1 ¹ Jliaji nacantanda matsiadalri pja,Salomón idananda. ² ¡Páa, Iritsotso cadantja njoa Irinoma sho, ima matsia pjaca jliaji Iripeyoshopa njoa jaicotjeda iana ioya! ³ Joiwi perrica íitan njaji Iripomenicape; nacaite Irinacomatsia cayoji pomenídalri imoto capisho Irioya,niininapeyo pjia njaji inaitjepe walridarrope. ⁴ Pidee njoa njoecócarro piinai.Caacoca rsoaji inarro romanda irso: catima nocaolre pekirritsa pikjaote; picadaa nocatimatacawa pipeyocaa ikjaote; ima matsiadalri pjaca jaicotjeda iana ioya. Niini pjiomi njaji inaitjepe naomaca pjia pimatsiaca ikjaote. Aacoca rsoaji inarro apama inarro irso ⁵ Itaneca nodada mitsa matsiadarroca njoa, sha Jerosalén Iricoperri itonaipe, itanepeca sha napanaita itapje sho njaji Cedar Iricoperri, matsiadarropeca sha cayoji yamacati Salomón inaitjaji sho. ⁶ Macapatsa njoa ima itaneca nodada, ima jéeri imjaitaca njoa. Njaji njodoa yenipe matsi nacapaca norso, niini nacadaca nowapa nakiníkerre, cayo cadana corrin nowapa jliaji noyarroapji. Caacoca rsoaji inarro walridarro romanda irso. ⁷ Picaite njoa, coandalrica jliaji noomanda:¿A kjerre mana pia pjiwa naiñjao njaji píipirra? ¿A kjeere mana pia pjiwa nawafetawa njaji píipirra mayacan cádanaco yacoti? ¿Coadantja noajicawa mikjapantsa nainai njaji nokitsiñapeji íipirra? Romanda shepano: ⁸ Pianjícarro icatsa pjia matsiadarro pja nanakjoite njaji inaitjepe, pipineta njapodarrom njaji nopirra njite piwapa njaji cabra yenipe piwapanipe tsomi naofacawa ioya njaji iwapacape njaji nopirra. ⁹ Apamatsa pjia noomanda, njite pacoacatsa nocapaca pjia caballo inarroa sho napecolrico njaji caballo secoetacape Faraón sheco carrofia. ¹⁰ Matsiaperrica njaji picacoda njaji irsocape aima matsiaperri namatsiacao, aima patjepi cacoadaperri irrocawa piweda Irico. ¹¹ Nonaitjaotsa pirso pimatsiacawa pinacoape owirro sho njite palrata watsa neñada. Caacoca rsoaji inarro rsowacawacatsa. ¹² Lriorsoa cádanacoa Iriwafetawa Iriofacarroita naco jliaji talricanati, jliaji nopomenica nárdo dalri íipiatana Iripomenitani. ¹³ Cayoca norso jliajinoomanda Iricayosho jliaji pomenidalri nodejinda Iriarroda Irico nocoda naco. ¹⁴ Cayoca norso jliaji noomanda Iricayosho jliaji jaicoiwi napapinda papoco nadenda En Gadi Irikjoite. Caaco jliaji romanda rorso. ¹⁵ Ajadalri, matsiaparroca pjia, nomanda; ajadalri, matsiaparroca pjia; tsotsobo shoca njaji pitjí.Caacoca rsoaji íinarro romanda irso. ¹⁶ Ajadalri, matsiapalrica, pjia noomanda, matsiadalrica jliaji picapacana. Jliaji malritsicoa jipolredalri icatsa waorsoacawaca. ¹⁷ Jliaji wapana, nanaitjani cedro sho pjiomi njaji jliecotena, njite jaico cipre sho nanaitja Iriytapjewa.