9
1
Tu ocho kinoo Moices tu t’ana Aaron u palaloo yetel u nuxibilo Israel .
2
Leti tu yaala ti Aaron :”ch’aa un tul chan wacax ichil u much’uulo tial un p’el ssibal yo-lal keban, yetel un tul Taman ma bonoli tial un p’el toocbil siibal, kub tu tan Yuntzil.
3
Teche kabét a t’anic le macoo ti Israel caa waatioo:” Ch’aex un tul xibi chivo tial u siibalil keban yetel un tul chan wacax yetel un tul chan taman laa un p’el jaab tioo ma bonoloobi tial un p’el toocbil siibal.
4
Ch’aa xan un tul caparbi wacax yetel un tul taman tial u siibalil jeetzel tial a quinseexoo tu tan Yuntzil, yetel un p’el siibal de neek xaakaan yetel aceite, men bej-lae Yuntzil yan u chiicpajal ta taanex”.
5
Beytuno letioobe tu tasoo tu lacal le tu tuchi t’anta Moices tial u najil le much’talo, tu lacal le much’macoobo ti Israel naadzo ca hualajoo tu tan Yuntzil.
6
Beytuno Moices caa tu yaala:” Lela leti le tu tuchit’anta Yuntzil ti teex caa tu meetex tial u noobeenil caa beyac u chiicpajal ta taanex.
7
Moices tu yaala ti Aaron :” Cooten naadz ti u multunil kulta ca kub a sibalil tial le kebano yetel a toocbil siibal , caa meet pix keban ta woolal yetel yolal winicoo, kub u ya-siibal yolal le maacoobo tial caa meet pixkeban yoolaloo, jebix Yuntzil cu tuchitic teche.
8
Beytuno Aaron bin naadz ti u multunil kulta caa tu quinsa le chan wacaxo tial u siibalil yolal le kebano lela tial xan leti.
9
Upalal Aaron tu kuboo ti leti le kiko, letie ca tu ch’uul u ch’iilbil u kab ti leti caa tu dzaa ti le baacoo tee altaro ; leti tune tu t’oot’a le kik tu chuun le altaro.
10
Quex beyo , leti tu tooca le tzaatzo, le rñono, le tamano tee tu multuni kulta bey un p’el u siibalil yolal kebane, jeebix Yuntzil u tuchima caach ti Moices.
11
Le bak yetel le kehuel, leti tooc paachil ti campamento.
12
Aaron tu quinsa le toocbil siibalo, u palaloobe dzaati u kikel , leti tu weedza tu jujuntzeelil u multunil le kulta.
13
Beytuno letioobe tu dzao ti leeti le toocbil siibalo xeet’lemac paate yetel u pol, leeti caa tu tooca tee tu multuni kulta.
14
Letie caa tu p’oa leu xeet’el le cu tal tu jobnelo yetel u yoocoo tu tooca yokol le toocbil siibalo tee tu multunil kulta
15
Aaron kub le u yasiibaloo tial le maacoo le xibi chiivo beytuno tu ch’aa bey un p’el yaasiibalil u kebaan caa tu quinsa; leti yasiibalte yolal le kebano , jeebix tu meta yetel le yaax chivao.
16
Leeti kub le toocbil siibalo caa tu kuba jeebix Yuntzil u tuchi aalmile.
17
Leeti kub u siibalil le neeko; leti chuup u kab yetel leeti caa tu tooca tu multunil kulta , tu tzel le toocbil siibalo jaadzcakinilo.
18
Leeti quins le caparbil wacaxo yetel le tamano u ya-siibalil le siibal tial jeetzel, lela u tial maacoo. U palal Aaron dzao ti le kiko, lela leti t’oot tu jujuntzelil le altaro.
19
Quex beyo , leetioo xot u tzaatzel le wacaxo yetel le tamano, u tzatzel u nee, le tzatz pixic u jobnel , le riñonoobo yetel le tamano.
20
Letioo ch’aa le jadzlemacooba le xootooba caa tu dzao lela yetel u tzeem , beytuno Aaron tu tooque tzatzo tee altaro.
21
Aaron yunt le tzeemo yetel le noo muk yooco bey un p’el siibal cu yuuntaal tu tan Yuntzil , jeebix Moices u yaalmaje
22
1-Beytuno Aaron tu liisukab tu tojil le maacoobo caa tu quiquit’anta letitune; caa tun eem le tux cu kubic leu siibalil yolal kebano, le toocbil siibalo yetel u siibalil jeetzel.
23
Moices yetel Aaron oocoo tu najil much’tal ,beytuno caa jookoo caa tu quiquit’antoo le maacoobo, u noo-beenil Yuntzil caa chiicpaji ti tu lacal le maacoobo.
24
Kak jook ti Yuntzil caa tu tooca le toocbil siibalo yetel le tzaatz yan yokol u multunil kulta. Tu laacal le maacoo caa tu yiloo lelo , letioobe ahuatnajoo ca tu wuudz u pixoo chinicbaloo luum.