¹ Anana ẹyiẹshọ kẹni ma kẹhẹ, ẹhakasi ẹviẹ mi nikọyiọ miẹ, ² Evi shai shama aha lajọọ bọọsọ chaẹ yiẹ shọ. ³ Chai ẹgbẹ vẹ yiẹ shọ mẹ nẹki akọli avọ Shuku naha ma ugbọn lunọ, pẹki ẹmina miẹ, ẹkimi na miẹ nẹhẹ riẹ. ⁴ Egbẹ vẹyiẹ shọ nẹ Ebẹli ọhẹ ruviẹ unu shẹmi fẹmi vi Cain, ẹnẹ gbẹ hanẹ ọfulẹma, Oshuku nọ wẹ lugu vọ ubọ vuviẹ nọ ri, chaẹ gbẹ vẹ yiẹ shọ Abẹli ọsẹ kọli kivari kọ guwa. ⁵ Egbẹ vẹ yiẹ shọ nẹgbẹ zẹ Enoch waha sakọkẹ milẹ gun "Oyọn sẹ miọ, Oshuku nọ zaa'' Eha zasẹ lẹ, Aha kasi ki ọmahi lọshuku. ⁶ Anana ikẹ yiẹ shọ ashọ uhẹbọsọ kẹ mahọ Shuku ọyiọ nọ kẹ dahọ Shuku zi ọgbọdọ yiẹshọ kọziọ, pẹki ọninọ riẹ sọ nibọ ni gbẹgbẹ sọ da. ⁷ Egbẹ vẹ yiẹ shọ ni INoah, ẹbanọ shọ ushọ mu vẹri uvẹguẹ nikọ vẹmiẹ, kẹni kilẹ hẹ avẹ lẹ vọ Shuku O malukọ amẹ nọ fusulugbọn wa, ọkiriọ yiọ nọ jọgun ẹvẹfuẹma chaiẹ yiẹshọ. ⁸ Uyheyho nurue ki Abrahamu ohe yhuzho nyinalaguoni, olale aja noeyhe nyhu awholo uyhana. Ofi, erikonezhe ichi nola. ⁹ Uyheyho nurue oheshe eyhala nawhezheke fo, nyin ofah. Uli hena egua iko eni Asaaki ki Ijakobu, ibo nigbele jukpa zho egue nawhezheke fo. ¹⁰ Ozhilo legbehe eyhala, neriki okpekhe eni onyo nomha, one ko Oyiokhose. ¹¹ Cha uyheyho, ni Isarah nokpatiri ogbee, ohorue Abrahamu ohiri iyha omo. Kuno ri ohozhorio, urinani uboko yheyho ko Oyiokhose okewhe ozharia. ¹² Ubohuneo, cha ohozhe no - no kpakae oguegbea, enegbe bia ibiahi enibu nyi itikpiatsetse enizhi okhunokhu keleki nyin oyhanekhe okpene ameh. ¹³ Chae egua uyheyho nibono ezhakpa iguloa eriki nye awhezheke. Eyhaono, eyhima nilena gbehe nekele whena, iki yhe ke afah kele ki ibo nagha zho ekhe ugbono. ¹⁴ Nibo egue inokpa, ufumah ezhilogbehe aja neleha ri ekhe nieri afeh nija. ¹⁵ Ikori kele sikowhegua eyhala nigbe fizhiono, ezhe yhanazhe kemia. ¹⁶ Ama eyhala niyhemiva eneleda, enekafah whoo Oyiokhose. Ubohune, ukha umhu Oyiokhose kowhonone niri, nyin nolari koviasha neja fo. ¹⁷ Cha uyheyho ne Abrahamu, eshe naha vhelezhoni, ofuzhe Isaaki nuvie. Omonogun nohi yhe awhezheke Oyiokhose, noha ruvie. ¹⁸ Abrahamu nawhena, "Chaubo Isaaki ni ibiahi ewha igba renene." ¹⁹ Ekozhi Abrahamu ke Oyiokhose ole habo zhahe Isaaki gbelegun vhaha zhi, Oyiokhose okhekhe hani vhaha zhi, zhi ugbo. ²⁰ Uyheyho ne Isaaki ozheha chiehabo na Ijakobu eni Isau. ²¹ Cha uyheyho ni Ijakobu, eshe noyhe gun, ochiebao omo oswoswo owhi Ijosefu. ²² Cha uyheyho ni Ijosefu, eshe elegunani ashehina zhifo, owhe zhekhe nyin ibia Israelielae fi Igypti zhi, okele yheja izhe ke kwolo ivha whonone mua. ²³ Cha uyheyho, negbe hi Imose omo fafa vhete echiasa, ubo ke obiani enezhe komo noyhemi ushe no. Evuzuah elezu okpahayhie gbe. ²⁴ Cha uyheyho, ni Imose, ntin nola shefo, ochezhe kale gwhonone ibiahi ewhi Ipharaoh. ²⁵ Oyhama khonone ojukpa zho uzhunu ibonone, vene khonone lere enhema asiz neshe kaen. ²⁶ Eholoni ke, ukha kezhohi Ikristi, uyhane iyhemi ene whichi vhene uluyhana muwhi Igypti. Esoo noamie, nozhilo legbehe. ²⁷ Cha uyheyho ni Imose oha gbe Igypti shehe, ovhuzuah okphaghie gbe, ohogbe yhehe, nyin komiehe onyo nikilo ehemiehe. ²⁸ Cha uyheyho noha ri ovie - atazhazhe (passover), keleke mhinazeh, uboke Angeli nogbezhe ebia elewhizhi Igypti, okikha yhamahe ebia ehozhe elewhizhi ewhi ibo Israeli. ²⁹ Cha uyheyho neha cha egua ameh nyin ke ekhekpa necha. Ebani ibo Igypti eleda imueja lewhe. ³⁰ Cha uyheyho nodi Ijeriko ozhe bue, eyhima nigbochi chao ako-eyhuwan. ³¹ Cha uyheyho ni Irahabu owhehenah orun ibo eyhezho gua, uboko hibo nizhia chazhazha vhete. Zho egua uviah. ³² Ene mele kele whe, eshe ikiriasho mhe hawhe ugun Igidioni, Ibaraki, Isamsoni, Ijephthah, Idafidi, Isamueli, kele ki awhe amiehi lo. ³³ Cha uyheyho nehi higbe imu iyhala enegede, igbakhaya ugalie, keleke yhe awhezheke. Ikhuzu unu imini, ³⁴ Ivholi ekpukpa meyhaa, eyhana ikhama gbe ukhaze shehe, agbeja elakun manebu, iribo nekpupa zho elahun, ezhozhi eyhala niriefah khono, igbe, imu. ³⁵ Iboozha nyhe iboje nigua chae awhenazho. Ejoo emieaya, ebo khefuezhejaso, ehe jukpazho awhenazho aneyhemiva. ³⁶ Ejo eheja riahaen ekili gbeja ekpa, ekpati zhueja zho ewheleghe zho egua egha. ³⁷ Azholoja esiaa. Aveja riekpava, ahu khazhe gbezhejaa. Aheja ri ibo kheyane, elayhayheja, alenazheja uzun. ³⁸ Ugbono nuyhemeja gbe, ikwena lechamino ohele, ke eyhazhe ke evhe ki ekpe meshe gua ekhe. ³⁹ Amano, Oyiokhose okozhi ibono zho, ubohuyheyho neyhane, elayhe awhezho gbee. ⁴⁰ Oyiokhose oyhane okozhi aneyhemiva namha, uboke, kaku mhamha, onyo heja ribo nefuemah.