¹ Yi ushȩmi kala kozima zo, kȩņo , ivhuyho mȩ wi chrisiti kȩlȩ ki ibo ni sua atah coyiokhosȩ na vhȩtȩ cha. ² Anama , ȩmia da ubo asoukpo kolȩ fuȩȩzha . ³ Ama nu mȩmȩ ȩmia akaȩ no Ku wha ghaliȩ iyho mȩmȩ naki ajȩ gbȩ ghahȩ iyho ugbono. Mhȩnae kpo mȩ ghalie iyho. ⁴ Mi khozhi ka yhanȩ ugun na wȩ miri, ama enȩhakȩzhȩ Ku oroȩmȩ ufun gbȩ . Oyhane nohe ghaliȩ iyhomȩmȩ ⁵ Ubohunȩ , ukika ghaliyho amiakagun eshonilayȩ eshȩ no oyhanȩ awegua kazhȩ . Eshȩnȩ kokonyo oayhȩ ȩshȩzȩ ubo oyiokhosȩ. ⁶ Anana, ȩwhȩmȩ ubohuwha meha ugu Appollo kȩlȩ kumȩ ha khozȩ cha eguȩ mȩ whȩ , nyi uyhȩmi kuwa lawhȩzina ikakȩ whȩ ki "wa ke ta eguȩ nachȩ zhazȩ " Uboki wȩkika hȩ ugu onyojọọ . ⁷ Onyo nọ miẹ ku wa no onyojo wha gbi nyi gu? Ene ughamẹ , kika anaẹu? koki ri anahẹu Umiẹyhẹ , ẹnẹhi vhẹna nyi kumie emi yhẹgbẹẹ. ⁸ Emia uda uda uyhamẹ vo uri onyo Ogbima vo, wha kẹ tezhẹna zo uma ẹlakpayhẹ Oyiokhosẹ Onyo ki kozhi ma sọ . lmamu khuwha lẹ ma ifo amana , ẹshẹ ne kumama pẹzhẹwa lẹ ma. ⁹ Mi khozi ko oyiokhosẹ ohu mama evhuyho kazhẹ nyi ibo nivhulẹyi zo ula ; nyi ibo na chozẹ la ichi nẹ gbẹzẹ ẹjaa Mẹ ki ri ibo na vi ilo zhọ nugbọ zhakpa ugbẹhẹ -na kẹ ẹwa Ageli , kẹlẹ ku ugbikhama ẹzhakpa . ¹⁰ Mẹri ibo ni ruruna ubọhi ijesu , ama wha nẹguẹ zọ egua ikrisiti . malẹ , ama pukpapa. Ekozhi wa zọ , ama ahilo gbẹma. ¹¹ Ka anana, uchamurima ka, amẹh ẹmahima, mala yhane izua maha ghagazẹ ẹgbẹ owhọmọ umuma. Ẹshẹzhakpa nẹ gbẹma , mala yhanẹ afẹ ma họlẹ . ¹² Ma hẹgbẹ zhakpa gbakaya , Abọ ama mahagbẹ . Ma whẹ oyhena ibo nẹkẹja ma . Akẹ biamama, mẹ yhẹhẹlọzina ¹³ Akẹ whẹ uguma unubẹ , mahọlọ fuẹzẹẹgbẹ zọ pahẹ . kunẹ kunẹ , amiẹhẹma nyi iku na kulẹzẹ ugbọnọ , nyi isna ni yhẹlẹzẹ va . ¹⁴ Aku hukawa mẹha chẹ ẹguẹ nọ , ama mẹda kumẹ pahẹwa ubọ nyi ẹbia nimẹ dugun ẹja ¹⁵ . Aku whayanẹ ẹkọzẹ uyhẹ zọ ẹgua ikrisiti, wha zẹ yhanẹ iya ni bu kiyọ Mi ri iya was zọ ẹgua ikrisiti ijẹsu cha uyhomunuyhẹmi ¹⁶ Ubọhunẹọ , mi pizi wa , kuwha hamuri agbẹhẹri . ¹⁷ Ubohumẹ mẹha vhẹ lltimothy nawa , ọmọ mẹ , ọwẹhẹria numẹ duguọni zọ egua Ọyhanẹ Oale Zhamazẹwa Okpọpọ mẹ zọ ikrisiti , nyi mẹzila kazhẹ kakaasha kẹlẹ ki ishoshi ezakpa . ¹⁸ Anana, ibọwha ejọhọ iẹkẹ Zhanẹgbẹ zọ ọkun, ikiria nyi ki iku mi kẹ kẹmia dawazi . ¹⁹ Mẹlẹha dawazi , ikili mai Ọyhanẹ Eshẹnẹ mia nezhẹ llki akọla ibọ nẹ zahẹgbẹ nọ aunukpa nọ nakẹ ẹyhanẹ ẹkpupa mẹ Oyhokhosẹ. ²⁰ Elakpayhe Oyiokhosẹ ashọ na akọlẹ pa, ama ẹzhiza na ẹkpupa. ²¹ Kaẹẹnu wha jẹ , mẹha ukphẹ nakẹ mehu ugunda ẹnẹ ẹhọ fọ dawazi ?