¹ Ruẹ uguda mu vẹgbẹ utahisaru, ² Ukẹ saminẹ fawa, ẹrikiwiẹ yia jọọ supọ, chaẹ nọ ibọ jọọ họ uri li avangẹli, ilafa ẹẹri kẹnẹ. ³ Lẹ sani bọnẹshẹzu ẹlẹvi ki kuẹ, wẹ uzi ọ, sani bọnẹ hẹmi nọ yiọ ẹlẹvi ki ku wẹ uri sanibọnẹ nasusu ẹlẹvi ki kuẹ wẹ vẹ gbẹlẹ rusu ẹgua vẹ gbẹ. ⁴ Ruẹ azẹ yanina yiẹlẹ, Ruẹ ilafẹ lavẹ yanina afuẹma ibọ ni ri ẹhẹna, kẹ ni kibọ nẹhẹ ẹhẹ na bẹmẹsẹgbẹ wa, Oshọkọzẹh nọ ya galishọ. ⁵ Zuhọ gbi gudamu vi ki va shẹhẹ, Ruẹ ẹmi nu ya ni ẹbu wi, Oshọkọzẹh pa ọwẹ, "I kimi ya ruẹ wi sọ, uki miyẹ chẹsẹwi, ruẹ ẹmi buẹ ẹbu. ⁶ Ruẹ ẹmiabuẹ ẹbu wi saki ma hẹ miẹ sha wẹ, "Oshọkọzẹh ka fọsubọ amẹ, uku mia vuzua ẹmi nọgbikhama ọyẹ ri mi." ⁷ Sani ibọ nẹ shọwaru, ẹnẹ kọli akọli avọ Oshọkọzẹh sọwọọ, gbẹ hẹlẹ nilẹ hina vajọọ, zilọ gbẹhẹ ẹyiẹ shọ va jọọ. ⁸ Ijẹsu ọpa nọ udẹ kina nọ, kẹni ku dẹnu zi. ⁹ Ukẹ ruẹ ahẹ ẹkasẹ fufa za va waha, ushẹniki ulọ kumana ẹhẹ ziza chai azọfẹ, ikẹmina rẹ ni kẹa fọsibọ nẹ shẹ gbẹ vẹni. ¹⁰ Ma yani li igba, niki ibọni gbakaya vigba mẹ mọ ẹrẹmi vani. ¹¹ Aza vẹna mẹ nẹgbẹ sazia, ọviẹ nọ kọhi nọ zasa shana fuẹma, Ahẹ shia wọn ẹgbẹ vẹ na mẹ mọ wa ọgbọlọ vi camp. ¹² Ijẹsu ọrusu ẹshima vunupọ sakọhẹ hama fuẹma chaaza vo. ¹³ Ruẹ ma dahọzi ẹshima vinupọ, mẹ yiẹ hẹ ọshimọvọ. ¹⁴ Maya ni ẹyalẹ vi pẹrẹ sa nọ ẹwuẹ ọvọ nọ ma zilọ gbẹ hẹ ni yẹ zi. ¹⁵ Chambọvọ, ubọaviọ ọ ruẹ ma hẹ sẹsẹ ẹvu nu nupa sinẹna vọ. ¹⁶ Vakẹ ruẹ ma rugunushẹwa kẹni ka lẹ fọsọyọ ẹva, ubọ, uviu vẹ la mi ọ nọ Oshọkọzẹh nọ daa. ¹⁷ Shusọ, ukẹ lẹ sai khama ni bọ nẹ họpọ kasima, ẹni nẹ gaga sọrumọ mana, ibọ ni ya wẹ ẹlọ mẹ la risọ, shusọ najọọ, saki kẹnẹ hẹ gunẹmi liri, sakẹ kẹ wiamina, ẹmini kiẹ shẹ mi na ma. ¹⁸ Gba dura na ma, ubọsiki ma yani ẹguẹ na kasima na fuẹ ma ma ha lẹ shugbọn lu nu bọsọ. ¹⁹ Mẹ fosi liva lẹgwa saki vẹ hiri fẹ na miọ saki mi chiẹna dahiva zi. ²⁰ Anana nọ Oshọkọzẹh nọ vẹ gbu lọọ, nọ za chiẹ nazi ọyiọ nọ kuẹhẹ usamiẹ ọnọkọhi Ijẹsu kirisiti ọ ha zẹ avi lẹ zu la vi pẹrẹ, ²¹ Nọ hẹ ẹguẹ sapa ni zọ ni shẹmi ri ugu da mainu vọ, Nọ gbakaya ẹgua mana chaẹ gbẹ vi Ijẹsu kirisiti ọyiọ nọ ya nẹ kọhi ẹvi pẹrẹ, uriavọ. ²² Amana, vẹ yiẹ ẹfọsimiẹ vẹgua, ibọmẹ, vẹ yiẹ hẹ akọlia vẹ fọsimẹ vẹgua ẹni mẹ chẹ sọ wiọọ. ²³ Anana nọ ọwiuọ mana Timọti ẹzuẹ lọwa, kẹni kọni, mẹlẹ hai miẹ wi. ²⁴ Wiẹ hi ibọ nẹ shovalanu, kibọvọ Oshọkọzẹh nẹ fuẹma. ibọ ni gbi Hair zi ẹwhiẹhẹ wi. ²⁵ Azọfẹ ẹzi za bahiva lẹsapa.