriki ilẹzu la vọ kẹnẹ kẹ abọsọ, ọyiọ sẹkẹ lẹ lẹda ilẹ zulafa. ⁸ Eba nọ Oshọkọzẹh ọ miẹ ẹshiri ẹvẹ gbikhama, ọ wẹ "Miẹ, ọhọnakọ ọzi-aviọ nọ Oshọkọzẹh ọ wẹ - mẹ yẹ riẹ ilẹzulafa ni upọ vi isirẹ li kẹni kupo vi Juda. ⁹ Ikiyẹ ri ẹlẹ vi luzu ni mẹ riẹ hẹ niẹ vi shai sha vajọọ, Adamọ ni nuajubọ, mẹ zajọọ fiẹ yaha ẹvi Egypiti ubọsiki isi gbẹ gbẹ sọ shusọ si ẹlẹsu lamẹ, mẹ hilọ gbajọọ aviọ nọ Oshọkọzẹh ọwẹ. ¹⁰ Enọ ki ilẹzu la nimẹ yẹ riẹhẹ nibọ vupọ vi Israli, ẹshima vọhọnakọ mọ, ọviọ nọ Oshọkọzẹh ọwẹ, Miya huwuo mu mẹ sẹgua vajọọ, mẹ kilia ọhẹ sunuma vajọọ, mẹ yẹ ri Oshọkọzẹh no va jọọ, kẹni yẹ ri bọ mẹ. ¹¹ Ikikia kasiọ va ọvajọọ, kọ yiọ kẹni kọriọ vọ, ẹlẹ wẹ, "Nẹsọ Oshọokọzẹh ubọsiki ẹnẹ sapa ni ya nẹ sẹ mi kabayiọ ni kẹkẹ jọ yiọ nọ kọli fẹnẹ. ¹² Mẹ lẹ yanu kọnọdọ nẹ guẹ nẹ bẹ vajọọ, kazia ma vajọọ, ikimi kia sana. ¹³ Elẹnẹ guẹ ilẹzulanọ na "Fufa" ọha li lẹzu la vọ kẹnẹ kẹnẹ kasi ẹlẹ vẹ avuku, Eminẹ ki ri avukuu alẹ hai wiẹ nẹ wa.