23 ¹ Axni David kaoluta xwanit axkni chu xamaja xniy chu limaxtul, xkawasa, Salomón pi, xapuxk nawan Israel. ² Wa mamaxtumekol xlipotum napulalenkoy nak Israel, chu xpalakgachuwina,puchina,chu levitas. ³ Chu xlakskujni xpalakaachuwina, puchina, wanti liwaka xkaljikoy puxumakaw kata. Xliputum puxamakgutsayan mil. ⁴ "Wa amakol, puxumatate mil wantí xlakchango namatgakalkoy chiki Puchina chu akchaxan mil skujnin chu akastjayaunanin. ⁵ Nachuna, akgtati mil makgtakgalhnanin, chu akgtati mil tiku lilakgachixkuikgoy Puchina litlakgni wa ama nikuma lilakgachixkuikan Puchina." ⁶ Chu xla pulakatunu kawilih chuna iha xlak kgawasan leví: Gersón, Coat chu Merari. ⁷ Laadán chu Simeí xlikiltsukun xlilakgapasni Gersón. ⁸ Kgalhtutu xkaman Laadán xtawanit:Jehiel, xa puxku, Zetam chu Joel. ⁹ Nachuna kgalhtutu xtawanit xkaman Simei: Selomit, Haziel chu Harán. Wa umakgol xalak puxku xlilakgapasni Laadán. ¹⁰ Kgalhtati xwankgonit xkaman Simeí: Jahat, Zina, Jeús chu Bería. ¹¹ Jahat xa puxku xwanit, Zina xli'chati, chu manwá Jeús chu Bería ni ihuwa xlilakgapasni xwankgonit chuna chu ka pulaktúm xlilakgapasnikan. ¹² Chu xkaman Coat kgalhtati xwankgonit: Amram, Izhar, Hebró chu Uziel. ¹³ Wa umakgolh xkaman Amram: Aarón chu Moisés. Chu xlilakgapasni kalaksaka laki xlakán namakamaxikgoy wantú xa tlan limuksún xlakatín Puchina, chu laki na skujnikgoy chuna xkulanalikgoy xtakuni xliankgali. ¹⁴ Chu xla Moisés chu xlikiltsukut xlilakgapasni kalimaxtukalh levitas. ¹⁵ Xkaman Moisés; Gersón chu Eliezer. ¹⁶ Xlikiltsukut xlilakgapasni Gersón, Sebuel, xapuxku xwanit. ¹⁷ Xlikiltsukut xlilakgapasni Eliezer xwanit Rehabías. Chu xla Eliezer nejti xwanit xkamán chu manwa Rehabías lhuwa xkaman xtawanit. ¹⁸ Xkawasa Izhar xwanit Selomit, xa puxtu. ¹⁹ Xkamán Hebrón xwankgonit Jerías, xa puxku, Amarías, xlichal, Jahaziel, xlichatutu chu Jecamán, xli chatati. ²⁰ Xkaman Uziel xwankgonit Micaía, xa puxku chu Isaía xli chati. ²¹ Xkaman Merari xwankgonit Mahli chu Musi. Xkaman Mahli ; Eleazar chu Cis. ²² Eleazar nikgalhiln ni chatúm kawasa. Manwa lak tsumán kgalish. Xkaman Cis wa tatamakaxtokgolh. ²³ Xkamán Musi xwankgonit Mahli, Eder chu Jeremot. ²⁴ Wanchu umakgolh xkaman Leví, wanti xlilakgapasni xtlati. Wa xlakan xak , akatsiwilakgolh wanti xkaputlakanit chu x katsokanit xtakuwinikán wanti xkalak'sakanit wanti xkalhikgoy liuka akgpuxam kata laki na skujkgoy nak xchik Puchiná. ²⁵ Xpalakatá David wá:"PUCHINÁ, Dios xla Israel, max'kinit takaksni xpulatamat Israel,chu xla nalatamay nak Jerusalén xliankgalín. ²⁶ Nachuná levitas ne katitakukalh xpumakín xla talagkaxlhan, ni par xliputum tamak'lakaskín. ²⁷ Xpalakata uma watiya xtachiwin David, levitas wanti xkgalhikgoy akgpuxám kata chu liuka, kaputlakgawilhikalh. ²⁸ Xtaskujutkan xwanit natamaktey Aarón chu xlilakgapasni nak xtaskujut chiki PUCHINA. Xlakán natamakgtakgalnán nak tankilhtín,anta ni xtamakxtakg'kgoy chu akg xni sikulnalikán xliputúm wantú makg'lakaskinkán nakg putúm xtaskujut chiki PUCHINÁ Dios. ²⁹ Nachuná xlakgayakgolh ama kaxtilancha wantú xlilakgateynakan, chu harina xla kaxtilanchaw xla lilakgachixkuwín, kaxtilanchaw wantú ni kgalhiy limaxkutín nachuná wantú makgchakni chu tsilikanit nakg putsilhnín chu xliputúm wantú xli pulhkanankán chu xlil kanankán. ³⁰ Nachuná xlakan xlakgachixkuwikgoy PUCHINA Dios, puntsisa chu kakgotanun. ³¹ laki nachuná namakamaxikgoy putúm lilakachixkuwín xa lhkún PUCHINÁ Dios akgxni jaxkán, ama kilhtamaku akxni xa sasti papa' chu akgxni x paskuanankán, xliankgalhín xlakgachixkuwikgoy chu maxikgoy paxkat'katsini PUCHINÁ chuná iha ihuwakán xwankgonit chu wantú xkgali mapeksikán. ³² Chu xlakayalgolh chiki anta'ni makxtúm xwilakgolh chu anta ni xmakikan talagkaxlhan chu wa xtlawakgoy taskujut nakgxchikí PUCHINÁ, xmakgtekgoy xkaman Aarón xlilakgapasnikán.