8 ¹ Nomantja nowerica pjia, irracada njodoa íinia. Niinintja nocapa cádanaco pjia pemajle, njoeyoantja pjia njite corrintja capaimanca njoa pioya. ² Njoantja aiwa piapiya njodoa ípana Iricojle, njite njodoa icananta njoa coajícarro nopeyo pjia. Noantja pirrawa jaicotjeda iana capoajai njite patilla iana tsakja. Caaco rsowacatsa rsoaji inarro yempeti toa: ³ Inarroema sho jlinaco njoa njite atsia Iriema sho jlieyoa njoa. Caaco rsoaji inarro yempeti toa nainai njaji apjetsida inaitjepe. ⁴ Sha Jerosalén Iricoperri itonaipe, noma icaiteca norso yacoti ajádalri sho, corricaotsa imaca nocapaca nocoa cádanaco nomanda inai toa a kjerreca yami fa.Caacoca njaji inaitjepe Jerosalén Iricoperri. ⁵ ¿Cocao jrsoaji aji inolri jalrapocolri irikjoite, rsoeyoaca jliaji romanda?Caacoca rsoaji yempeti toa romanda irso: njoa icafieta pjia pimáa cádanaco apana manzanana yapjite, icatsa caiwica rsoaji pjidoa, icatsa niinica romotoeta pjia. ⁶ Pidana tjewaca niopitana picaolre ricó, pidana tsakja noipitana pinapa naco, ima mataita canadalrica mayamicalri sho jliaji ipeyokjeti. Ajádalrica paomacacawa cayoji ajádalri capisho jliaji irrirri; Iripojliacawa wanaco jliaji ipeyookjeti cayoji tiyé ipojlia capisho, jamodalrica jliaji ipeyokjeti, ima tiyé matsiadalricani. ⁷ Jliaji ooni cafainadalri corrin iritaita Iriyalriketaca jliaji ipeyokjeti, corrin oonia macadalri itaita shataca jliaji iomacakjeti. Nini cadaa ape itaita cada iaca pjiomi Irinaani iomacakjeti ikjaote, icamitsantja necaaca Iricao, namacoadata Irioya. Caacoca njaji ropjérrinaipe roaji yempeti toa narsowacatsa. ⁸ Warso apama wawedoada, corridarrotoa íini taoñawa.¿Cocantja wataita wanaitjaca rorso rsoaji wawedoa jliadenaotsa ape inoca iweñino? ⁹ Paita iwai shodarro cadantjano, wemetanja rodanawa palratape sho yenonperri iwapacaopeno. Pantinoma cadantjano, wanaitjantjá ropananomao jaico cedro sho. Caacoca rsowacatsa rsoaji yempeti toa. ¹⁰ yacaalre iwai kena njoa njite njaji noini yamana yenonperricana nawapa cawa nakjoite; Niini opina picapa njoa inarro ipedarroena sho. Cacocano rsowacawaacatsa. ¹¹ Salomón irso pia apapji uvapji Baal Hamón irico. Lricadani narso njaji irsolri toa nayadan sho nawapá-carroni. Nacoana njaji atsianai narso pia naaca Salomón irso mil monedaitape nacoada njaji paniati inaca. ¹² Noyarroapji jliaji uvapji, njite njaji Mil monedaitape, piyadaca, pjia Salomón; njite njaji doscientos mandaitape narsowalre njaji iwapacape jliaji paniapji. Caacoca jliaji royadali rsoaji ínarro rorso. ¹³ Piofacawa potirapji ricó, njite njaji nokitsiñapeji njemica piacoam, picada tsakja njomica piacoam nainai. Caacoca rsoaji ínarro romanda irso. ¹⁴ Caaco pjia kjeya, nomanda, kjeya pjia cayoji nérri sheco capisho jíipana naco ninicawa pomeniperri aima naoyawaca.