¹ Ti din ka tọ ubo Ibebosi - uturu áye ebe, ti su ubo nẹ wọ Osibina uba ṣa. Awọ ubo nẹ bama fọ orokoro uba mẹ, ama uba ne me su ọta, Osibina ẹṣẹn. ² Ubaka uturu ọnẹ ti wọ onunuma, takare ka be fọ ẹsa file tu akọ to Osibina esen nefs omema. ³ Te su ọfayen yere ubaka akone teke siye. Ke fo one siye na bá ka gba tọ iwu-ufolo. ⁴ Ubaka ẹgaba ogbone ti wu uturu, te wuwuna, eyankata iwu. Ti mé nika tifile ẹsa, one ubaka ero edi rowa orokoro. ⁵ Ẹfẹna guru tuna ubaka one ẹpẹn fẹnyan awọ Osibina eka, ẹfẹna fo ẹfunwẹnfunwẹn nẹ tọ akone oguru-iwu neke na ása na. ⁶ One uba, ogba fenyan su ibe-ofunfun, din ka ogbona ti wo ubo iwupe, ti fura iro Idu. ⁷ Ubaka tẹ́ jeje akọ Ọnawọ, ama wo akọ áyẹn. ⁸ One ti su ibe-ofunfun. Té ke siye ti fura iwupe aka ubo ako tí Idu. ⁹ One uba te seya sino to onina, esi-gbeke tẹ wọ ubo sa ọyen, tẹ fo yi be ron. ¹⁰ Ubaka atọ ọsẹnsẹn no adan, ubaka ore-orore edi no eka na bowe na ubaka epen ne bi siye iwupe na, e sigbeka ubaka oboro sa ubaka odudu. ¹¹ One-uba, din no Idu orore, te pere erokoro. Ka Osibina agba to gbangaban, aka efo áyen yere ka e siye gbandala ino ibe-opin. ¹² Ti me siye ka te pere no bilamo ka ne gba to ako osu-ekuwa na. Kegan, te fo igben áyen no ka neke ron miben ito iwu, ubaka ni di su ogunawow no ẹnanẹ akọ agumabo ubaka ọfo-iwuyen ama amanọ ekana wọ ito okan na. ¹³ Ubaka ti me wo osere ito okan, ubaka Osibina aka te wọ osere ito okan, awa ubaka tiwu eka. ¹⁴ Ubaka Ẹkraist unini se tọ ṣinijen, one-uba tẹ nọ ọnẹkẹ: Ka oro-oyere fo nọ ero fenyan aka ka one-uba ero fenyan fo. ¹⁵ Efo ubaka ero fenyan, one-uba enane ama na eme pila maa neyo iwu ama no ẹfẹna á pere yo uba fo aka asoma palẹṣa. ¹⁶ Ubaka one, fura akana yo ti me pila gba koro-oyere ako iwupero na, e sihbeke té fo iso-oyere din Ẹkraist akene iwupe eka. Ama akana te me pila din ya. ¹⁷ Ọne uba, esu oro nẹnẹ wọ Ẹkraist, e sina oro-ọnwọnwọn. Ẹpẹn no osusu sa sun kẹ gbe ne sa sinọ ọnwọnwọn. ¹⁸ Ẹpẹn nenane fenyan fura Osibina uba sa. Asẹtọ sino oyere Ẹkraist yọrẹ aka afo netọ osisiye newa ka te se eroko sino oyere. ¹⁹ Ka, Ẹkraist Osibina áṣe ero ọne á sinọ oyere aka áye, ka ama gsn bo iluwe wo be pan, áfọ nẹtọ epepan newo osebile eka. ²⁰ One-uba bi tiye ta akọ osiye Ẹkraist áyẹn, úwaka Osibina áteyepin ito ọrẹ tẹywpin aka anọ, ubaka Ẹkraist eka: "Ni pila ni Osibina sa!" ²¹ Áseya ẹfẹna eme din no iluwe ke sino iluwero ubaka atọ ubaka ti di sino oserero Osibina eke iyo-iwu.