¹ Ewheme, mhe da ki egue enaheme ewhe eho eriki eholewha. ² Wha neze keshe niki wha nezhe Oyiokhose, aleke wha na liku memikehe kole, whazhabo lena. ³ Ubohuneo me da kuwha ne zhe ri onyo mie onyo ohe Eho Oyiokhose kola nohe whe "Ijesu oriyhemi." Onyo mie onyo nohewhe, "Ijesu ko Oyhane," kake Eho ne fuema ekpahonubu. ⁴ Anana, enahe ibuehe, ama no Eho guno. ⁵ Akayan Oyiokhose ebuehe, amano Oyhane ogun no, ⁶ akayan ebuehe, amano Oyiokhose ogune no gbakayan azhakpa kugbe. ⁷ Anana, onyo konyo nahashana chie egua Eho kohakayani khoze, ni iyhemi asazhakpa. ⁸ Na onyon ojoo oyane enahe akole uniah cha ubo Eho, onyo ojo oyane enahe akole anezhe chae Eho gun ene. ⁹ Kele na onyo ojo oyane enahe uyheyho chae Eho gun ene, kele na onyo ojo enahe me aghee chae zho gun ene. ¹⁰ Na onyo ojoo anahe eri - imamazhi, kele na ojoo awhezharun. Na ojoo anehe ahabo felezhe eho ke eho gbehe, kele nojoo awhure kure, kele nojoo egbuwho ureh ku re. ¹¹ Eno nezhakpa, akayan Eho gunene zheno, ajichi eno nonyo osuosuo, nyi ila mai Eho. ¹² Nyi egbe ilari ogun, na yhane eche ni bu, ke che zhakpa egbe guno, nyo ki Ikristi ogbe. ¹³ Chae egua Eho gun naha tima zho egua ameh zho egua egbegun, kowi Jew nako wi Igreeki, Ushala no na konyofuea, ene zhakpo narue nigbele whon Eho gun. ¹⁴ Egbe ike eche gun, ama echeoni ebuche. ¹⁵ Aku ukpete uehw, " uboki akubo miri, akowhe egbe miri," Iki jako whe egbe nori? ¹⁶ Iki kele kuzho uwhe ki, "uboki miri ulo, akowhe egbe miri," Iki jako ewhe egbe nori? ¹⁷ Ike egbe zhakpo iri elogun a, ahano eyha eleshe? Ike egbe zhakpo iri eya a, ahano eyhunfu ashe? ¹⁸ Amano, Oyiokhose ohe eche osuosuo egbe zho ajani nyi orida. ¹⁹ Ike eche zhapa iki riogun, ahan egbe eashe? ²⁰ Ama anana ogun eche zhakpa iri, ama zho egbe gun. ²¹ Ulo uhewhe ubo, "mhe yyhane emia maihuri." Nake ikhama nia whe ukpele. Mhe yyhane emia miahauri." ²² Amano eche egbe ne legele vha eni rugbegbe vha, ²³ kele keche mha hilo gbe vha, ene mhala kozhi zho vha, kele keche egbe maha vhete eneke yhanullo vha. ²⁴ Eche egbe nekozi zho ikpati yhane ka gemeze. Eyhano, Oyiokhose okwegbe zhakpa gbr, nerike oha kozhi okele gbe eche niki gbima gbe. ²⁵ Ori nokpa ibo kasha uukhemi iki ka shoo egbe, ama eche egbe ehabo huguda le pahina ubo. ²⁶ Eche gun ekele runzu, egbe zhakpa igbele ria, nake iki khozhi eche joo zho, egbe zhakpa etanah kugbee. ²⁷ Whawha ezakpa egbe Ijesu whe ri, onyo suosuo wha eche egbe oni no. ²⁸ Oyiokhose oje ni Ishoshi, ugo, ewe evuyho, eva, ewhwzerun, esa, ekhaze, keleki ibo ni ri imamzhi, keleki enahe me agbela kun, ibo ne pahugbo ubo, keleki ibo ni gbakayan nyi eguelale yharun, keleki ibo ne whe urekure akole. ²⁹ Enezhakpa ke evuyho mi Ijesu? Ene zhakpa ke emiarun? Enezhakpa ke ekhaze? Enezhakpa ihi ri imamazhi? ³⁰ Enezhapa eyhane enahe agbelakun? Enezhakpa ehe whe ure? Enezhakpa ehe whe emia awure ezizhana? ³¹ Zumazhegbe wha leda enahenegbe. Ama mhe ha khazeu okpokpo noyhemi vha.