¹ Meh Ninyah miri galanti me enghiye weh khan shikham me pitai saru pir shigha me ma paro gbukham lani yamba yelin lokh na ² tih khu vuro meh menu khuliya niti piri temme mewa, ³ wu jilim yeh paro khona dhan paron khuleh weh me silou ni penuh paro longdhumi wanniron kisheyeh. ⁴ Shiram tehye me dhunhon foro kha jilim weh wula kha biyeh men dakila, ⁵ bunje foroyeh wehme yudnuyo waratih yawa, wu. ⁶ Meh nenhoh tamon Ibrahim penoh yamba akha bilenhim tih pir yu wehkpangh ⁷ meh penoh me weh yu wein kpang sunu sebah tamon Abraham tih pisheyeh yuu nenhon yamba ta piron ka me weh ⁸ yelo a penoh yamba paro wehkpang warkhon kha paroni yamba tih Abraham tih, pesheye bhunje meh weh khan wemkpang sunuta we khunghah sunu dhiyo shibani Abaraham tih pesheyeh yambata yuh khon khan lenhya, ⁹ paro wehkpang tama shupoh paroni yamba ti sakni Abaraham tah tih pirin kan sakhi lenya piph ta pateyun fuk weh wala Abaraham mihya weh Kullih. ¹⁰ Shamuyo ti yakhu meh memme weh sunti piri dhiyi ti yata yu kho khon balini bali shamuyo ye ma ¹¹ Enghiye balani Balim tiy yata balanih yamban ¹² weh khonum dan khiti yata dakhilan we. ¹³ Tih pisheye miya yu we wala ta deyani tih. Shekhi wen kpang. ¹⁴ tih fuk teyeh khiye Almacehu sarou Tira dhing mu tih paro shamuyo ti khon paro Eleng khumu. ¹⁵ Yamminano ma ton paro munan tewan shimo paroh memme mame tekko paro tewan fuk Engheye an khuranim. Bonje tih munan fok tih Ibrahim khan meh jichinih. ¹⁶ Ar diyoh Mani wem, " tih jichini," tikhu mun gbeh, lunghu man diyoh tih khu mun dok kpandahni," khan phirin mah jichinih," shakkhi Kristi. ¹⁷ Bunjeh munan fuk ti Abaraham shakhi khan dho ma moloni Atew ta ma molongnim, ¹⁸ paroye a tewan fuk yamba mungho wanih tih abaraham yah maya ta paroni munkho yu khonah? ¹⁹ Bunje menakhon piri rtih Abaraham paro munang fuk menokhen piri khon tih laun surani yamba tih gag paroni tah peph me, me weh benkheme dhih me tih shekhi Almacehu ma bagkhuru khume kan Almacehu Enghiye ya u da wann, ²⁰ Enghiye Linya Eli nawam, paro pepyou tih shekhi Almacehu yesuu ma me tah kam khan Almacehu ai meka shabir kan Abaraham. ²¹ Mah khishe lon tikhu munan foknih Yamba? Ah khishirhem! Mah tah kon kham munan shiram tah mungho nesho, khan yun yahlosho tah wannah tih phir khan kon. ²² Lunkhu yuwan pallah numngho pip weh tipirin ding. Yamba you khirei lunghu munan fok man milmun tih menan tikhu Yeso Kristi tah munun tih mi weh khan menan. ²³ Bonje kha yabbi warannih munan yahlosho, fohmun gbaphanih tikhu kon, khan munan yah loshomun khu khan allanih. ²⁴ Kon khan diyah an shumun khokkho weh shukhon kha warannih Kirsti, lunghu mun tah weh vuddan chik elenkhu munnah yahlosho. ²⁵ Lunghu bonje kha munnan yahlosho wannah, mun diyii tukkhu konnim. ²⁶ Lunghu pipmun shimban Yamba tipirin khan Kirsti Yeso. ²⁷ Khigha gbeh meh yelleh binou shiyun khan Kirsti yelleh denou sholom khan Kirsti. ²⁸ khamnin Yahudawa khan Greek, khamnin shebbeh khan weh ah shebbem, khamnin mun kpatin khan mun Fohmin, lunghu pip meh dok tipirin khan Kirsti Yeso. ²⁹ Makkhe bonje kiristi, khe Jichin Ibrahim khan shiram chokchik weh munghon.