¹ Ipaulu, ni Ijesu Ikristi ogue cha nyila yhemi zi ilo Oyiokhose ko ri ogun ebia eyhima onene, keleki Isisthenes owhe ma onohoze, ² Na ibo Ishoshi ewhi Oyiokhose ni zi Icorinth, ibo ne mo nufuema uwhi Ijesu na gue ke fuema, ekugbe keleki ibo na ne enene ono yhane ma Ijesu Ikristi egue kakasha. Ono yhane ma ke enigbeja. ³ Azhofe ku uviah echa ubo Oyiokhose Iyha eni Oyhane Ijesu Ikristi jewa o. ⁴ Eshe zakpa me me whehe Oyiokhose ome na wa, ubohe azhofe a Oyiokhose ni Ikristi Ijesu ohanawha. ⁵ Ohawha ri ibo ne yhane emia cha okpokpo ozakpa, cha egua akole kele ki anezhe azhakpa, ⁶ nyi wa zila yhe ki ozhale Ijesu atah no. ⁷ Ubohuneo, enahe meho kegun izhewa whagbe, nyi whala hegbe zhakpa kehe uzhimu wi Ijesu Ikristi ono yhanema. ⁸ Okele arue wha ze eyheyho mileke je uvhuleyhi, uboku urhuo wha uhe fun ohunakho ne onoyhanema Ijesu Ikristi. ⁹ Owheoria ke Oyiokhose, ono gue wha zo eriakhegbe awo omoni, Ijesu Ikristi. ¹⁰ Anana me zhalowha, ewheme, cha enene ono yhane ma, Ijesu Ikristi, kuwa hegua riegun, ereki ekemasha ekika she ehawha. Me zhalo wha kuwa hegua riagun wha yhane ekhozi agun. ¹¹ Ibo Ichlo ewhehe mu uguwha, ke eriogun ezi ehawha. ¹² Emia whe kawo, ibojo ewhe ki "owi Ipaulu me ri, ejoho ewhe" owi Appollos miri, ejo, oei Icephas, ejoho owi Ikristi". ¹³ Ikristi, eva noo? Asu Ipaulu nawa noo? Enene awi Ipaulu naha tiwa zhame? ¹⁴ Mezhabo no Oyiokhose, miti onyo kogun wha zho ameh gbe, kake Icrispus keleki Igaius. ¹⁵ Nye eri, uboke onyo kogun okalewhe ki enene ame naha ti one zho ameh. ¹⁶ Meme mi ti ibo ukpo Istephanaa zhoamah. Eyhema uno, mi khozi kume kili ti ibojojo zhoameh. ¹⁷ Uyhomunuyhemi Ikristi ovemu kumelewhe, aki ti ugbo le zhaameh - iki cha uru unemeze, uboke eleguea Ikristi zo ikhamusha uzhun, ekpukpa moni ikika riokpaa. ¹⁸ Uyhomu usha usun, ni ibo nie riofua, ururu na noo, Ama, nibo ni fuea, kpakpa Oyiokhose noo. ¹⁹ Nyi la cheze, "Mia he umah ibo ne egua riofua. Mia he anezhe awi ibo ugue - uhole zo okpaa. ²⁰ Koo onyo no negue? Aba onyo no nezemi oshee onyo ko he unu ugbono kao nee? Oyiokhose oze he umiah ugboni ri ururuna a gbe? ²¹ Nyi ku ugbono ubi cha uniah moni neze Oyiokhose gbe uyhemi zi ilo Oyiokhose ko yhane ibo ni yhe yho cha ururuna egue Oyiokhose na whe cha. ²² Ibo Ijesu vhinai unizhe imamezhi ki ibo Igreeki edahino uniah. ²³ Asun Ikristi mau usha, ene whe cha, eletu ne zuo okpopo eni Ijew kele ku ururuna ni ibo ni zhui zo Oyiokhose o. ²⁴ Ama, ni ibo no Oyiokhose ogue, ke iwi Ijesu ne ewi Igreeki, ma whe uyhomu Ikristi nyi ekpupa kele umiah uwo Oyiokhose. ²⁵ Ururu mu Oyiokhose unegue vhene ugbo ikhama kele ke elale ma Oyiokhose akpukpa vhene ugbo ikhama. ²⁶ Wha zilo gbehe ugue mu wha, ewheme ne hoze, whawa ibo ne negue ugbono ne bugbe. Whava ewa wa kpupa? Whawa ewa ne bia zo elagede. ²⁷ Amano Oyiokhose oghe ururuna me gue ugbono oha hukha mu egeu ne negue. Oyiokhose oghe egue ole oha hu ukha mu egue ne kpupa. ²⁸ Oyiokhose oghe egue ni zi ufo na hi ilo gbe, ugbono. Okati ghe egue ne khozi ke sheo, ola zha emia ne khozi va, oha ri emia ni ka zho a. ²⁹ Orieno, uboki ugbo kogun okiaka yhana emia joho nono havhena arua Oyiokhose. ³⁰ Ubohu uguno Oyiokhose ori, we kizi jegua Ikristi Ijesu, ono ziza nama nyi umiah mo Oyiokhose. One oki ri emiayhemi na ma, ufuemah, kele ki ashana ma zo. ³¹ Ubohuneo, nyi azila chezo, "Arue onyo no avhena, ohi Oyhane kle vhena.